قصه واقعية عن الاستغفار وقيام الليل و الدعاء

7andoosa

New member
إنضم
17 يونيو 2009
المشاركات
1,051
مستوى التفاعل
0
النقاط
0
العمر
39
الإقامة
kuwait
السلام عليكم و رحمة الله و بركاته خواتي

الموضووووع منقووووووووووووول من منتدى عروس :eh_s(7):
حبيباتي انا بدش بالموضوع على طول و الله سبحانه و تعالى يشهد ان الكلام اللي بقوله مهو بكلام بكتبه عشان اوعض و بس

لا و رب الكعبة و اقولها مرة ثانية الله يشهد ان اللي بكتبه كله من الواقع و صار معي انا بالذات يعني الكلام حتى مو نقل من منتدى او موقع ثاني لا لا هذي تجربة صارت معي انا! و ابيكم تتفكرون فيها من بدايتها لنهايتها و انا ما ابي من هالشي غير الاجر اللي خير من يعطيه هو رب العالمين جل علاه!

نبدي بسم الله

قبل اقل من سنة تقريبا جتني رسالة من اخت عضوة معي فمنتدى ثاني سلمت علي و قالت لي كلام طيب و كتبت رأيها بخصوص موضوع بالمنتدى و ختمت رسالتها بدعاء لي و بطلب بسيط الا و هو دعاء للانجاب انا طبعا رديت على محتوى الرسالة نقطة نقطة و يوم وصلت لطلب الدعاء قلت لها "اختي ما في دعاء معين للانجاب بس ان شاء الله بدعيلج بظهر الغيب و ان شاء الله دعائي بيستجاب" ردت علي و شكرتني و قالت لي "انا ما طلبت هالشي منج الا لاني يأسانة انا صار لي 5 سنين متزوجة و لا حملت و انا و زوجي الحمدلله ما فينا اي عيب لكن الله ما قدر لنا نصيب بالانجاب و خلاص احنا تقريبا فاقدين الامل"

وقتها انا اشفقت عليها و كثر ما تأثرت ما عرفت شنو اكتب لها

فجأة يوم جيت اغلق شباك الالرسائل الخاصة تذكرت الاستغفار!

قمت كتبت لها رد مفصل عنه مع ذكر آيات و احاديث و جذي و تذكرت قيام الليل و بعد كتبت لها تفاصيله كلها كتبت لها رسالة طوييييييييلة فيها كل التفاصيل و قلت لها انتي الحين لازم تشدين حيلج و تستغفرين و تقومين الليل و تخلين زوجج يسوي مثلج بالضبببط و لا "تجربي" حظج لأ تيقني ان رب العالمين ما بيردج خايبه لو بعد سنييييييين

اهي بارك الله فيها اخذت الكلام المكتوب كللللله و قالت خلاص من بكره انا ببدي الاستغفار و القيام قلت لها خير ان شاء الله

و مرت ايام و جت اسابيع و ما سمعت من الاخت شي و انا حتى نسيت السالفه كثر ما انشغلت بذيك الفترة

لكن بيوم من الأيام و بالتحديد 5 شهور بعد آخر رسالة من الاخت جتني رسالة منها

فتحتها و لا اشوف اول سطر فيها

الله اكبر

انا جسمي ارتعش فورا و ارتعش اكثر يوم قريت السطر الثاني اللي الاخت كتبت فيه

"اختي حبيت اقول لج اني حامل 3 اسابيع و لله الحمد من يوم قلتي لي عن الاستغفار و القيام و انا صرت اقوم الليل قد ما اقدر و ما تخليت عن الاستغفار ابد و زوجي بعد سوى مثلي و الحين خلاص تحقق اللي نبيه و الحمدلله"

انا وقتها من شدة تأثري صحت رغم ان اللي صار لشخص ثاني بس كرم رب العالمين يهز الكيان! و ما كتبت شي للاخت الا مبروك مع دعاء صغير لها و لزوجها و لجنينها

و الحين الجنين اللي تبشرت فيه الاخت انولد الحمدلله و اهو بكااااامل صحته ما شاء الله لا اله الا الله!

و السبب شنو؟؟؟!!!!!!!!!!!!!

ساعة و لا ساعتين قعدت فيهم هالاخت مع زوجها و استغفروا او صلوا فيهم طمعا بكرم ربهم جل و على و شوفو شلون رب العالمين عقب انتظار دام سنيييييييييييييين عطاهم اللي يبونه بشهور بسسسس

اهي كانت يأساااااااانة و طايحة بشتى انواع التجارب و تقريبا فاقدة الامل بالانجاب و يا ليت عندها عيب او زوجها عنده عيب يمنع من هالشي تقدر تواسي نفسها فيه لااااااا القهر اشد و اعمق يوم تعرف ان اهي و زوجها سالمين و معافين بس ما يصير معهم شي

انا ابي اوجه كلامي للكل هنا و اسأل

ياللي تأخر زواجج و حاسة نفسج سجينة الهواجس

ياللي زوجج مالي قلبج جمر اما بكذب او خيانة او اهمال لج او كره او سوء تعامل

ياللي عيالج دينهم ضعيف او اخلاقهم ما ترضي لا رب و لا عبد

ياللي دراستج واقفة و ليلج كله سهر و قلق

ياللي رزقج شحيح و ديونج ضيعتي حسابها من كثرها

ياللي مشتهية تشمين ريحة طفل يكون من لحمج و دمج

وينج من ربج؟

وينج من كرم ربج؟

وينج من رحمة ربج؟

وينج من معجزات ربج اللي بين كاف و نون؟

رب العالمين يشتاق لاجل يسمع صوتج و انتي تطلبين منه ليش ما تلبين الاشتياق؟

رب العالمين يفرح يوم تفرشين سجادتج بنية الطلب منه ليش ما تطلبين؟

رب العالمين مسخر رحمته لخلقه يغفر لذا و يعفوا عن ذاك ليش ما تستغفرين؟

اذا انتي مستعدة تذلين نفسج لذا الطبيب و ذا المدير و ذي الخطابة و ذا الاستاذ و ذي الزميلة و و و و و و و و و و و

ليش ما تلمين المذلة هذي و تخليها رهبة و تواضع امام رب ذو عرش مجيد قادر على كل شيء؟

رب العالمين ما يهمل احد اختي

رب العالمين كرمه لعباده فوووق ما يتصوره العقل اطمعي بالكرم هذا و انتي مؤمنة قلبا و قالبا و ثقي ان القصص اللي مثل اللي قريتيها الحين و ممكن تقريها او تسمعيها بالمستقبل كثيييييييييير لكن ليش بس تقرين و تسمعين قصص الغير؟ ليش ما تستغفرين و تصلين و تدعين حتى يكون لج قصة لنفسج تنور قلبج بالايمان و تزيد من حبج لربج؟

شنو منتظرة؟

ربج سميع مجيب اقرب لج من حبل الوريد اركعي و اسجدي و استغفري و سبحي نعم ربج ماهي بعيده و انا اختج و الدليل القصة اللي فووووق!!!!

و الحمدلله على كل حال و استغفر الله و اتوب اليه

(احلل نقل الموضوع للفائدة مع دعاء بظهر الغيب بخير الدنيا و الآخرة)

و عليكم السلام و رحمة الله و بركاته
 

snow whit

New member
إنضم
5 مايو 2012
المشاركات
20
مستوى التفاعل
0
النقاط
0
الإقامة
QATAR -DOHA
جزاج الله الخير حبوبه ان شاء الله في الميزان حسناتج يا رب
 
إنضم
6 مايو 2011
المشاركات
701
مستوى التفاعل
0
النقاط
0
الإقامة
:-*7ooooooooby Q8
بميزان حسناتج يارب
كل كلمه قلتيها صح ماخاب من اتجه لربه وفضل الاستغفار عظيم
كل ما اتجه لربي وادعي من قلب يحققلي ربي اللي ابي
لاإله الالله
 

نوره&2012&

New member
إنضم
9 مايو 2012
المشاركات
4
مستوى التفاعل
0
النقاط
0
قال ابن تيميه:"الاستغفار اكبر الحسنات وبابه واسع فمن احس بتقصير في قوله او عمله او حاله اورزقه او تقلب قلبه فعليه بالتوحيد والاستغفار ففيهما شفاء اذا كان بصدق واخلاص"
 
إنضم
4 أكتوبر 2011
المشاركات
2,083
مستوى التفاعل
0
النقاط
0
استغفرالله العلي العظيم وأتوب إليه

جزاج الله خير ع النقل الرائع
 

فطوم 84

New member
إنضم
7 ديسمبر 2011
المشاركات
1,369
مستوى التفاعل
0
النقاط
0
جزاج الله خير. الاستغفار يسوي المستحيل سبحان الله
 
إنضم
12 مايو 2012
المشاركات
79
مستوى التفاعل
0
النقاط
0
مايخيب من يتجه لرب العالمين وانت سبب تذكيرها بالاستغفار ربي يسعدك ويحفظلها ماجابت
 

7andoosa

New member
إنضم
17 يونيو 2009
المشاركات
1,051
مستوى التفاعل
0
النقاط
0
العمر
39
الإقامة
kuwait
رفع رفع رفع
 

ana moo ana

New member
إنضم
3 فبراير 2012
المشاركات
558
مستوى التفاعل
0
النقاط
0
الإقامة
وماذلك على الله بعزيز
جزاج الله خير ياما قريت قصص وقصص عن الاستغفار يوقف لها شعر الراس
سبحان الله ياليت هالناس تاخذ العضه والعبره بدال ركضهم ورى اسباب دنيويه ويخلون رب الاسباب كلها .. الله يفرج همومنا اجمعين ويرزق كل من مر هالموضوع بكل مايتمنى
 
إنضم
20 يوليو 2009
المشاركات
1,653
مستوى التفاعل
0
النقاط
0
جزاج الله خير ..
وان شاء الله استمر عالاستغفار والله يفرج همي
بس المشكلة بحالات اليأس اللي تجيني تخليني أهد كل شئ استغفر الله
 

7andoosa

New member
إنضم
17 يونيو 2009
المشاركات
1,051
مستوى التفاعل
0
النقاط
0
العمر
39
الإقامة
kuwait
رفع رفع رفع


وعسى يفرج همومكم
 

^^ ǺГฬα

*مساعدة مشرفات قسم العروس*
إنضم
3 مارس 2012
المشاركات
6,779
مستوى التفاعل
0
النقاط
0
سبحان الله العظيم ما اكرمك
 
إنضم
13 سبتمبر 2010
المشاركات
426
مستوى التفاعل
0
النقاط
0
الإقامة
الكويت
الحمد لله علي نعمة الاستغفار
وبارك الله فيج وعلي نقلج للموضوع
وعسى ربي يتمم عليها ويرزقها