قصيرة+نحيفة=معاناة

[طالبة طب]

مرحبا بنات
أبغى رأيكم وكثير تهمني مشاركتكم بموضوعي لأني متابعة لكم من زمان وكثير استفدت منكم المهم أنا عمري 16 سنة طولي 140 ووزني تقريبا 43 أول شي هل يأثر طول الشخص على حياته الأجتماعية؟! انتو تحسون ان القصيرة مهمشة أجتماعيا ثانيا اللبس هذا عندي كعاناه خصوصا في المدرسة احنا مراييلنا في السعودية تجي كأنها ثوب ولد عرفتوا قصدي وأنا حاسة انه ما يناسبني ودي تقولون لي موديل أو حركة تناسب لي لأن قصيرة ثالثا وهذا آخر شي عدم اجتماعك مع الآخرين هل بؤثر على حياتك في المستقبل؟!


وبساتمنى تتفاعلون معي لأني محتاجة لكم و لنصايحكم كثير بالتوفيق للجميع

 

[طالبة طب]

معاناة*
يؤثر*
بس أتمنى*

 

[مزيونة الخبر]

اولا طولك وزنك متناسق وانتي تقولين عمرك يعني باقي بطولين سنتين ثلاثة ممكن العبي كرة سلة واشربي حليب وانا اشوفة عادي البسي كعب في بنات قصار الكعب مايطيح من رجلة عادي خليك واثقة وراضيه عن نفسك ترتاحي واحلى انك مو متينه فعادي البسي كعب وتصرين باربي هههه

 

[Daisy chain]

طول الشخص ما يأثر على الحياة الاجتماعية أبداً ماله دخل بس انتِ تقبليه وحبيه

وطبعاً عدم اختلاطج بالأهل والأقارب والصديقات طبعاً بيأثر الحين والمستقبل على شخصيتج و على كل شي بحياتج،

لاتنخشين عن الناس بسبب طولج أو أي أسباب ثانية واجهي وأطلعي مع الأهل لان ضرره كبير،

وزنج مثالي يعني اللبس راح يكون عليه حلو ليش تقولين معاناة فيه وبالنسبة لمريول المدرسة ما اقدر افيدج لاني مو عارفة

اللبس عندكم بالمدرسة شلون وشنو المسموح والغير مسموح خواتنا السعوديات إن شاء الله يفيدونج بس بقول شغلة

انتِ رايحة للدراسة يعني أهم شي مرتب وماشي على قوانين المدرسة وتقبلي مروري :eh_s(17):

 

[New_bride]

انتي توج صغيره وعندج مجال تطولين

شربي حليب وايد وفي حديده تتعلق على الباب تتعلقين فيها وايد تأثر وتزيد الطول

بالنسبه للحياه الاجتماعيه هاي يعتمد على الشخص نفسه ومدى قناعته

انا اشوف ان هالشي جدا عادي لان هذي خلقة ربج
وبعدين دام وزنج مثالي ومناسب طولج فهالشي ممتاز

واذا انتي تحسين بعزله او هميش فهاي السبب منج لانج ماتختلطين بالناس
بالعكس المفروض تكونين اجتماعيه وتكونين لج صداقات و تخلين كل الاهل يحبون وجودج

اما بالنسبه للمريول ماعندي فكره شلون لازم يكون

 

[ماكواسم2]

ليش صاكه على روحج ومعتزله الناس .. اولا انتي مو قزمه ولله الحمد وطولج بعد سنتين راح يكون 143 او اكثر ترى بحدود بنات الخليج لان متوسط طول الكويتيه 150 يعني انتي تعتبرين قصيره شوي مع الكعب تمام واهم شئ ترى الشخصيه وذكرتيني بوحده معاي بالثانويه طولها 140 سم وماشاءالله تزوجت رجل كامل من مجاميعه لا اله الا الله وهو معاها بالدوام واعجب بشخصيتها مع انها مو بذاك الزود كلش بس نصيب . وثقي ان كل شئ بايد الرحمن العادل واذا البنات يطنزون ترى عادي البنات بهالسن لازم يتغشمرون ويطلعون اعيوب فلا اتكونين حساسه

 

[dalo0oa121]

انا طولي ١٤٤
فشله