قصييرة ويتها حالة نفسية موو طبيعية وربي

[روعة_الاحساس]

السلاام عليكمم

شلوونكم بنات

شخباركم يا خواتي الغاليات و شلون الاجازة وهالحر وياكم
...


خواتي بصراحة ابي اقولكم عن مشكلة بنت خالتي اللي وربي بهدللللللللت حالها حيل

خواتي بنت خالتي توها بداية العشرين .. ورحت البارح بيتهم قلتلها يبا شفيج ذبلاانه ومو راظية تقعدين وي احد

وكل مااحد ايي بيتكم شردتي غرفتج

احنا اقاربج اذ ما تبين تشوفين الناس والجيران احنا ارحامج ليش جذيه

حطت ايدها على ويها وبد ت تبجي

انا هنيه نزلت دمعتي لني من اشوف حد يبجي ع طووووول ماشاء الله وراها خخخخ

بديت اهديها شوي وألمها ولما هدت قالتلي انا صارلي شهور على هالحالة ماقدر اجابل حد من دشيت العشرين ونا نفسيتي زززفت مو قادرة اعيش طبيعية موقادرة وربي

وردت تبجي
لاا حول .. قلتلها يا غناتي خلااص خدي روحج وخبريني كل شي بالتفصيل ونا راح اسمعلج وافهمج

المهم قالتلي انا قصيرة من بين خواتي .. كلهم ايونهم خطاب واهيا محد تكلم فيها .. تقول من حقهم .. اذ انا نفسي ماحب هالقصر وودي البس واللبس يطلع حلو علي

ودي اكون انثى مثل كل البنات ..

بس ماحس بهالشي مولية .. سويت تحاليل دم وبول مافيني شي.. وبالوراثة هم مافي شي ..صح خلقة ربي بس الله جميل يحب الجمال ونا ودي اطول شوووية بس مو وايد مو طمعانة بس شووي

قلتلها سمي باسم الله وان شاء الله انا بحاول ادورلج ووابحثلج بكل شي يخصه بالطول

عطيني بس جمن يوم واعلمج

عاد انا مالي علم بهالسوالف وقلت ايي استفسر عن هالشي عندكم

بنات بليزز ساعدوها وربي حالها يكسررر الخاطر


وبس اتمنى ما اكون طولت عليكم

 

[انا طال عمري]

سمعت عن فيتامين الحديد انة يطول وان شالله البنات يفيدونك اكثر

 

[Grass]

انا ما اشووف القصر مشكله كبيره !!!

نص بنات الكويت قصاصه

 

[~الامبراطـورة~]

حبيبتي ليييييييييييييييييييييييييييييش الزعل بالعكس
انا مبسووطة على ان طوولي زين اختي طويلة حيل وتقول ليتني قصير عشان البس نفسج كعب عالي كعب كشخة ....الخ
و في وحدة معرووفة قصيرة ومالها ريول متزوجة وقالو ماتقدرين تحميلن وقالت كل شي مكتوب وجابت بدال الواحد ثنين

ربي لك الحمد والشكر
وبالعكس وعن الخطااب هذا قسمة ونصيب كم وححدة طويلة وملكة جمال وقاعدة في بيت اهلها ..الله يرزقهم


حبيبتي قوليلهاا لاتشيل هم نصيبها بصيبهااا

مودتي

 

[miss angel]

رد : قصييرة ويتها حالة نفسية موو طبيعية وربي

ماادري حبيبتي الله يعينها بس احس مافيها شي حلوه تكون كتكوته واغلب الرياييل ترى يحبون البنت جذي

 

[!الجادل الصعب!]

توها داشه العشرين وكلن ياخذ نصيبه .. مآدري اذا سوت تحاليل ومافيها شي يعني ماتوقع في حل

 

[ATOoOMA]

الله يعين

قوليها خل اتجرب تشتري الحديدة الي تنحط فوق الباب ..وكل يوم خل تتعلق فيها
وهذا تطول الواحد جم سانتي

 

[ATOoOMA]

وبنسبة للزواج هذا قسمة ونصيب ..توها داشة العشرين يعني ابعز شبابها مو شرط الطويلة تتزوج واهيا اصغيرة !!!
في اشكر بنات طول وجسم وشهادات وجمال وقاعدين في بيت اهلهم ..فهميها انه هذا خلقت الله وكل انسان فيه مميزات وعيوب محد كامل الكمال الله

 

[ATOoOMA]

اشكثر **

 

[روعة_الاحساس]

رد : قصييرة ويتها حالة نفسية موو طبيعية وربي

تسلموووون بنات وايد على ردودكم الحلوة وتفاعلكم فديتكم

مممم بدور عن حبوب الحديد اللي قلتولي عنها

واهم لقيت شي اكو حبوب للطول مادري يقولون تنشط عمل غدة مال النمو وجهاز توقف عليه بانتظام لمدة 3 اشهر هم يقولون يطول جم سانتي

بصراحة مادري .. انا من تذكر حالتها ودي اييب لها ولو نص امل

والسموحة بنات تسلمولي

 

[••SôFt G!rL‏‏ღ]

خيها تلعب سله دااايم
وتستخدم حبووب الزنك عجييييبه ...
واهوا فيتامين بعد

 

[كلي أنوثة]

لا المفروض تخلينها تغير فكرتها ... قوليلها نصيبج بييج لو انتي طول كلوديا شيفر و الا قصيرة الله مقدرلج و كاتب كل شي بس خل تقرا سورة ياسين كل يوم
و صراحة و فيه ناس وايد لهم نفس وجهة نظري و هي انه البنت حلاتها مو طويلة وايد خلي الطول حق الريال و اصلا رياييل الكويت مو طوال يعني اذا يتراوح طولها بين 150 او حتى لو اقل وايد زين و خل تحمد ربها على الصحة و العافية
و قوليلها تهتم ببشرتها و شعرها احسن من تعابل بحبوب و اشياءات مو مضمونة بس عشان الطول

 

[روعة_الاحساس]

رد : قصييرة ويتها حالة نفسية موو طبيعية وربي

بنات الحين اهيا مسوية تقولي فحص دم وما طلع لها نقص بالفيتامينات بالعكس كل شي توب

ونتو تقولون حبوب الحديد .. تخحسون راح تنفع لها ؟؟ ولاا بس للي عندهم نقص بالحديد


والله تبون الصج يعني انا اطول منها بجم سانتي .. واحاول اقولها انه القصر هم حلو تقدر تلبس كعب على كيف كيفها .. بس ماااااكو فايدة تقول بالعكس الطول رزانه وجمال للبنت حته لمن تمشي تكون غير .. اهيا قصدها الطول المتوسط مثل هيفا وهبي طولها حلو بدون كعب

بس بنات صج بنت خالتي مو طماعة وبالعكس انسانة واايد قنوعة بحياتها ..بس ماعرف هالشي مسبب لها اززمه ..ما تبي تطوول حييل ..عقولتها جم سانتي عشان تلاقي دراريع تلبسهم فالعيد يليقون عليها

وسمحووولي طولت عليكم

 

[دبي العز]

لا حول ولا قوة الا بالله

اختييه انا ما اقول لا تدورين لها طرق ما ادري تطول ولا ما تطول بس انتي فهميها ان كل شي بهالدنيا قسمة ونصيييييب يعني لو كانت طول باريس هيلتون والله ما كتب لها تتزوج لو شو ما يصير ما بتتزوج ولو الله كتب لها الزواج وحتى وهي قزم بتتزوج

والله العظيم امسات 2 من ربعي كل وحده اقصر عن الثانيه قصار بزيادة عرسوا وخذوا احسن الرياييل ماشاء الله لا حول ولا قوة الا بالله ما اشوف قصرهم اثر !!!!!!!!!! مع ان حتى مب جميلات ذاك الزود ما ابا يعني انزل من حد بس رياييلهم معروفين بالجمال !!!! شوفي كيف النصيب يا سبحان الله

وبالعكس ناس عايشين حياتهم قنوعين يخافون الله واثقين من نفسهم وبالعكس صح قصار بس ما خذوا الموضوع كعقدة لهم وها عرسوا وماشاء الله عايشين احسن عيشه

وفي وحده والله العظيم ملكة جمال سبحان الخالق المصور طويله بيضه .......ألخ كل مواصفات الجمال الي نحن حاطينها في بالنا سواء بالشكل ولا المضمون ولا الشهادة والوظيفة

بس ما عرسسسسسست وصلت الــ 30 وهي في بيت ابوها !!!!!!!!!

ما اشوف شكلهم الظاهري اثر

الواحد لا يعترض على حكمة رب العالمين والواحد يثق بنفسه وبالي انعم عليه ربي ولو الله كاتب لها الزواج ....الخ ما شي بيرد نصيبها

لا تضيع حياتها وتدمر نفسيتها على افكار تافهه بهالشكل بالعكسسسسس خله تثق بالله وان الله ممكن يجملها بعين ريلها بقصرها


بدال ما تأكيد لها افكارها الغلط حاولي تفهمينها


ترا وربي الثقة بالنفس هي كل الجمال

يعني لو مب جميلة يوم تشوفين الوحده واثقه من نفسها بروحج تدورين الشي الجميل فيها غصب عشان تفهمين الثقه من وين !!!!!

والسموحة

 

[miss_math]

رد : قصييرة ويتها حالة نفسية موو طبيعية وربي

أهم شيء الثقة بالنفس ..

وخل تحمد الله على الصحة والعافية ..

 

[روبينا78]

رد : قصييرة ويتها حالة نفسية موو طبيعية وربي

انا سمعت عن حبوب الزنك مع التعلق بحديده ...... واهم شي الثقه بالنفس والله يرزقها ويوفقها
انا قصيره حددددددي وراضيه بشكلي اللي اراده لي رب العالمين والحمدالله موظفه ومتزوجه وعندي عيال والبس احلى الدراريع والبدل
لا وابشرج محسوده مارجع من عزيمه الا الاحلام كلها صراصير وقطاوه وثعابين بس الحمدالله على نعمة الصحه والعافيه
وعسى ان تكرهوا شيئا وهو خير لكم

 

[ـوودي آبـكـي]

إهيه جم طوولهآ ؟

للعلم حبيبتي
في درآسه تقول إن النسآء القصيرآت أكثر أنووثه . .
يعني المفرووض تستآنس مو تبجي !!

و بالعكس الريآييل يحبون البنيه القصيره طبعاً مو كلهم بس أغلبهم
و الجمال و الحظ مو بالطول لآ

إهيه مشكلتها الحين مو بالقصر
مشكلتها بطريقة تفكيرهآ ومبدأهآ
إهيه حآطه إبآلهآ إنهآ قصيره و مآتقدر تلبس و تكشخ و تطلع و تروح و إتيي

حآولي تغيرين طريقة تفكيرهآ و مبدأهآ إلي مآشيه عليه و صدقيني بتعيش صصح

آنآ طولي 149
و حدي أحب طوولي
أحس روحي صغيروونه و مجكنمه على قولتهم :d

السآلفه كلهآ تتمركز في [ الثقه ]
لآزم توثق في روحهآ لآزم

علميهآ إنتي يآ قلبي و فهميهآ , ,

و الله يووفقج و يوفقهآ​

 

[سلطانة القحطاني]

رد : قصييرة ويتها حالة نفسية موو طبيعية وربي

انا طولي متر و52 والحمدلله عايشه حياتي بدون مشاكل
وتزوجت ويبت عيال
كم طولها اهي ؟

 

[ملآمح يوسفيه]

رد : قصييرة ويتها حالة نفسية موو طبيعية وربي

حبيبتي مفروض تقولين لها ان القصر مو عيب

بالعكس اهي تقدر تكشخ وتلبس الكعب الي تبيه

الزواج ما يعرف قصيره و طويله و ضعيفه و بطه و جييييكره ومزيونه

كل وحده ونصيبها

توها صغيره تفكر بمواضيع الزواج

خليها تعزز من ثقتها بنفسهاا وتكشخ وتطلع للناس

الله يوفقها يارب



​

 

[مخملية الاحساس]

اختي القصر موعيب بس الظاهر في احد يعلق عليها او يحبطها هذه الدنيا فيها القصير والطويل والمتين والضعيف والزواج قسمه ونصيب مو عند الشكل والله بيده ارزاق العباد