قضية ازدواج الجنسية ... هل انتي من المؤيدين ام المعرضين ... و ليش ؟؟؟

[لازوردي]

قضية ازدواج الجنسية ... هل انتي من المؤيدين ام المعارضين ... و ليش ؟؟؟

السلام عليكم

:gathering:

حبيت اعرض هالمشكلة و انتناقش فيها و خصوصا انها مو بس موجوده عندنا موجود بأغلب دول العالم و اللي الحين قاعدين يحاولون انهم يحلون هالموضوع يعني مو بس احنا انعاني من هالمشكلة و اندور لها حل و خصوصا انه هالأيام قاعد تثار قضية ازدواج الجنسية بالمجلس ...

في ناس يعارضون ازدواج الجنسية و في ناس بالعكس ماعندهم اي مشكلة بازدواج الجنسية و يعارضون انه يطبق قانون منع ازدواج الجنسية ..... حبيت اعرف رايكم بهالموضوع سواء كنتوا مؤيدين او معارضين و ليش ...


بالنسبة لي انا اعارض ازدواج الجنسية و افضل انه الشخص اتكون عنده جنسية وحده لأنه الجنسية تدل على انتماء و ولاء الشخص لديرته اما الشخص اللي عنده جنسيتين بالنسبة لي شخص مشكوك بوطنيته لأني ما ادري اهو ولاءه لأي وطن و هم فوق هذا قاعد يتمتع بحقوق الدولتين اللي عنده جناسيهم و هالشي مايجوز لأنه قاعد ياخذ حقوق احد افراد الدولتين ....

​

 

[ScarletteO'Hara]

انا من معارضين ازدواج الجنسية, شنو هل الولاء ممكن يكون لدولتين؟ انزين يرتبط بأي ارض؟ صار حرب بين الديرتين, بشق عمره نصين و لا شنو؟ صعب الصراحة و بما ان القانون واضح بخصوص ازدوام الجنسية, منو احنا عشان نقبل فيها؟
تسلمين لازوردي حبيتي, نقاش حيل هادف

 

[لـولـو الحلوه]

اكيد ضد ازدواج الجنسيه

بس ببعرف اللي عندهم اكثر من جنسيه ولاءهم لمنو ؟؟

عاد توه بتو الليل مقابلين النائب علي الراشد وتكلم عن ازدواجيه الجنسيه شوفوا الاعاده

 

[لازوردي]

انا من معارضين ازدواج الجنسية, شنو هل الولاء ممكن يكون لدولتين؟ انزين يرتبط بأي ارض؟ صار حرب بين الديرتين, بشق عمره نصين و لا شنو؟ صعب الصراحة و بما ان القانون واضح بخصوص ازدوام الجنسية, منو احنا عشان نقبل فيها؟
تسلمين لازوردي حبيتي, نقاش حيل هادف

العفو حبيبتي و صاجه بكل كلمة قلتيها و شاكره لج مرورج و ردج للموضوع يالغالية ​

 

[لازوردي]

اكيد ضد ازدواج الجنسيه

بس ببعرف اللي عندهم اكثر من جنسيه ولاءهم لمنو ؟؟

عاد توه بتو الليل مقابلين النائب علي الراشد وتكلم عن ازدواجيه الجنسيه شوفوا الاعاده

الصراحه انا طرحت هالموضوع من بعد ماشفت برنامج توالليل و وايد شدني هالموضوع و خصوصا انه هالايام صاير عليه كلام في الديره و حبيت انتشارك بالمنتدى على هالقضية و اشوف آراء البنات فيه و اشكرج على ردج و تفاعلج بالموضوع يالغاليه ​

 

[لـولـو الحلوه]

الصراحه انا طرحت هالموضوع من بعد ماشفت برنامج توالليل و وايد شدني هالموضوع و خصوصا انه هالايام صاير عليه كلام في الديره و حبيت انتشارك بالمنتدى على هالقضية و اشوف آراء البنات فيه و اشكرج على ردج و تفاعلج بالموضوع يالغاليه ​

بعد قلبي القلوب عند بعضها :dddds: بغيت انزل الموضوع بس تعيزت لانه صج هذا حديث الشارع اللحين وجان زين اصحاب الازدواجيه ينكشفون والمفروض يسحبون الجنسيه الكويتيه ويكونون عبره لغيرهم لازم الحكومه اتطبق القوانين واتشد اشوي بهالسوالف

 

[لازوردي]

ياعمري و الله انا اقول غيرتنا على ديرتنا و خوفنا عليها اهو اللي جمعنا على فكرة هالموضوع يالغالية ...المصيبه انهم يكابرون و مو راضيين يعترفون انه هالشي اللي يسونه غلط و مو من حقهم انهم يجمعون بالجنسية ...​

 

[جـــواهر]

انا ضدها يعني شنو جنسيتين وين ولاءه بالضبط ماكو مصداقيه كلش ,,, !!! انا والله مايبطون جبدي الا هذيل اللي ياخذمعاش من الكويت ومن الدوله الثانيه اعوذ بالله منهم ... وبعدين اللوم موعليهم اللوم ع الحكومه وينها عنهم ... ؟؟؟


وشكرا اختي ع الموضوع ..:tek:​

 

[ام عيالها الغاليين]

أنا من أشد المعارضين لازدواجية الجنسية لأن هالشي تلاعب على معلومات الدول

أصلا الواحد فيه يكفيه فخر لما يعطونه الجنسية الكويتية الناس ميته عليها وهم قاعدين يلعبون

 

[خووووخه/1]

انا معاكم ضد ازدوجية الجنسيه بس امريكا تمنح جنسيتها للي يولد على ارضها بقض النظر عن جنسيته الاصليه

 

[نجمه*]

معارضه اكيد وبشده..........شنو يعني جنسيتين؟؟

وانا بصراحه مستانسه عشان قرار المجلس بسحب جناسيهم .......خووووووووش واالله عندهم جنسيه كويتيه وولائهم لديارهم الاصليه..

الولائ للكويت وبسسسسسسسسسسسسسسسس

 

[MaFaZ]

انا ضد هالموضوع طبعا لأن المشكلة مو بس ماكو ولاء المشكلة تلاعب ونصب واحتيال وقاعدين ياخذون فلوس وامتيازات مالهم اي وجه حق فيها وغيرهم وايد احق فيها ومو محصلينها واسمي اللي عندهم جنسيتين متحايلين عالقانون

 

[Pucca]

أنا أكيد ضدها وبصراحة أستغرب من اللي عنده جنسيه غير الكويتية ومخليها " باستثناء الأمريكية لأنها تنعطى للي ينولد بأمريكا اوتوماتيكيا يعني سواء رضا والا ما رضا تعده أمريكي وحتى لو يرفض ياخد جوازها اذا وصل السن القانوني وغير مقيم فيها تظل تعتبره أمريكي وما تسحب جنسيته حتى لو طلب , يعني كل عيالنا اللي انولدوا هناك يعدون أمريكين وعلشان جذي الكويت تستثني الجنسية الأمريكية من قانون ازدواج الجنسية"

بس انا استغرب من اللي عندهم جناسي خليجية, ليش؟؟؟؟ علشان ياخذ معاش من هني وهناك؟؟ شلون يرضون بفلوس الحرام؟! ولا تقولون مو حرام لأ حرام لأن تلاعب على الدولة . سمعت ان فيه ناس مو عايشين أصلا بالكويت ساكنين بالدول الخليجية اللي يحملون جناسيها وييون كل راس شهر يستلمون المعاش " يا اما معاش المطلقة أو الأرملة من الشؤون أو يكونون مسجلين صوريا بوظايف وياخذون العلاوات الي تمنحها الحكومة مثل الزوجية والأولاد وغيرها " وييون شخصيا لأن ما يقدرون يحولون هالمعاشات بره لأن راح ينكشفون بالذمة هذيل يستاهلون الجنسية؟؟؟؟؟ مو حرام ؟؟ والله ان فيه بدون يعورون القلب من ولائهم لهالبلد وهذيل حاصلهم وعايفينها؟

وبالنسبة للآراء اللي تؤيد ازدواج الجنسية وتقول ان كل دول أوربا وأمريكا وهم دول عظمى عندهم عادي واحنا كلنا ما نيي مليون ونتشرط أقول لهم هذيل الدول العظمى تستفيد من الشعب وليس العكس يعني اللي ياخذ جنسيتها ملزوم يدفع ضرايب تخليه يدفع ضريبة لكل شي ولكل خدمة تقدمها له سواء الصحية أو التعليمية وحتى الشرطة معاشاتهم من ضرايب الناس لكن الكويت العكس تماما هي اللي تدفع للمواطن كلللل شي التعليم مجاني والخدمات الصحية مجانية ومو بس جذي تعطيه بيت وتسفره علاج وتسفره دراسة كل هذا مجاني و منحة زواج وعلاوة أولاد ومعاش تقاعدي ومعاش للمطلقة اللي ما تشتغل من الحكومة ومعاش للأرمله وغيره وغيره " الله لا يغير علينا ويخلي لنا حكومتنا " يعني الجنسية توازيها حقوق كثييييرة لازم يستحقها المواطن مو يروح يدور غيرها


والأهم من هذا الولاااااااء لهالديرة الطيبة اللي عازتنا وعايشين فيها عيشة الكل يحسدنا عليها , الديرة اللي تحبنا وما ترضى علينا شلون يعطيهم قلبهم ياخذون جنسية ثانية!!!! هذي الكويييييييييت مو أي ديرة واللي مو مكفيته جنسيتها ما نبيه ولا الديرة تحتاجه فرقاه عيد

 

[katko0ota]

صباح الخير

بالنسبه لموضوع ازدواج الجنسيه انا طبعا ضدها مووو لأنها مسئله ولالالالاء ليش ان الولالالاء من وجهه نظري مو بالجنسيه و لكن لأني احسها تلاعب على القانووون

تقبلي مروري

 

[بطاط مهروس]

موضوع حلو الله يعطيج العافية ...... مشكور على هذا الطرح
اكيد اعارض واقولها باعلا صوتى لالالالالالالالالالالالالالالالالالالالالالالالالا
ليش اول شى اللى مالة خير بوطنة اشلون فية خير بوطن ثانى واللحين الناس هابين هبة بتجمع الجناسى ليش يمكن فى سباق وانا ما ادرى
ثانى شي شنو السبب اللى يخلية ياخذ جنسيتين او اكثر بس حق الكشخة وان انا عندى كذا جنسية
الشغلة صايرة فوضة ......... ولازم توقف
والثالثة والاهم عندى يعنى اى شى يصير حق اى دولة يقطها ويروح حق الديرة الثانية السالفة حدها مو اوكى بالنسبة لى انا وعند وايد ناس
واشلون يرضى على نفسة ويرضى على ديرتة انة ياخذ جنسية ثانية اللى موعاجبة جنسيتة يقول ما ابيها ويروح حق الدولة اللى بتعيشة وتعطية وبصراحة صايرة واااااايد بالكويت حيييييييل صدقونى ما فى مثل الكويت تعطى وتصرف عليهم ........
الله يحفظ الكويت وشيخها واهلها من كل مكروووووووووووووة ........................ امييييييييييييييييييييييييييييييييييييين

 

[«قطـــر موطــني»]

حنا كانت عندنا هالمشكله

وسحبوا الجنسيه من قبيله كامله لانه كانت عندهم جنسيه ثانيه

ومثل ماقالت وحده من البنات كانوا ياخذون معاشات من الدولتييين

بس وقفوهم عند حدهم

 

[jasmine_flower]

من المعــــــــــــــــــارضين لها وبشده

 

[أم عبداللطيف]

طبعا لا

اولا وين الغيرة على البلد والانتماء لها ولا بس يبون منها الزين وعقبها ينكرون الجميل

انا بصراحه اللي عنده جنسية ثانية من راي مايستاهل الجنسية الكويتية لانها ماتستاهل حق هالاشكال انت انت تبي جنسية ثانية خلاص اطلع من الديرة بكبرها ولاتتمتع بحقوقها حالك حال اللي يخاف عليها

وان شاء الله يحطون قرار حاسم على هالموضوع

واخيرا وليس اخرا اللي يحب الكويت ويعشقها مايرضى على اي جنسية ثانية تعادلها لان الكويت رزتك وعزتك وانت تنكر الجميل لها

ومشكورة اختي على هالطرح الحلو واعذريني اندمجت شوي بس من حر قلبي

 

[مطيريه ماركه]

آنا معارضة للازدواجية



معارضتي مو للمعارضة وبس يعني مافكر بالموضوع بجانب وآحد فقط هم المعارضة فيها ظلم للبعض

لكن وقت مآيتسآوى الناس كأسنان المشط ويتعامل حامل أي جنسية خليجية بحامل أي جنسية كانت واثنينتهم تسحب جنآسيهم

وقتها بطبل لوزير الداخلية وأشغل جراخيات وبقول يحياااااا العدل

والا يفضونها سيرة أحسن لأن مو حلوة ينقال : أبوي مايقدر على أمي يا حكومة

بس ترآ الكويت مآتسحب تخير بين الكويتية وغيرها

والله يخليلي الكويت

آنا جويتية وبس يآ بعد جبدي

عشآن لا تقولون مزدوجة جنسية وبستحلي هالحوارات الحلوة يسلممو لازوردي

 

[الوفا عنواني]

لا ما اييد ازدواج الجنسيه
لان ما يكون فيه انتماء للديره اللي انتي فيها اذا لج ديره ثانيه