.+[ قطر بـ عيون كويتية .. اليوم الأول ]+.

[رحيق العفه]

رحله سريعه لدوله قطر الشقيقه حملت في طياتها ذكريات جميله

حبيت اشارككم هالرحله بالتحيليل والصور ..

سامحونا على عدم الجوده احياناً وذلك للظروف المحيطه

وفي نهايه الموضوع راح يكون فيه رابط يجمع كل الصور لسهوله العرض لكم عملت تصاميم تحمل بعض من الصور بطريقه متحركه والبقيه في ملف مضغوط

::

نبلش مع اول يوم


العصر مشينا مع عمي وخالتي المطار عشان يوصلونا بسيارتنا الكبيرة ويردون اهمه فيها

اللي ما تغدى تغدى بالمطاعم اللي بالمطار على ما ابوي يخلص من وزن الجناط

بعدها دشينا يفتشون الجناط اللي شايلينها بالمكاين

انا كنت شايله على قلبي جنطه اللاب توب وكامرتي الكبيرة وغير جنطتي العاديه

الساعه 4 دشينا بس الطياره تمشي تقريباً 5 الا ربع

فقعد ابوي في كوستا اللي يم بوابه 1 شرب نسكافيه واحنا لفينا على ما يصير الوقت بعدين رحنا بوابه 2 وركبونا باصات عشان يودونا حق الطياره :S

طبعاً شكلنا يضحك الباص ماكو كراسي بس مسكات من فوق فشكلنا جنه عمال

ركبنا الطياره ( طيران الجزيره) وكانت ضيجه من داخل قعدنا عاد وطلع بالشاشه دعاء الركوب وقمنا نردد ورى القارئ

يوم يه وقت نربط الاحزمه اهنييييييييي دلول اختي استنفرت علينااااااا

مع انه طول الوقت اسم الله عليها تراكض وتلعب ماتدري شنو الطبخه وانه اهيه راح تسافر

خافت من الحزام وبطتها بجيه مو طبيعية

ابوي حاول فيها خلها بحضنه وجذي هدت بس من ايي الموظف ويقول له انه لازم تربط الحزام تعصب عليه وتبجي هههههههههه

عاد انا توقعت تبجي حزت الاقلاع لانه ضغط بس ما بجت اسم الله عليها تشرب بهالطوطو ( المميه بلغه دلال )

كانت مده الرحله ساعه كامله

العجيب انه يم الدريشه عشان التصوير طبعاً فحزة الوصول كان الغروب

فسبحان الله اشلون تغيير الوان السما واشلون ينتقل الجو من نهار لين ليل شي خيااااااااالي والله

وبس اجكجكجكجكجكجك لين غابت الشمس

والطيران كان فوق البحر بس ما كان مبين من السحب فصار شكله شي رمادي يوم قربنا اكثر بييييييييينت الامواج ونااااسه المنظر كان

هبطنا بالسلامه الساعه 6ونص تقريباً

طلعنا الجناط وكل شي واكتشفنا انه جنطه اختي ناسينها بالكويت

مو مشكله نتلابس

اكتشتف بعدين انه فيفا ما كو بقطر يعني تلفوني مادري اشحقه يايبته

دقيت على رفيجتي RoOoZa من قطر على تلفون امي وقلت لها وصلنا لانه اهيه ماقصرت حجزت لنا بالفندق وكل شي

نطرنا تكسي فندق الليوان ركبنا ووصلنا الفندق حلو ديزاينه البيت القديم فديكوراته كلها على الستايل القديم

على ما رتبنا الاغراض نزلنا تحت فيه مطعم كراسي وطاولات العاديه بس اعجبتني قعده فيه تكون ارضيه قعده سدو جذي

وطلبنا الاكل وكلينا الحمدلله الاكل حلو واختي استانست على الفتوش

وهذي فلوووسهم

بعدها عاد الكل يدور المخده هههههههههههه

تصبحووووووووووون على خييييييييييييير

والى اللقاء مع موضوع ثاني بصور اكثر واجمل ... باليوم الثاني

لتحميل باقي الصور
http://www.sendspace.com/file/kd7ae5
::

​

 

[جرح الليالي]

عليكم بالعافية خيتوووو

 

[.:. عبرة مُوادع .:.]

مآ شاء الله تبارك الله




تصويرج عجيييييييييب



عوآفي حبيبتي

 

[Bq]

عليكم بالعافيه ماشاء الله تصوريج حلو

 

[رحيق العفه]

تسلمون وماتقصرون والله

جزاكم الله خير

 

[غــ q6r ـلا]

نورت قطر بوجودكم حبيبتي

وماشاء الله تصويرج حلو

يعطيج العافيه

 

[أمـيـرة الشــوق]

عليكم بألف عااااافيه هالسفره

وحلووو تنسيقج للصور والكلام
خليتيني اعييش وياااج بكل لحظه

يعطيج الف الف عافيه
بإالانتظااار

 

[^وجد قلبي^]

ماشاءالله روعه

يعطيج العافيه

 

[بناتي حبيباتي]

تصويرج حلووووووووووو والاحلى ان احنا استانسناااااااااااا

 

[«قطـــر موطــني»]

يعطيج العافيه

وحيااج الله في ديرتج الثاانيه

 

[عنايد]

ماشاء الله عليكم بالعافيه بس ماكملتي الرحله

وتصويرج حلو ماشاء الله

شنو هالبرنامج اللي يحرك الصور ابي اتعلم عليه

 

[funky]

ما شاء الله رووعة ...عليييييييكم بالعافية

يعطيييييييييييج العافية

 

[رحيق العفه]

الله يعافيكم ويبارك فيكم

وبالنسبه للبرنامج هذا الايميج ريدي بالفوتوشوب

حياكم الله

 

[FiOnKa]

خوش موضوع ,, و عجبني ديزاين الفندق عربي بحت ,, مشكوورة حبيبتي

 

[Manol93]

الحمدلله ع السسسلامه وتصويرج عجــيب ماشاءلله !!

 

[كويتية كشخة]

بالعافية عليكم

وتصويرج حلو

 

[LA TROO7]

وناااااااااااااااسه

خوش صووور

ناطرين الباقي

 

[Marmour]

روؤعــ‘ـه ْ~

حلؤؤ تصويّـًٍَرج


تسًسَسِِلم إديّأآآتـِج

 

[زهرااا]

ماشالله خوش موضوع
التصوير وايد حلوه تبارك الرحمن

 

[رحيق العفه]

الله يعافيكم ويسلمكم يارب

مشكورين وماقصرتوا

حياكم الرحمن

::

الجزء الثاني

http://www.q8yat.net/showthread.php?t=425750