.+[ قطر بـ عيون كويتية .. اليوم الثالث ]+.

[رحيق العفه]

عدنا مع اليوم الثااااااالث من رحلتنا لدوله قطر الشقيقه

وبهاليوم كان متعب صراحه لانه وايد اماكن زرناها بس هم استانسنا الحمدلله

كالعاده الصور تلقونها بملف مضغوط لانه الصور واااااااااايد وحاطتهم من غير اسمي عشان تستمتعون اكثر فيها .. ياليت محد ينسبها لنفسه !!

::


صبااااااااااح الخيييييييييييير


بعد صلاة الجمعه طلعنا الله يسلمكم حق مجمع اللؤلؤه

اهوه مكان عجيب لانه طول الطريج نشوف العمارات والمباني الضخمه والعالية والحلوة بهندستها وشكلهاصراحه كانت المناظر اكثر من روعه

بس ما قدرت اصور من داخل السيارة كان الوضع صعب علي اشوي
المهم وصلنا وكانت المناظر من داخل عجيبه ماخذه الطابع الاسلامي بشكل كلاسيكي راقي بس للأسف انه اهوه ما خلص وما انفتح كله

يعني كله محلات مسكره ونلقى محلين ولا ثلاث مبطلين وكلهم ماركات ( لاكوست - بوس -...الخ ) يعني كل شي يطري على بالكم

مشينا مشي طوووول المكان وكان وايد كبير بس مشينا برى على المرسى لانه داخل كله مسكر

مع الحر بس حرهم اهووووووون من حرنا صراحه
اهمه مو حر اللي يحرق الوي حر عادي وفيه هواء بعد حلووو يهفهف

زهقنا واحنا نمشي قلنا الحين نلقى مطعم ولا شي لانه مو مترقين وبعد هالمشي يعني ذابحنا اليوع والعطش

لقيت كوفي شوب يم المرسى وسألته قالي كملي بعد سيده تلقين مطعم ايطالي

وصج بعد المشي طويل لقينا المطعم الايطالي
صج انه حلوو وجداً راقي

بس مشكله اللي ما يعرفون انجليزي وايد

انا وخواتي وصلنا قبل امي وابوي القرسونه تطالعنا بشك تقول اسوي لكم طاوله حق 5 انا اقولها لا 9

تطالعنا احنا 5 وين الباجي اقولها بعدين ييون
انا خفت نطلب وماكو فلوس يسون فينا شي هههههههههه

وصلوا الحمدلله ما طولوا وايد
كالعاده مادري اشفيهم هالفلبن على دلول اختي من وصلت اهمه يدلعونها ويلعبون معاها لدرجه وحده فيهم لعبت معاها فتاحيه ورده هههههههههههههههههههه

المنيوووو خووو ايطالي الكلام وانجليزي حتى مافيه عربي
اوووو توهق البطل خخخخخخخخخخخخخخ

عرفت اقرى بس صراحه مو كل شي فهمته
ولا امي تقول لهم احد فيكم يتكلم عربي لو اشوية

ولا اينا واحد هندي يطق طق اشوي وقمنا نطلب على كيفنا ستيكات وباستا وهالسوالف واهوه اذا اكو قال اوكيه وبس جذي انحلت مشكله اشلون نطلب

على ما يوصل الطلب كانت فيه قعده برى بالبلكونه قلت خل اطلع انا واختي اصور الفيووو من فوق وصج كان المكان عجييييييييييييييب

لانه يطل على كل المباني اللي قاعده تنبني والعاليه بس من بعيد بوسط البحر فصاير شكلها وايد حلووو

عقبها تغدينا الحمدلله وانصقعنا بالفاتوه @@ ( 150 دينار ) ووريت ابوي القعده برى ودقينا على التاكسي عشان ياخذنا لانه المكان مافيه شي زايد نشوفه لانه كله مسكر وتحت الانشاء

على ما ردينا المكان اللي قطنا يعني بنطق طريج مشي مرة ثانية
اقول حق امي خلاص تهضم الغدا خل نتغدى مره ثانية

عاد بعدين قلنا له نبي نروح حق متحف الفن الاسلامي وودانا

صرااااااااااااااااااااحه رهيب

صج انقص ظهري من المشي بس صج يسووووووووى
يعني من الدخله لي الطلعه حلوووووووووو وايد ما شاء الله

اول شي فتشونا وقالوا لي ممنوع تصوير فيديو قلت له لا تخافون هذي فوتوغرافيه

عاد الدجتال مالتي فيها فيديو بس والله مابي اصور فيديو :$

دشينا ولا ذاك الدري والادوار يعني شغل ضخم ومتعوب عليه
دشينا اول شي وانا اصور لوعت جبدي كامرتي بالظلمه يكون الشتر بطئ ولازم فلاش وانا ما احب استخدم فلاش باماكن عامه استحي فالصور تطلع مو حلوة تحبطت ابوي يقولي مو ضروري تصورين

وانا مااااااااااابييييييييييييي ابي اصور :eh_s(9):

بعدين قلت خل اخذ الثانية واصور فيها احسن وطلعت الصور فيها واضحه الحمدلله

كملت كملت وذاك الجزء عن التاريخ الاسلامي الفخاريات والمصاحف والاقلام وحتى الذهب والسجاد الايراني والتراث التركي والبغدادي والهندي

يعني شغلات ما توقعت اشوفها
زمن ما جنه كان موجود في هالدنيا

تاريخ وحروب كلها تترجمت على برديات ورسمات على الفخارايات والديكورات

السيوف والخناجر واشلون تفننوا في نقشها وتزينها
يعني مكان غني غني لابعد الحدود
طابقين من اروع واثمن ما يمكن

انا استخفيت من كثر ما اصووووور طاحت ايدي بين ما استخدم كامرتي العوده لما اشوف الاضاءه حلوة وزينه وبين الدجتال انشقيت شق صج
بس يستتتتتتتاهل التعب والله

امي وابوي وباجي خواتي اثاريهم خلصوا كل شي بسرعه ولقيتهم قاعدين بالكفتريا اللي تحت بس انا والتوأم خواتي كنا لين الحين نحوس
كنا نطالع بضمير احمممم اقصد نصور بضمير هههههههههههههه

على ما وصلنا لهم مرة ثانية بس ندور الكرسي من التعب اللي تزحف واللي تجر نفسها جررر عشان توصل

على قولت ابوووي عياااااايز سكاااريب

يوم قعدنا قالنا ابوي يلا نمشي نروح مكان عشان نختم اليوم

فكرنا وين نروح قلنا نروح سوق واقف

مشينا لين البوابه ندور تكسي مالقينا
قعدنا على الكرنيش يم البوابه ننطر ماكو تعبنا احنا بعد من الشي
بعدين قالنا السيكروتيي انه المكان قريب ما يسوى التكسي روحوا مشي

وصف لنا المكان وقعدنا نخطر اشارات وجذي لين وصلنا

المكان يشبه سوق المباركيه وااااااايد
بس اهوه واااايد دواعيس واماكن ومتداخل في بعضه

والديزاين حيل قديم ويشوق حق التمشي بس مو حق تشرري يعني
ما طولنا وايد هناك لانه اوريدي احنا تعابا قعدنا على الكرسي ننطر

تكسي واذن العشا كنا قاعدين يم مسجد صغير ابيض حتى بنيانه على البنيان القديم للمساجد المحليه وايد حلووو

بس انا يوم وصلنا سوق واقف خلصت بطاريه كامرتي الدجتال :$

وحتى كنت بصور النافوره مالت المتحف من برى يوم طلعنا وبصور منظر الكورنيش بس الكاميرا الكبيرة محتاجه ترايبود لانه الشتر وايد يصير بطئ حتى لو مع فلاش جربت اكثر من مره ماكو فايده تحبطت وايد وانا ايدي حيل عورتني من شيلتها طول اليوم فما صورت شي من سوق واقف

خيرها في غيرها ان شاء الله
وردينا الفندق بالسلاااااااااااااااااااامه

تصبحووووووووووووووووووووووووون على خييييييييييييييييييييييييييييييييير

نشوفكم مع اليوم الاخير و اهو اليوم الرابع

::

هذي نماذج صور لمشروع اللؤلؤه + المطعم

وهذي الصور خواتي صوروهم بالطريج حق المتحف فصوروا العمارات

وهذي صور المتحف .. الصور اشوووووية بالملف واااااااااايد ضروري تحملونه

لتحميل الصور اضغط فوراً

​

 

[وداعيه]

متابعيييييييييييييييييين

 

[أم عزيـز]

مشاء الله تبارك الله
التقرير جدا ممتع وصراحه ما كنت اعرف هالمعلومات الحلوه عن قطر
يعطيج الف عافيه يا قلبي
وتسلم ايدج على هالتصوير الحلو

 

[رحيق العفه]

الله يعافيج ويسلمج يارب

تسلمين وماتقصرين

جزاج الله خير

 

[nero]

صور المتحف تينن

متااابعين رحلتج كملي

 

[عيمية قمر]

ماتوقعتها جذي

مشكووووووووووره قلبي

 

[رحيق العفه]

تسلمون على المتابعه والله

حياكم الله

 

[بناتي حبيباتي]

سفره ولا اروع