.+[ قطر بـ عيون كويتية .. اليوم الرابع والأخير ]+.

[رحيق العفه]

​

عدنا مع اليوم الاخير في رحلتنا القصيرة .. الجميله لدوله قطر الشقيقه​

هالمره لانه الصور قليله راح اعرضها بالموضوع واحتياط بحطهم كلهم بملف مضغوط ​

[/URL]
::​

صباااااااااااااااح النووووووووووور​

اليوم كنا ناوين نسوي نقش حنا بس امي ما نامت كلش من دلول وازعاجها عندهم​

قعدنا قضفنا ( سكرنا ) اغراضنا كلها ورحنا ستي سنتر مالهم ​

كبييييييييييييييييير وايد حلوووو بعد ما شاء الله شرينا صوغه حق خالتي واللي حق رفيجتها يعني خمخمنا جم غرض وتغدينا مناك بعد​

​

​

​

​

​

​

​

​

​

​

​

 

[رحيق العفه]

​

وشفت رفيجتي من قطر مع اهلها تسوقنا ،وهذا حمودي ولدهم الله يحفظه ان شاء الله ​

​

والساعه 5 ردينا الفندق نسكر التسكيره النهائيه عشان نروح مطار الدوحه​

ركبنا الباص مال الفندق ووصلنا بسرعه لانه قريب حيل من المطار​

وزنا وقعدنا اشوي نشوف سوبر ماركت داخل المطار يم البوابات شريت لعبه حق دلول اختي مناشبتني ببشبوش مالي شريت لها واحد حقها بس غير ​

دلول سوتنا صيده مصيده هناك​

سبحان الله حق اهلنا ما تقرب صوبهم وتخاف والبوز شبرين وتصير ماااااااااايقه ​

بس هناك ما بقى احد ما قالت له بابااااي ولا لعبت معاه !!​

عطتها مره كاكاو الدفشه كلتها مره وحده ولا تغص ودمرت هدومها
الحين البلشه محد قاعد وياي الا انا واختي اللي اصغر مني اشوي
نبيج يا دلال يا بنت الحلال خل نروح الحمام ( عزكم الله ) نبي نبدل ملابسج لااااااااااااااااااااااااااااااء وتخمط هدومها وتركض بالمطار بوسط العالم ​

واحنا وراها والمشكله تبجي اذا مسكناها فشله الناس عبالهم خاطفينها الحين والمشكله كله اغلبهم اجانب​

فمانبي نعطيهم انطباع انه احنا مضطهدين الطفوله p​

سحبتها اختي وقعدت البسها بس واحنا نقولها هيله يا رمانه دلوله زعلانه ودلوله زعلانه اشوي طخت وقعدت تغني وانا البسها هههههههههههههههههه​

امي وابوي راحوا يبون يشربون كباتشينو عشتااااااو وخلوني انا مع عيالهم ابتلشت فيهم ههههههههههه ​

عقب لما صار النداء الاخير يقولون البوابه رقم 4 متجه للكويت
وانا اقول حق خواتي لاااا مو احنا احنا بوابه 6​

وبعدين نشوف ابوي داق يقول بسرعه هذي احنا احنا
هههههههههههههههههه وانا مصره لا مو احنا طلع بعدين احنا :$ اللقافه ماااازينه ترى ​

ركبنا بعدين الطياره ودلول هالمره ارحمتنا اشوي​

بالبدايه بجت اشوية بعدين عطاها ابوي ميمتها ولا تنام قبل الاقلاع بشوووووي​

​

وما قعدت الا قبل لا نهبط بجم دقيقه ​

بس كان المنظر عجيب بالليتات​

​

بس يوم وصلنا الكويت صار خرمس هههههههههههههههههههه والله العظيم ما اشوف غير ليت الشارع الرئيسي الباجي كلش سواد سواد ماكو معالم ​

صج اقتصد لتدوووووووووم ​

وصلنا الحمدلله

​

دشينا بنعطيهم الجوزات
ولا اثاري في اوراق صفر حق سوالف انفلونزا الخنازير الله يكافينا ويكافيكم الشر صافين دور ولا ندري شنو الطبخه​

يوم وصلنا خلاص ولا نشوف كل العالم ماسكه اوراق صفر
ولاطلع لازم نعبيهم وبسرعه انا واختي نكتب حقنا كلنا ما شاء الله عدنا كبيرة مو اشوية وردينا صفينا من يديد وبعدين دشينا خلاااااااااااص وناسه نشوف العالم كلها واقفه جنه حقنا يعني ​

ردينا بسيارتنا كان يايبها عمي ولا الخدم استقبال حاااااااار
بالروووحه كانوا يبجون ههههههههه وبالرده يبجون من الوناسه​

عشره عمر بعد شنو يسون
وبجذي خلصت رحلتنا القصيرة السعيده ​

ان شاء الله استانستوا معانا
وسامحونا على القصور​

​

 

[أم عزيـز]

الحمدالله على سلامتكم نورتوا الديره حبيبتي
وفديت دلوله اسم الله عليها ربي حافظها ذكرتني في بنتي ما خلت احد ما تروحله ووتضحك حقه
حتى في اوروبا تروح تتلزق يم الأجانب واهم يشيلون فيها ويقولون كيوووت بيوتيفول لووول

ماشاء الله الستي سنتر مالهم وايد حلو من داخل وشرح وكبير
عليكم بألف عافيه حبيبتي
وما قصرتي على التقرير الروعه

 

[ام حمـد]

وعليكم السلاام والرحمه
تقريرج حلوو واااااايد
يعطيج العافيه حبيبتي

 

[بناتي حبيباتي]

ونااااااااااااااســــــــــــــــــــه

 

[^noonaa^]

التقرير وايد حلوو والحمدالله على سلامتكم

والله يخلي لكم دلوول اسمالله عليها اتهبل

 

[أم عبووووود]

يعطيج العافية

ماشالله قطر تطورت خبري فيها عقب الغزو