قطوتي حياتييي حامل شسويييي؟

[HeR HiGHNeSs 90]

هاااي


باركولي قطوتي احملت لوووول

محد قالي بس انا متاكده لانه يبييين انها حامل يبيين

كانت عندي من زماان قبل سنه يمكن يبنالها ذكر بس كله يتهاوشون بس الحين حامل :ggdw:

المهم عندي جم سؤال

اول شي لاحظتهم وايد يتهاوشون اهي وريلها يعني بس تتحرك يروح وراها ركض مايخليها بروحها كله يبي يقعد يمها وان راحت مكان يتهاوش معاها ليش ياترى؟؟؟؟

وشغلة ثانيه الحين اذا اولدت وين احطها؟ لازم تكون بروحها بدون الذكر صح؟ وشلون اتصرف شكثر المده الي اخليها تكون بروحها؟ اسبوع جذي؟؟

ومتى اقدر اشيل عيالها منها يعني العب معاهم؟ عقب شكثر من الولاده؟؟

هاذيي للحين الاسئله الي ابالي اذا تذكرت بعد بكتب:eh_s(8):

 

[سوسو ~]

وشغلة ثانيه الحين اذا اولدت وين احطها؟ لازم تكون بروحها بدون الذكر صح؟ وشلون اتصرف شكثر المده الي اخليها تكون بروحها؟ اسبوع جذي؟؟

اذا بتولد تحطين لها كرتون او اي مكان لانه راح ادور اي مكان مسكر ومحد يشوفه
احسن تبعدين الذكر عنها بهالوقت
وبتكون شرانييه مع اي قطو طول مااهيا حامل
ماادري اذا قطوتج ترضى تلمسين عيالها اول ماينولدون انا قطوتي عادي خلتني المسهم بس عشان اوسع لها المكان
لانه توخر شوي عنهم عشان تولد الثاني بس مو تخلينهم وايد بعيد لانهم على طول يبون يرضعون
ومالمستهم على طول الا عقب مالحست ويهم والجسم وقطعت الحبل السري لبست قلافز ولمستهم عالخفيف
وتخلينها بمكان هادي
ومو بارد ديري بالج من التكييف
وخلي جدامها ترابها والاكل والماي
وبعد ماتخلص وتولد حطيهم بمكان نظيف وهم شوي يكون مسكر من الجوانب
لانه لو مو مسكر تلقينها كل شوي ساحبه واحد من رقبته وتوديه لمكان يعجبها

ومتى اقدر اشيل عيالها منها يعني العب معاهم؟ عقب شكثر من الولاده؟؟
احسن وقت عقب مايكملون شهر تقريبا وهالوقت حاولي تعلمينهم عالاكل والرمل

هاذيي للحين الاسئله الي ابالي اذا تذكرت بعد بكتب:eh_s(8):

هذا كل الي سويته مع قطوتي ان شالله فدتج :$

 

[HeR HiGHNeSs 90]

حبييبتييي مشكوووره

ببدي ادورلها مكاان احطها فييه

 

[tnkora]

البنات كفو ووفو

 

[كتريناااا]

سوسو كفت وفت. بس بنوه علي نقطه اذا الحين حامل يفضل تبعدين ذكر عنها لان اذا قرب منها راح تتهاوش معاه لان يبي يزاوجها واهي ترفض لانها حامل وتخاف علي عيالها وذكر راح يسوي اي شي علشان يخليها تسقط علشان ماتبتعد عنه قطوه

 

[كتريناااا]

نسيت بعد اقولج اذا اول ولاده لها راح تحتاج الي مساعدج لانها ماتعرف. وثاني شي الحين لازم تعطينها فيتامين بأكلها لين تولد وتزيدين اكل بدال ثلاث وجبات باليوم تعطينها ٥ او ٦ وجبات باليوم *

 

[موج-البحر]

البنات كفوو ووفوو

بس صج وناااااااااااااااسة ايام الحمل والولادة للقطوة

 

[غلاى الغويليه]

لله وناااسة

 

[**selena**]

الف مبروك لقطوتج عادي الذكر وديه عند رفيجاتج او بنات عماتج/خالتج​

 

[hello1]

الف مبروك لقطوتج عادي الذكر وديه عند رفيجاتج او بنات عماتج/خالتج​

عقبال الي عندي يمكن تهدا وتصير عاقله

 

[زيـن الوصـايا]

مبرؤؤؤؤؤؤؤؤؤك
قلؤلؤؤلؤلييييش
الله يســهل عليها
وتولد وتنفس بخير
ههههه

البنات ماقصرؤ
تقبلي مرؤري

 

[النملة نواري]

مبرووووووووووووك
اي صج في معلومة انا دايما اسمعها بس مو متأكدة منها
ان القطو ساعات ياكل واحد من عياله
فانا افضل توخرين الذكر عنها

 

[((البرنسيسا))]

أأأألف مبروك يالغلا

البنات ماقصرو إن شاء الله تولد وتقوم بالسلامة

 

[لبى عيينش]

انا عندي قطوتي توها ولدت وانا اللي ولدتها تخيلو لما قربت ولادتها كان حزت الفجر وكنت نايمه جتني قعدتني من النوم نطت على السرير تقول ميااااااو وتحوس عند راسي لما قعدت وطالعت وجها عرفت انها تبي تولد وكنت مجهزه لها كرتون كبير شوي ودخلتها فيه ونطرتها لازم يكون مكان ظلمه لها تلقينها تتعصر شكلها يكسر الخاطر وانا قعدت امسح على راسها وهي تولد اهون عليها بس مرات تعصب بالولاده لاتحطين ايدج ممكن تعضج ونطرتها وشفتها لما خلصت ويابت 5 يهبلون بعد ماخلصت خليها يوم كامل بروحها تنظفهم واليوم الثاني غيرت المفرش اللي تحتها لانه كان ريحته وايد مو حلوه نضفت لها المكان وخليتها مع عليها 3 ايام لازم يكون الحو عندهم حار شوي بعيد جدا عن التكييف وبعد ثلاث ايام اخذتها وسبحت قطوتي الام وهم نضفت لها المكان ولازم تحطين لها الاكل والماي قريب منها وبعد اسبوع تقدرين تمسكين عيالها بس مو وايد طبعا علشان الام تتعود انج تمسكينهم بس احتمال واحد منهم يموت اذا مات واحد منهم شيليه بدون ماتشوفج الام علشان ماتحزن لان القطوه تحزن اذا شافت احد عليها مات وبعد اسبوعين تقدرين تمسكينهم وتلعبين معاهم انا الحين قطاوتي ال 4 طبعا مات واحد وشلته بدون ماتشوفني الحين صار اعمارهم شهو وشي وهبلووووووون ومزعجين ومكسرين كل شي :ggdw:

 

[لبى عيينش]

اي ونسيت لازم تكونين موجوده وقت الولاده لانها راح اتحاول تطلع من رديها غصب لاتخلينها تطلع وجهزي شراشف قطنيه واكل بروتينات وفيتامينات للام وانشالله تقوم بالسلامه وصوري كل شي نبي نشوووف :ggdw: ولادة القطوه معجزه والله سبحان الله

 

[راقيه وجذابه]

مبروووووك الله يهون عليها ههههههههه

 

[شهوده 2008]

الف مبروووووووووك *_^

 

[لـولـو الصغيرة]

احنا اولدت فجأة من غير سابق انذار ولدوها امي وخدامتنا وطووووووولت يعني خذت اكثر من ٤ساعات واخر واحد كان ميت بس خدامتنا انفخت فيه والحين كاهو اسمالله عليه اشططططططططن واحد واحلى واحد

* حطيها بمكان من غير تكييف وجاابليها ومسحي عليها اذا كانت متعوده عليكم وحطي يمها مااااي واكل ضروري علشان ماتاكل واحد من عيالها والذكر عادي احنا كان ايي صوبها ينونو ويمشي يروح ويرد هاذي حالته وعليا

* اذا اولدت شيليهم حطيهم صوب ويهها علشان تنظفهم واتشيل الجيس منهم طبعا تلبسين اتسوس

* وثاني يوم معروف اتودينها البيطري ضروري يجيك عليها وزيدي اكلها خل يكون النوعيه اللي فيها مرق علشان الحليب ولاتسبحينها الا بعد اسبوع هذا كلام البيطري وكل شوي جيكي على عيالها