قطوتي صايره مليقه ...

[dnyay_mll]

السلام عليـكم
مساكم ،، صبـاحكم ورد ..
ميشو قطوتي شيرازيه عمرها 5 شهور صارلها عندي 5 ايام
دلوعه وهاديه وحبوبه حيل وتحب تلعب معانا
امس اظطريت انام في بيت ابوي وخديتها معاي ورديت مره ثانيه رجعتها البيت وخليتها بروحها
زدت لها الاكل وبطلت لها الليتات وطلعت واليوم رجعت شقتي
من رجعت واهي صايره مليقه تنطرني امشي عشان تنط علي او اي واحد من عيالي
وتسوي حركات مليييقه جد تخرعني اكون عالفراش وتيي تنط بسرعه حطيتها بحضني لمست عليها شوي مارضت
بس جد صايره تخرع وييييع
عيالي حابسين نفسهم بالغرفه خايفين على نفسهم :krkrkr:
وانا سكرت الباب علي وخليتها بالصاله
شنو الحل معاها مابيها تظل جذي على طول ومابي احصل لي عضه او زلغه عشان ما اقلعها واكرهها

 

[Ańwăr Almlěssờń]

لوووول حبيبتي ماله داعي كل هذا الخووف


القطوه (بيتيه) تحب تعيش بمكان واحد و تموت فيه

حتى القطوه الكبيره لما تشترينها من السوق ع الاقل يبيلج سبوع او سبوعين تعودينها ع البيت

و الظاهر احد اذاها او طقها او خافت من المكان الثاني او شي جذي

طولي بالج عليها و راعيها و لا تنسين الاجر من الله

شوفي لاعبيها و حني عليها و اذا كلش كلش

تخززج جنها خايفه

لا تخزينها ولا تحطين عينج بعينها
قعدي و سوي نفسج طبيعيه و اهيا راح ترد نفس اول بس يبيله شوي اهتمام انا ما ادري شنو الي صار لها ببيت ابوج يمكن خوانج او خواتج عندهم يهال و شي جذي

عموما لا تطلعينها من البيتج خليها فيه و لاعبيها و لا تصرخين عليها و لما تحطين لها اكل ختشوفج و انتي تحطينه لها

 

[7alom]

على كلامج انج خليتيها بشقتج بروحها وهذا اكبر غلط انج تخلينها بروحها لان القطو نفس الياهل معقولة بتخلين واحد من عيالج بشقة بروحه ليلة كاملة ؟؟؟
المهم اهي اكيد خافت واستاحشت وشي طبيعي بتصير جذي وحمدي ربج ما صارت اكثر واتوقع انها الحين شوي ماتثق فيج وفيها خوف انج تخلينها بروحها مرة ثانية
قعدي معاها بنفس المكان بروحكم خنقول غرفتج صكروا الباب عليكم حطي اكل بيدج خليها تاكل من ايدج لعبي بالعابها معاها او مسكي خيط وخليها تلحقه
خليها تحس بالامان معاج مرة ثانية وتثق فيج
وكلميها الحيوانات يفهمون قوليلها ان مو قصدج انج تخلينها وماراح تعيدينها وانج تحبينها صدقني ترى والله يفهمون
انا امس كنت حدي متضايقة لدرجة ان عيوني دمعت لا تشوفين قطوتي نطت بحضني وتمت تبوسني وتمك ويهي بيدها وتعضضني على الخفيف و تبين الصدمة تمسح دموعي ما وخرت عني الا ليمن قمت اضحك اهني اهي قامت تلعب معاي وعقب نامت

 

[VET-Nour]

عـآدي توهآ اصغيره رآح تتحرك وآجد و تأذيج ,

أصبري عليها لييين تكبر و تطخ اشوي

 

[* شوية أمل *]

عطيها كف على وجها يسنعها خخخخ لا أضضحك انا اقول توها صغيره وكل القطاوه الصغاار شيااطييين ,, الله يعيينج

 

[HmS al JaLiD]

مثل ماقالت اللي فوقي هههه

 

[ZAMessi]

انتي تقولين صالج خمس ايام يايبتها توها ما تعلمت على مكانها و من خمس ايام رحتي و هديتيها في البيت برووحها ردة فعلها جدا طبيعية القطو يخاف و يحب يقعد مع الناس بالبيت عقب الي سويتي الحين اهي ماتثق فيج و اصلا اكبر غلط تخلينها بالبيت برووحها فرضا صاير شي فيها مرضت سوت شي!!
الاسلام علمنا الرفق بالحيوان
القطوة تحتاج اهتمام اذا ماتقدرين تعطينها الاهتام انا اقول لاتخلينها عندج احسنلج و احسنلها لانها بتاذيج و بتاذينها

 

[dnyay_mll]

مشكورين على مروركم حبيباتي
من يوم اللي حطيت الموضوع رحتلها وراضيتها ووكلتها ومافيها شي لي اليوم الحمدلله
اصلا اهيا حبوبه حيل ودلوعه كانت زعلانه شوي علينا عشان خليناها في البيت وردت الحين عادي
بس للاسف ببيعها عقب باجر مالي نصيب فيها
ولدي الصغير اهو السبب يروح ويطشر الرمل اللي باللتر بوكس بالبيت
يعز علي فراقها بس مابيدي شي

 

[7alom]

جم عمرها وعندج صورتها ؟؟؟

 

[dnyay_mll]

عمرها 5 اشهر
عندي صورها دزيلي رقمج اذا عندج واتس اب او بيبي عالخاص
بس بسرعه لان باجر الصبح بوديها السوق

 

[dnyay_mll]

بنات قطوتي نسخة هذي بالظببببببببط
http://www.mazadq8.com/vb/showthread.php?t=801449

 

[7alom]

انا الرسايل الخاصة ما تشتغل عندي كله يقولي مشاركاتي قليلة انتي دزيلي رسالة وانا ارد عليج برقمي

 

[زوزي الحلوه]

ههههههههههههه
عادي لي عندنا اكبار وجي حركاتهم

 

[ربي رجوتك]

الله يرزقها بناس حنونين يارب
وانتى يعطيك العافيه بس لا تبعينها على اى احد ترى فيه ناس مايخافون ربي