قعده صحيه

[na3oomi]

سلام بنات

كيفكم؟

حابه اسالك ابي اتعود اجلس ويكون ظهري جالس مو منحني

بليز ساعدوني :eh_s(4)::eh_s(4):

 

[عسووولة]

فردي ظهرج وبس
وشفطي بطنج لي داخل

 

[ma mo me]

و عليكم السلام
طبعا أنا مثلج طول عمري ظهري منحني و قعدتي غلط و حاليا قعد أحاول أعدله
أول شي هالشي ما يكون بسرعة خصوصا إذا صارلج سنين و ظهرج ماخذ وضعيه موزينة
يعني لازم تتحملين و تصبرين و سهليها تسهل إن شاء الله
و ثانيا في تمارين تساعد على هالشي و لم تسوين رياضة أهم شي يكون وضعج صحي من قعدة و مشي ووو
هالشي لازم يكون داايما و كل ما تذكرتي مو وقت محدد
و ترى مو بس القعدة لازم تكون صحية هم المشية و الوقفة و النومة
و النومة لازم تكون على شقج الأيمن و ايدج تحت خدج مثل ما كان الرسول عليه الصلاة و السلام يسوي سبحان الله
و ترى لو تأدين صلاتج بوضعية صحيحة من ركوع و سجود و استقامة هذا وااايد راح يفيد من هالناحية
سبحان الله احنا لو نطبق ديننا بحذافيره جان احنا بخير

 

[na3oomi]

شكرا حبوبات
بس مافي تمارين معينه اسويها ؟

 

[Fairouz]

شوفي بطوطه ان قبل كنت اتربع و احط كوعي عالقاع <<< تخيلو مادري شلون
يعني ظهري راح تقوس حييل حييل
مرت خالي شافتني جان تقول حق امي في بالصيدليه مثل شي يسوي الظهر سيده
واايد زين بس ظيعته جان صورتلج اياه و ظهري رد مثل ما كاد << سحر
تلقينه بالصيدليات بس والله ماعرف اوصف شلون صاير
شايفه ملوت المسدسات الي يلبسونه بالافلام حق المسدس
هذا تشدينه عشان ما يعطيج مجال انج تحنين ظهرج و تقدرين تتحكمين فيه تشدينه و ترخينه
وايد زين بس والله ماعرف اسمه ولا اعرف اوصفه ولا عندي صوته ظيعته لوووول

 

[na3oomi]

شوفي بطوطه ان قبل كنت اتربع و احط كوعي عالقاع <<< تخيلو مادري شلون
يعني ظهري راح تقوس حييل حييل
مرت خالي شافتني جان تقول حق امي في بالصيدليه مثل شي يسوي الظهر سيده
واايد زين بس ظيعته جان صورتلج اياه و ظهري رد مثل ما كاد << سحر
تلقينه بالصيدليات بس والله ماعرف اوصف شلون صاير
شايفه ملوت المسدسات الي يلبسونه بالافلام حق المسدس
هذا تشدينه عشان ما يعطيج مجال انج تحنين ظهرج و تقدرين تتحكمين فيه تشدينه و ترخينه
وايد زين بس والله ماعرف اسمه ولا اعرف اوصفه ولا عندي صوته ظيعته لوووول

هههههههههه ياحلوك ايه عرفته

خلاص بدوره وبقولك بس كم المده وكم مره البسه ؟

 

[Fairouz]

شوفي ان لبسته فتره قصيره بس ما افصخه الا لما انام
بالاول كنت اتضايق بس مع الوقت تعودت عليع و صار عادي
يمكن لبسته جم اسبوع و رد ضهري طبيعي
الخلاصه لاني وايد اقرقر
كنت البسه دايما بس وقت النوم افصخه و لما اطلع لان شكله فوق الملابس غلط
و تقريبا جم اسبوع و ضهري تعدل

 

[Fairouz]

اي و كنت اشده حيل

 

[na3oomi]

شكرا حبيبتي تعبتك معاي