قــصـص ولـادآتككم..

[أم صقـورى]

السلام عليكم شلونكم

الموضوع باين من عنوانه نبي من كل وخده تقول قصة ولاداتها حديثه او قديمه

للفائده والمتعه انا ببدأ معاكم بولاداتي ...

في بنتي الكبيره بجريه وماعرف وكنت اول وحده بالعايله من خواتي أحمل وماعندي

اي خلفيه ماكنت امشي ولا اسوي اي شي رحت للمستشفى بنص التاسع مراجعه تعذبت

قالت بيبي كبير لازم طلق صناعي واقعد يومين فهالطلوق لين بطل الرحم ودخلوني ولاده اتوقع كان مبطل 8 وبعدها


تعاليلي بيبي مانقدر انطلعه حجمه كبير وصار خطر عليه ووقعي انتي وزوجج ع العمليه ووقعنا ودخلوني للعمليه

ماوعيت الا انا بالغرفه واخاول ابطل عيوني الا سوادات الا هي عبي خواتي وامي ودشاديش بيض اخواني وامي قطعت


قلبي تبوي بيدي وتبجي :eh_s(2): كلهم سلموا علي وتحمدولي بالسلامه وطلعت بنتي قريبه من 4 كيلو اسم الله عليها

من شفتها نسيت كل شي البتبوته هههههههه...

بعدها بسنتين ونص حملت في بنتي الثانيه وكنت متخوفه ااني اجيبها عمليه وصار عندي شوي خبره من دشيت التاسع مشي وماكنت أخربط بالاكل كنت حذره مابي يزيد وزنها وحتى الدكتوره توصي فيني بعد اسبوعين من التاسع رحت مراجعه

الا مفتوحه 2سانتي وكان ودن بنتي 3600 تخرعت قالت ردي البيت واخذي 5 ملي خروع ورديت البيت وقبل لا أنام حطيته بعصير كوكتيل لانه ماينبلع ونمت وطول الليل اتقلب من العوار الساعه ست راحي زوجي الدوام وشافني قال فيج شي لا لا بس روح وعقب ماطلع بعشر دقايق من العوار مادري وين ارح دقيت عليه وانا ابجي تعاااال بموت من العوار ورحت للمستشفى وكنت مفتوحه 4 ودخلوني ولاده ساعتين بس وولدت طبيعي الحمدلله وهذي اسهل ولاده مرت علي تسهلت من رب
العالمين ...

وولادتي في ولدي تعسرت فيها قعدت يوم كامل طلوق بس مايفتح حيل الرحم للي الاخر بطل والحمددلله ولدت طبيعي ...


وبس هذي ولاداتي وناطره قصصكم :eh_s(8)::ggdw:

هههههه اذا فيه بدليات السموحه منكم :eh_s(17):

 

[نجمه السيد]

قصتي قصه طويله مع العلاج قبل الحمل المهم لمن حملت كان تاريخ ولادتي المتوقع ٢٧ رمضان جاه اليوم وأني حاله صمود تواضعي طبيعيه ولافي بوادر ولاده جاالعيد خلق الله ولدو وأني صمود المهم بتاريخ١١-١٠جلسني زوجي للغدا وأكلت غداي على الم بظهري كنت أتوقعه عادي عوار التاسع المهم ربحت والراحة عدم قمت اكنس نفس الشيء الم ما ام راح رحت غرفتناانسدحت للصلاة المغرب زوجي يطلع ويجي يشرفني شنو وضعي المهم فجاه حسبت الم بطني دخلت الحمام الأدم ينزل مني وفورا المستشفى القطيف المركزي والأذان يأذن اللهم صَلِّ على محمد وال محمد دخلت الطوارئ فحصت نئ مفتوح ٢وخيرتني بين اني اجلس لو اطلع البيت المهم خلال هم يسوون أوراقي نزل الماي وأني مدري المهم كربوني فوق غرف الطلق عانيت مع الطلق واجد لدرجه طلقي حار جداً جدام اقدر أنام على السرير المهم فصح نئ وصلت ٦ولاتغير اني تعبت ولدي تعب وهو بالأساس حجمه كبير جات دكتوره وقالت لي لازم عمليه لآني حوضي ضيق ولدي حجمه كبير وافقت فورا دخلت العمليات أتذكر الغرفة بيضه ودكتور التخدير بعدها رحت بأسابيع نومه. صحت صحت على الساعة ٣الفجر ولدي كان تعبان واجد تنفسه سريع جداً جداً الحمد لله الان عمره سنه و٨شهور

 

[TINA]

يااااااي وناسه
انا كنت بجرية و ما اعرف شي كان البيبي يتحجر من دخلت التاسع و انا ما اعرف انه هذا طلق لان مافي الم خفيف و رحت بنص التاسع فحصت ولا مسكر وايييييد وجدار سميك بعدها بيومين قمت الصبح ولا دم نازل بني وشفاف و وردي المهم انا كنت اقرا وايد و عرفت ان هذي سدادة الرحم قلت حق زوجي و قتله مو شرط ولاده ممكن اقعد 10 ايام قبل لا يجي الطلق قالي بوديج ببيت اهلج واروح اخلص شغلي بسرعه وارد بعدها رحنا تمشينا على البحر الظهر ولا ابوي الله يسامحه ما يدري و لا انا ولا امي ندري انه لازم الرحم يكون مفتوح علشان اشرب قرفه و زنجبيل و هالسوالف و انا لمن شفت الدم عبالي فتحت المهم فنجان ورا فنجان و اشرب بليل التحجر زاد زوجي قالي خنروح الطبيب على الاقل نطمن رحنا وطلع التحجر هذا طلوووق و انا مو عارفه ههههههههههه المهم كان طلق خفيف و الرحم مسكر حيل رديت البيت نمت قعدت الساعه 6 الفجر على عوار و اقعد زوجي يقولي نطري شوي بنام هههه الساعه 7 ونص خلاص عوار مو قادره قعد و رحنا طوارئ قالولي الرحم مسكر و في طلق جان يوصل دكتوري وفتحلي الرحم صراحه تعورت شوي بس قالي روحي امشي و رديلي بليل اولدج يكون فتح الرحم رحت ولا الطلق يزيد وابكي بالاخر رحت الدكتور قتله بولد الحين دخلني و دخلت و خذيت الكمام و اضحك بس وقت الطلوق يجي احس فيه وصرت احاول ابلع الكمام ههه و ادخل عالم ثاني فزوجي و امي يوم شافوني صارو يبون يجربون الكمام ههه جربوه و ضحكو وخذيت بعدها ابرة الظهر لان كنت طالبتها من البدايه وبعدها الدكتور فتح مية الراس وانا من التعب قمت اهلوس و احاول اتذكر سورة الزلزلة اقرا شوي و انسى شوي و استغفر و ادعي هههه و زوجي يقولي ترا دعوتج الحين مستجابه بإذن الله لا تدعين على امي حرام صيري انت احسن هههه (لان امه كانت فظيعه معانا انا و هو ) بس قتله لا والله دعيت الله يهديها ويسخرها لي و صج بنات حماتي وايد تغيرت معاي بعد ولادتي الحمدلله وبعدين الدكتور صار يقول بووش اهو وزوجي وانا احاول بس ما اقدر وانا استغفر والدكتور يقولي بين شعرها سوي بوووش و يشجعوني بس مافي فايد علق راسها فالدكتور اضطر بسرعه يشفطها والله العظيم هو قال الله اكبر اذان العشاء وهي نزلت سبحان الله و حطها على صدري وما بكت و انا اقول للدكتور قبل لا يطها دكتور بنتي حلوه مثلي ههههه فيلم حدي واثقه الله لا يحرم حرمه من هالشعور و يتمم على جميع الحوامل يا رب اول يومين استغربت الموضوع شلون هذي بنتي بس بعدين تقبلت الفكره الله يحفظها لي و يحفظ عيالكم يا رب

 

[# غنوجة بيبي #]

وناسه احب قصص الولاده خصوصا للبجريات

ان شاءالله اذا ولدت بالسلتمه بحط قصتي بالتفصيل لكم

 

[مرجانة الزمان]

انا في ولدي البكر خلصت التاسع كان لي 4 ايام وكان عندي موعد في المستشفى لا فيني وجع ولا نزل علي شي فحصتني الدكتورة الا بس سانتي ، قالت بكتب لك بعد 4 ايام اذا ما ولدتي تيجي الطوارئ يدخلوكي ولاده ، بس انا كنت قبل الموعد بيومين احس حركة البيبي خفت قلت للدكتورة قالت لي اقل من 10 حركات قلت لها ايوه قالت لازم نسوي تخطيط للبيبي واذا النبض قليل الحين تدخلي ولادة ، سولي تخطيط طلع النبض اقل عرضو الحالة على الاستشاري قال على طول تدخل ولادة وانا بكرية ما اعرف شي هههه ولا مجهزه اموري شنطتي مو معاي في البيت ، قلت للدكتورة اروح اجيب اغراضي واجي قالت لا اتصلي على اهلي يجيبو ، وطلعت اتصلت في امي واقلها بيدخلوني ولادة وشوي واصيح ههههه ومادري شو السالفة المهم دخلوني الغرفة وغيرت الملابس وحطولي المغذي بعدها بساعه جات الدكتورة وفحصتني وقفتحت ماية الراس وقالت طلق صناعي ما كلعت من الغرفة الا بدت الامور عندي شوي شوي لحد ما وصلت 4 سنتي ما قدرت انحمل قلت لهم اعطوني الابره اعطوني اياها ما لحقت اتهنا نزل عندي الضغط بعدها بساعتين تقريبا وخف النبض لولدي حبيبي بعدها شالوها شوي شوي للابرة من غير ما يقولو لي وبدت المعاناه من جديد والدكاتره رايحين جايين يسولي توسع يقولون لي مستعجلين عليكي عشان البيبي لازم اليوم تولدي وفعلا ولله الحمد ولدت الساعه 10 في اليل وكان في 21 من رمضان 2010 وجبت أحلى احمد ربي يحفظه لي الحين عمره 3 سنوات و8 اشهر وانا حامل بالشهر الثامن يارب تتسهل ولادتي هل المره ويجي الطلق طبيعي .

طولت عليكم بس حبيت اذكر لكم تجربتي .

 

[Newbaby]

قصص مثل زفت عمليات اكره مراحل حياتي ولاداتي العسره

 

[Newbaby]

تتهنون الله يسهل عليكم


ويلطف فيني لانه موراضيه بوضعي ي اموت ي ارد الوقت واولد طبيعي