قــــطريه تـــبي فزعتـــكم ياكــويــتيــات

[Laidy n3ooma]

السلام عليكم بنات ..

انا الشهر الياي راح اجيكم الكويت انشاء الله بس مراح اطول جم يوم بس ..

ابي تصفون لي محلات الدراريع الكويتيه .. الميني دراعه مادري شتسمونها انتو .. وابي القمصان الطويله الكشخـه حق المتحجبات

بس كله ابي شغل كويتي راقي .. مابي مجمعات المكرره زرا ومانجو وهل خرابيط ..

وابي اشياء جديده وفناتق اكسسوارات وجذي يعني تحسون ان فالكويت بس لان انا انشاء الله داخله شغل تجاره .. فمابي شي مكرر

عطوني اسماء المحلات وفوين .. وابي محلات سعرهاا حلو ومحلات سعرها متوسط يعني جذي منوووع ..

ومشــكووووووووورين:icon30:

 

[ام فرووس]

حياج الله حبيبتي

في عندج البلوكات فوق في دراريع وقمصان واسعارهم معقوله وفي العربيد الفروانية وفي المعارض مثل بيت ديفا

ان شاءالله اكون فدتج

 

[مس سنكرز]

أب

ان شاءالله خواتي الكويتيات مايقصرون معك ...

 

[krkooora]

عندج البلوكات الخياييط اللي فوق
و عندج مجمع العربيد اشهر من نار على علم على مستوى الخليج
و عندج شغل المعارض طبعا اغلبه نصب في نصب اسعار بالعلالي لو تروحين العربيد اوفرلج
و الاكسسوارات عندج الكشك اللي يصير في المارينا عند الممر الزجاجي يم فيرجن عنده شغلات حلوة
و عندج بعد الاكسسوات بمحلات بسوق الصفاة يم البلوكات
و واااااااايد وايد اماكن بعد بس ان شاء الله البنات يقولون لج اللي ما قلته

 

[Laidy n3ooma]

رد : قــــطريه تـــبي فزعتـــكم ياكــويــتيــات

شنو هاي البلوكات مجمع يعني ولا محل على شارع.. وشنو العربيد الفروانيه ؟؟ فمجمع يعني .. لوووووووول عاد قولوا لي ماعرف شي فالكويت

 

[Laidy n3ooma]

رد : رد: قــــطريه تـــبي فزعتـــكم ياكــويــتيــات

عندج البلوكات الخياييط اللي فوق
و عندج مجمع العربيد اشهر من نار على علم على مستوى الخليج
و عندج شغل المعارض طبعا اغلبه نصب في نصب اسعار بالعلالي لو تروحين العربيد اوفرلج
و الاكسسوارات عندج الكشك اللي يصير في المارينا عند الممر الزجاجي يم فيرجن عنده شغلات حلوة
و عندج بعد الاكسسوات بمحلات بسوق الصفاة يم البلوكات
و واااااااايد وايد اماكن بعد بس ان شاء الله البنات يقولون لج اللي ما قلته

مشكوووره حياتي .. انشاء الله بروح مجمع العربيد

بس البلوكات وين؟؟

 

[مندوبة ام بندر]

البنات ماقصروووو

 

[myfashionbag]

رد : قــــطريه تـــبي فزعتـــكم ياكــويــتيــات

اذا وصلتي الكويت شوفي وسألي عن المعارض مثل معرض بيت ديفا او بيت كريزما ومعرض افكاري ومعرض هيلتون المنقف بهالمعارض تلاقيين شغل بنات ومصصمات الكويت وايد حلووووين وراقيين عن مناسبات واستقبالات بس غاليين
واذا تبين قمصان اطوال وعمليه ورخيصيه تنفع حق الدوامات والطلعات روحي مجمع المهلب والنقره الشمالي وسيتي سنتر السالميه على عشره دنانير
ودراريع بالعربيد

 

[بواسم]

اختي البلوكات بالديره ( سوق الصفاة ) او سوق الاقمشه الكل يدله

واذا تبين شي مميز موموجود بالسوق انا عندي اصصم بنفسي واسويلج خصم حلو

وهذا رقمي : 97573356 اختج ام عبدالله

وحياج الله حبوبه

 

[zain-alq8]

مثل ماقالو البنات المعارض بس فييه نصب بالموضووع ناار عالفاضي ..بس روحي البلوكات فوووق عند الخيايطه موديلات غريبه وحلوه وفيه الناعم بعد ..والعربيد الي يم جمعيه الفروانيه هذا مجمعيين يم بعض دوريين فيهم خيايطه ومودييلااااااااااات تحتاريين شنو تاخذيين وتقدريين بعد تغيرين من لون الخام او من الموديل والكلفه واسعاارهم اتينن

 

[Laidy n3ooma]

رد : قــــطريه تـــبي فزعتـــكم ياكــويــتيــات

مشكوووووووووورين فديييييييتكم

 

[مـزآج ــــية]

عندج المهلب فيه شغلات راقية سوق السالمية تحصلين القمصان الطويلة

و اذا تبي ارخص عندج الشمالي و الجنوبي


و اذا تذكرت شي بكتب

 

[دلع قطر]

رد : قــــطريه تـــبي فزعتـــكم ياكــويــتيــات

هلا اختي نعم الاختيار × اذا تبين جلابيات في عندك مجمع الاوقاف _بس انا دائما يعجبني مجمع العربيد بالفروانية بصراحه اول ماتروحين روححي له بس ومن ثم لفي ع البقيه ..

 

[المطيوره]

حبيبتـي مـآآآآلج إلآآ آلمععـآآرضض إذآ تبيـن ششـي حلـؤ ؤغـريب .,’

ؤحيـآآج آلله بتنـؤؤر آلكـؤؤؤيـت يجيتـج .,’


×~

 

[البسايل]

حياج الله يالغاليه بديرتج الثانيه الكويت

 

[فاهييه]

حياج الله حبيبتي .

بالنسبه للعناويين اللي عطوج اياه البنات < معروفه للتكاسي

لي جيتي دقي دقي على البداله رقمها 101 و قوليلهم ابي ارقام مكتب تكسي بالسالمييه او الفروانييه او الفنطاس < حسب محل اقامتج .

و كلمي المكتب قوليله ابي سياره بدون استكرز << اذا ماودج تركبيين سياره مكتوب عليها كلمة تكسي

و تري سعرها نفس سعر التكسي العادي .

و هو بودييج المكان اللي تبينه . مجمع العربيد الفروانييه . او البلوكات بالديره . و جذي

. اما اذا بتستخدميين سيارتج الخاصه كأول زياره للكويت بتضيعيين وقتج بالدواره .
وكاسريهم بالاسعار تري نصابيين < بعضهم عشان ماحطها بذمتي .

 

[Laidy n3ooma]

رد : قــــطريه تـــبي فزعتـــكم ياكــويــتيــات

والله فديتكم ماتقصرووووون

 

[الظروف وحشه]

رد : قــــطريه تـــبي فزعتـــكم ياكــويــتيــات

انا من السعوديه وزرت الكويت الشهر اللي فات والبنات ماقصروا قالولي العربيد بالفروانيه هم خياطين والله يابنات يوم رجعت للسعوديه كلن يسالن عنهم صراحه موديلات غريبه وحلوه

 

[افكاري]

حياااااج الله حبيبتي بمعرض افكاري تلاقين فيه كل شي جديد من دراريع وملابس سهره وشغل هاند ميد

ويجمع شغل المصممات الكويتيات المتميزات

واسعـــار واايد حلوووة


معرض افكاري - خلف سنتر بوينت - بجانب السوق الإيراني - داخل مجمع ري سنتر

 

[ام الدرر]

رد: رد : قــــطريه تـــبي فزعتـــكم ياكــويــتيــات

انا من السعوديه وزرت الكويت الشهر اللي فات والبنات ماقصروا قالولي العربيد بالفروانيه هم خياطين والله يابنات يوم رجعت للسعوديه كلن يسالن عنهم صراحه موديلات غريبه وحلوه

:eh_s(9):