قــــــــــــــــــــهـــــــــــــــــــر

[موزمزيل]

السلام عليكم

قوة بنات

اختكم من السعودية

من عايلة عز ولله الحمد
تزوجت وانا صقيرة ولد عمي عن حب
عشت معاه بعيد عن اهلي في قرية عند حدود الاردن يعني بعيد
اروح لاهلي شهر بالسنة
محرومة منهم فوق هذا مدلعتة اخر دلع
طبيعتي هادية صبورة بدينا حياتنا من ولاشي شوي شوي لما تعدلت امورنا لي 15 سنة متزوجة ورزقنا الله 4 بنات
لما اقتنا تزوج علي بحجة ابي ولد
اليوم صاكة الدنيا فيني
يجهز بيتة الثاني وانا ابشري اجيبلتج الي تبين بس صبري

بنات
حدي مقهورة
بعيدة عن اهلي وزوجي مشغول بتجهيزات الزواج
لمااطلبة اهلي يقول والمدارس
اهلي لما درو مات قهر
شسوي

 

[مارشميلو..]

حبيبتي الله يكون بعونك
بعدين ليش كذا يعني اذا تزوج ضامن انه بيجيه ولد
بس ماعليه تحملي عشان بناتك مالهم ذنب اذا ابوهم اناني لهالدرجه بدال لا يحمد ربه على النعمه
في ناس مو محصلين لا ولد ولا بنت
وان شالله مايجيه الولد الا منك
والله يصبر قلبك

 

[رؤى القلوب]

لا حوله ولا قوة الا بالله العلي العظيم ... قل لن يصيبنا الا ما كتب الله لنا
حبيبتي الله يعينج ويصبرج بصراحة مو عارفه شقول غير الله يعينج الي انتي فيه وايد صعب بس الصبر هو مفتاح الفرج (ان الله مع الصابرين)

 

[Angel_store]

علميا انتي مالج ذنب بخلفه البنات الله يعينك ة يصبرك و يهديه

 

[أم الأسلوب]

هذا الرجال خلقوا يحبون النساء يحب التنويع علشان تظلين حلوة بعيونه وما يمل منج عرفتي

 

[OM BARAK]

عورتي قلبي :'( مالج الا الصبر و تحسبي عند رب العالمين

ماقدر اقولج اتركي كل شي وروحي لأهلج و برقبتج 4 بنات

بس بقولج قومي الليل و غسلي قلبج بالقرآن والدعاء و لا تهملين روحج و لا تقطعين أهلج وحياتج الاجتماعيه

حبيبتي عسى ربي يآجرج​

 

[ظل الياسميـن]

لا حول ولاقوة الا بالله العلي العظيم

مالج الا الصبر

والصبر مفتاح الفرج

 

[فوفو22]

من التخلف الارتباط باخرى لانجاب ذكر

لانه من يحدد الجنس هو الزوج لانه رحم المراه هو وعاء فقط

ولكن الزواج تم او قريبا يتم

الحل الافض حاليا

1- زياره الاهل ....والراحه عندهم والابتعاد عن جو التوتر والترقب والرهب والخوف والقلق

2- هو لا يقصد الزواج من اجل الولد الذكر انما الزواج من اجل تجربة اخرى فقط

فلا تقللي من حجم ثقتك بنفسك

3- الالم الان تختلف قوته وحدته بعد فتره لانه رح يصير واقع وتتاقلمين معه

4- دايما اقول واردد هناك اهم من الزوج في حياة الام وهو الكنز الذي بين يدها وهم ( عيالها )

فوفو

 

[masoo 511]

الله يصبرج بس نصيحة لج توجهي لربج بالدعاء الخالص وربي يفرجها وخليج مهتمه فيه وفي بناتج ونفسج وهذاشرع الله خلي يتزوج يمكن يجيه الولد منج انتي وحتى لورزقه ربنا من الحرمة الثانية بصير اخو لبناتج والزواج الثاني يحر بس شرع الله مانقدر نسوي شي الا ان ملزوم يعدل بينكم وربي يسخره لج ولبناتج:yaaaaaarb:

 

[**(فـيـلا دانـتـيـل)**]

تذكري امهات المؤمنين
جميعهم كانو زوجات للرسول
وكانو يغارون بطبيعه المرأه
ولكن هذا شيء كتبه الله لك
والله لايبتلي الا المؤمن

اصبري واحتسبي وتأكدي ان الله معك
ولكن نصيحه لاتتركي المنزل له
ابقي في بيتك عزيزه ..

وللترفيه اذهبي الي اهلك
عسي الله ان يمسح علي قلبك بالطمئنينه

 

[ميسو44]

الله يعينك مالك الاالصبر

 

[مألوفة]

وااااااااااى عورتي قلبي الله يعينج يا رب

هانت عليه العشرة والعيال الله يصبرج

 

[ياغفور اغفر لي]

يابنت الحلال قولي الحمدلله وقدر الله وماشا فعل وديري بالك تفرطين في بيتك وعيالك ماتدرين شنو يصير
بالذمة لا تطلقتي وين بتروحين عند اهلك ضامنه اهلك يتحملون بناتك
اقعدي في بيتك واذكري ربج وصدقيني كل شي بيهون ان شا لله
واذا كنتي ماتدرسين كملب دراستج واذا عندج شهادة شوفي لج وظيفة والله يسهل امورج ياارب

 

[شهـودهـ]

الله يعينج ياحياتي الرجال مالهم امان لو تعطينه عيونج مايبين فيه مالج الا الصبر وشوفي نفسج

 

[ديانا سبنسر]

اضم صوتي لصوت فوفو22

 

[ضحكة]

ياحياتي......حاسة فيش بما اني زوجة اولى...

الحمدلله على كل حال انا يوم زوجي يتزوج علي كان عمري 19سنة وكان عندي
بنت ...تصدقين يوم قالي مع اني كنت حاسة انه فيه شي ومتغير بس يوم قال انه تزوج ماصحت وما سويت اي شي هو نفسه تفاجأ مادري يمكن من الصدمة وقلت له اذا الله يهنيك وحاولت قد مااقدر امشي حياتي عادي لأني كنت حامل وتعبانه مالي خلق مشاكل وعوار راس والأهم من ذي كله كنت اموت بتراب ارجوله احبه حب غير طبيعي بس في نفس الأسبوع الي بيتزوج فيه تعبت واجد وتنومت في المستشفى بقيت لبعد زواجه بثلاث ايام ولدت بالثامن وجبت بنت بس للأمانه كان يزورني كل يوم بالمستشفى حتى ليلة زواجه ترك كل شي واتصل علي وكنت مابرد ماني قادره اكلمه بس ضغطت على قلبي وكلمته عادي وضل يكلمني ساعه كامله وبعدين طلعت رحت بيت هلي مع انه قبل لايخبرني قلب علي فجأة وجلس يهاوشني على كل شي يتصيد علي ويقول انتي فيش وانتي وانتي بس بعد ماخبرني بزواجه وشاف ردة فعلي
رجعلي تقريبآ زوجي الي اعرفه وبعد الأربعين رجعت ليتني مارجعت هو (مجلسني انا وزوجته في بيت هله غرفة لي وغرفة لها)شفت الي مااتمنى اي وحده تشوفه تاكله قدام هله وقدامي وتبوس بالفم عادي واول ماشافتني غارة غيرة غير طبيعية ماقدرت اتحمل وسوالف واجد اكثر واقلبت بيت اهل زوجي علي كل يوم والثاني سالفة بس سكت وماتحملت اربع ايام رجعت فيهم كانها دهر ونزلت 8كيلو وبنتي ضعفت حييل وكل يوم والثاني انا شكلي الي بجيب فلان(زوجي حاب يسمي على ابوه الله يرحمه)تنحز لي ماعندي الا بنات رحت بيت هلي في هالفتره البسيطة من الهم نسيت الموانع وهالأشياء رجعت بيت هلي وبعد شهر طلعت حامل زعلت شوي لأن بنتي صغيرة توها بس الحمدلله حتى زوجي ماخبرته وضليت 3سنوات يقولي بترجعين حياش ماعندي حق شقة وانتي اعلم بالحال قلت له يسلم راسك اناموجوده وتدل بيت هلي متى ماقدرت تحط لي شقه تعال..المهم مواقف واشياء اكثر ادري اني طولتها الزبده
1- الرجال مو للولد يبقى يتزوج بس يتحججون باي شي
2- حبيبتي هي قطت علي كلام اني ماعندي الا بنات حملت قبلها وهي بعدي بثلاث شهور ولدت وجبت فلان وهي جابت بنت والحمدلله على كل حال
3- كان زوجي يحلف ماخليش تحملين انتي حمالش شايد ومن هالكلام مع اني بس شهور النساه وبعدين عادي خفيفة وكل شي اسويه ماتحملني والله بلاه بالمره من تحمل للولادة وهي من مستشفى لمستشفى لاليله ليل ولا نهاره نهار وولادته كلا قيصري...اللهم لاشماته
انتي الحمدلله بيحطها في بيت مو قدام عينش والله يرزقش بالولد ماتدرين يمكن الله يعطيش بس اهم شي لصار موجود عندش لاتطرينها خير شر ولا شسويت لها ولا بعد سولي مشي حياتش طبيعي بتصيحين صيحي لاتخلين بقلبش بس موقدامه ولا تقولين له اذا تاخر في ليلتش عليش ليش تجيني متاخر وتروح لها مبكر لا لجاء متاخر قولي له اشتقتلك ولطلع مبكر قولي في امان الله لاتحاولين تتصلين عليه وهو عندها على كل شي حاولي تخلصين امورش معاه في وقتش انتي حتى لوكانت كل دقيقة داقة عليه وهو عندش بجيلك ايام يقوم من جنبش حتى من الفراش بس تحملي
ومثل ماقالوا الخوات اذا ماكملت دراسة كملي واذا تبقين تشتغلين اشتغلي او اي شي نفسش فيه واجلتيه عشانه اذا ماكان يأثر على بيتش ...لأن هي بتغار وبتدق وبتسوي في بدايته فرحان بها بعدين يتاذى ويحس بالراحه معاش بس لشفتيها سلمي عليها عادي بس من بعيد لبعيد ولاتتكلمين عن زوجك جنبها ..خليها تتكلم على كيف كيفها ماعليش منها..لأنها يمكن تكون من النوع الي يتصيد وتسويها سالفة
الله يصبر قلبك واسفة طولتها ....
انا له سنوات من تزوج واحس بالقصة للحين ....الله يوفقك

 

[سكوتي بذوقي]

لاحول ولا قوة إلا بالله

لحد الحين عقلية بعض الرجال محدوده

الرجال منه تحديد جنس المولود مو المرأه

وشلون راح يضمن إن راح يجيه أولاد

يازين البنات بس احنى حنونات الولد مافيه خير لأمه وابوه لما يكبر ينسى المعروف

اهتمي بنفسك وفي بناتك الله يصبرك يارب ويكون بعونك

وإن شاء الله انتي تجيبين الولد قولي آمين

 

[قمرالبيت]

الحمدلله الله عطاج بنات يسون الدنيا ومافيها هذا هم الرياجيل قد ماتعطين مايبين بعينهم لا تتكدرين فالله موجود صدقين ركعتين اخررررررررررررررر الليل تقلب لك الموزازين مالك الا ربك والله يعينك ياقلبي ولاتتكدرين مصيره بيعرف قددرج

 

[مرايــــــــم]

الله يعينج ويسخره لج

 

[متى بتعود]

الله بيرد قلبج يارب بالولد الصالح ويخلي لج بناااتج