قلاية تيفال اللي بقفشة زيت وحدة؟؟؟

[درابيل]

السلام عليكم






بنات منو جربت قلاية التيفال اللي قريت عنها تقلي كيلو بطاط بقفشة زيت وحدة







إذا زينة باخذلي وحدة قبل رمضان

 

[Snow angel]

حبيبتي كثير ما يمدحونها خاصه اللي متعود على طعم لذيذ ودسم

 

[bedour18]

اسمها تيفال اكتي فراي

ودي اشتريها بس سعرها مو هين اخاف اتوهق

 

[ريم الصبايا]

وين تنباع ياحلوين

 

[برونزية]

انا عندي اياها اقلي فيها بطاط شبس وحلقات بصل
الطعم لابأس فية والحلو ان مايكون فية نسبة دهن كبيرة
وعيبها انها تطول بالقلي بالوقت 25 دقيقة

 

[جرح الليالي]

تلقونها بالغانم

انا كنت شايفتها هناك

 

[ام _خلودي]

اىى انا شفتهاا بالغانم

بس صراحه خفت اشتريه

 

[sa7ab]

اليوم شريتها ومن مركز ساطان ب 69 دينار

بجربها ان شاءالله وبقولكم رايي فيها

ان شاءالله تطلع زينه على هالسعر

 

[قهوووه]

عطونا رايكم فيها قبل نشتري

 

[sa7ab]

والله انا شريتها وجربتها

صراحه زينه وماحسيت بالدهن كلش والاكل خفيييف
بس يبيلج وقت على ما تتعودين عليها وتعرفين تقدرين الوقت

قليت فيها سبرنغ رول وسمبوسه وبطاط وشكن ناجتس

بس جربت الكبب تفتفتوا مادري ليش هل من الكبه او ان ماتصلح حق اشياء جذي

 

[عيش و مرق]

تعين البطاط مو عمليه

 

[tyraa]

روعة عملية و مفيدة و حتى اليهال يقدرون يستخدمونها بدون خوف

 

[أم غايب]

و الله خاطري فيها شكلها زينه بس غاليه

 

[قرص عقيلي]

انا ما عندي منها بس الاكل الصحي ماكو عليه

 

[kuwaitya_zoGaa]

وناسه احب جذيه سوالف ... يالله بنات قولو لنا اشلونها

 

[ملح بدويه]

يطلع البطاط كرسبي والا ليين ؟

 

[الفراشة_البيضاء]

بنت خالتي شرتها من زمان وايد تمدحها
انا احب ماركة تيفال

 

[سلامات]

أنا كانت عندي بس للأسف خربت ضربت شوط من الحرارة ..........بس كان البطاط مقرمش وحلو وما تصرف زيت

استخدمتها حق الدجاج ...كنت احط قطع الدجاج بعد التتبيله بدون أضافة الزيت وكانت تطلع حلللوه

 

[^kloOot^]

نبي تجارب اكثر




بليز بنات



يعنى البطاط يطلع كرسبي ولالالالالالالالالالالالالالالا لين



هنى السؤال ؟؟




الكبب ماينفع وشنو بعد ؟؟

 

[سبكهاوا]

خوووش قلاية اتهببببل

اتخليج تاكلين البطاط والمقالي من غير ماتحسين بالذنب لووووول

بس انها اتطول اشوي يعني 18 -20 دقييقه على مايستوي
وانا انصح فيها