قلب محطم .. زوجي والخيانه

[moonfragrant]

السلام عليكم

مشكلة صديقتي انقلها لكم ...

بداية

تعرفت على شاب وصار بينا حب وود وكان يبي يتقدم لي بس كان يدرس وبعدين اختي كشفتني
واضطريت انفصل عنه مضت سنتين واحنا منفصلين وكان بين فتره وفتره يرسل ويسئل عني
يوم من الايام رجعت كلمته وقال لي انه مانساني وان لسه يحبني وشاريني وعرف اني ماتزوجت وهو بعد ماتزوج

رجعت علاقتنا وبعدها خطبني الاهل سئلو عنه وقالو خوش ولد
وتمت الملكه بداية حسيته طاير فيني يحبني ويدللني
بعد اسبوعين بالصدفه ماسكه جواله لقيت رساايل من بنات وااااااااااجد
حب وغرام وشوق وكلام بذيء واجهته وانهرت وبكيت وتأسف لي واعترف بغلطه
وقال انها نزوه ولجا لهالامور لان بعدت عنه
وسامتحته
واستعدت ثقتي فيه نوعا ما
ولكن يعمل بعض الحركات تشككني ... سجل المكالمات في جواله ممسوح
اذا ماسك الايبود واقترب منه يسكره!!
مايستخدم لاب توبه قدامي

عموما انا قدرت اعرف باسورد الفيس تبعه والسكايبي
دخلت وليتني مادخلت آآآآآآآآآآآآآآآخ الم يعصر قلبي بموووت
محادثات غزليه حديثه حب واشتياق كلام اباحي
نفس عبارات الحب الي تنقال لي تنقال لهم

علاقات متعدده الجنسيات من المغرب ولبنان ومصر والامارات والبحرين والسعوديه واجانب من الي يدرسون معه!!!!!!!

بعضهم كان يدعي انه يحبهم ويبي يرتبط فيهم
والان يقول لهم انه خاطب وان اهله اجبروه على الخطوبه !!!!!!!!!!!!

وهذا كذب طبعاا

بعضهم اضافات قدييييمه من سنوات وبعض الاضافات جدد لكن التواصل مازال مستمر
البعض منهم تركو التواصل معاه وطلبو منه يحترم حالته الاجتماعيه كونه تزوج!!! طلع عندهم ذره انسانيه اكثر منه
بعد الي شفته ماتصور انه يحب
تعبانه جدا مو قادره افكر او اقرر وش اسوي
علما باني لسه مملكه وماتزوجنا

انفصل؟؟ تعبانه من خيانته
ماظن يحب ابد ابد

مو قادره اتكلم مع احد عن ابعاد هالمشكله
مالي الا انتم
مساعده
اقتراح
دعوه على الاقل


وماقول غير

حسبي الله ونعم الوكيل فيه


انتظر ردود
ربما احتاج لاراء من هم اخبر مني في الحياه
ساعدوني اختكم ضايعه ومحطمه
لاني حتى مو قادره اكلمه بشكل طبيعي
كارهتنه

 

[خجولة بدنيتي]

والله مدري
الله يكون بعووونك
استخيري وان شاء الله ربي يكتبلك اللي فيه الخير

 

[لحظآتَ]

أنا أقول اللي فيه طبع مستحيل يغيره حبيبتي
يعني بعد ماكون علاقات للرآآآس ومن كافة دول العالم
هالإنسان لعّاب ومفروض تنفذين بجلدج
صدقيني الخيانة طبع صعب تغييره
واصلا حياتكم بتصير جحيم لأن الشك بياكلج وهل راح تتحملين 24 ساعه الشك والغيره؟
كل كلمه بيقولها بتشكين بمصداقيتها
كل مكالمه يستلمها بتشكين بصاحبها ؟
وكل مسج يجيه بتشكين من منووو؟!

ظنج بيقطعهم؟
حبيبتي ممكن اصلاً يجذب عالبنات ويقولهم انا مو متزوج ..... عشان مايبعدون عنه البنات

صدقيني هالشخصيات صعب العيش معاهااااا
وبالنهايه الرأي الأول والأخير لج .....


///

 

[moonfragrant]

يسلمو على الاراء..

بس هو قال لهم ان متزوج لاني قدرت ادخل على محادثاته
وقال ان مرتاح مع خطيبته


افكر اكلم ابوه عن موضوعه شرايكم؟

 

[لحظآتَ]

شوفي مو حلوه تدخلين ابوه بالسالفه
لإن الولد بتهتز صورته قدام ابوه .. ويمكن يحقد عليج ويكرهج ويبدأ ياخذ حذره منج ..

هو يدري انج صايدته ؟؟؟؟ بالفيسبوك والسكايبي ولا للحين مايدري؟؟؟؟؟؟؟

شوفي ترى الوضع مغامره

اذا انتي تحبينه وتبينه ولج قدره ع المغامره كيفج الله يوفقج معاه

لإن مو اكيد بيتغير يعني ولا بيتوب .. بس السالفه يبيلها صبر وشجاعه ....


وترى على فكرة شيء حلو انه قايلهم انه بيتزوج

بس البايخ لما قال غاصبيني !!!!!!!!!!!!!!

يعني صراحه انتي ادرى بمصلحتج وين

وبالأخير استخيري وشوفي شيطلع معاج ...

 

[a7la_7b]

شوفي حبيبتي هو يحبج انتي ومو مجبور ياخذ وحده مايحبها و هالبنات اللي ضايفهم لو يبيهم ماتزوجج
عطيه فرصه يمكن نزوه وتنتهي لما تصيرون في بيت واحد
اما انج تدخلين ابوه بالموضوووع فهذا اكبر غلط لاتخلين اي شخص يتدخل بحياتج من اولها عشان زوجج ماياخذ فكره مو حلوه عنج
انا افضل المواجهه يمكن يحس ويتغير
والله يسعدج ويوفقج معااااااه ويبعد عنج الخيااانه

 

[ليه الجفآ]

شوفي حبيبتي اول شي استخيري ..

ثاني شي مثل ماقالوا البنات اذا تحبينه .. يبيلها شجاعه وصبر وطولت بال ..

اهو لو مايحبــج أنتــــي مااخطبـج واختارج تصيرين ام لعياله ..

واعترف لج واعتذر .. شوفي انتي الحين بعيده عنه .. بس تكونين عنده حياته تتغير ...

ونصيحه لاتقولين لبوه لانه مثل ماقالوا البنات بيكرهج ويحقد عليج ...

وهذول انا اشووفهم تفاهات وزايلين زايلين لانه بينشغل فيج واعياله باجرررر ....

الحين وقت فراغ وعبط ولعب ... بس لما اختار اختارج ... انتي الدايمه واهم الزايلين ...

انا مااقول جذي اطمنج بس هذا الصج ... خرابيط وتفاهات تتمسك فيهم البنت وناسيه انها اهو اختارها ببيته ..!!

اهو شي يحر بس اعتبره شغلات زايله بلبطي والسرعه هذي تعتمد عليج بعدين





موفقه​

 

[فجرر]

أجمل دعاء سمعته اليوم (( اللهم اغسل قلوب المسلمين من الحقد والحسد))

 

[شافوك بحساسي]

مادري الله يكون بعونج بس باين انه متعود على هالسوالف وعاجبه

 

[" ام حمود "]

والله ماادريء حبوبه ..
بس عطيه مجال وفرصه ثانيه يمكن راح يتغير . ومو حلوة تكلمين ابوه ع
السالفه هذي ماادري شلون راح تسببين له احراج وانتوا توكم بدايه
وانا حاسه فيج هالشيء يأثر عليج وع نفسيتج .. بس عطيه مجال وشوفيه
ان تعدل الحمدالله ان ماتعدل لاحول الله ولا قوة ..
والله يهديه ان شاءالله

 

[لمى الهاجري]

لا تنفصلين عنه صبري عليه بيتعدل عامليه معامله زينة وهو بيانبه ضميره وبيتركهم

 

[لوفيه]

الله يكون بعونج

اصلا انتي ماراح ترتاحين اي كلمة غزل بيقولها لج انتي على طول راح تتذكرين

الكلام اللي كان يقوله لرفيجاته وتحسين انه جذاب

مادري والله بس الخاين مايتعاشر الله يعوضج خير

فكري عدل لا تستعيلين هذي حيااااااااة وبيت وعيال ومسؤوليه

موفقه

 

[جنة المأوى]

بصرااحة انا لو كنت منك اختار الانفصال لأني ما رااح اتحمل شخص مثل هذا .... استخيري و الله يعوضك بوااحد احسن منه ...
http://www.google.ae/url?sa=t&rct=j...sg=afqjcnfbdfnpztnos_faphxwzlulkja6pa&cad=rja

 

[moonfragrant]

دعووواتكم لي ...

والي سئلت هو يدري اني كاشفته بالفيس والسكايب
لا لسه ماواجهته

 

[حنان الحربيه]

الشك بيصير بينك وبينه
ابو طبيع مايترك طبعه
اشتري راحتك

وربي يوفقك

 

[أم الفيصل]

ومين فينا اخذت زوجها نظيف عن هالخرابيط والغزل وكل هالامور
وحتى البعض ما يحلى له هذا الشئ الا بعد الزواج والمر انه ماهمه محصن او لا
والله الرجال ما يملي عينهم شئ والوحده لما تتزوج تريد زوجها بين يوم وليله طاهر ومطهر
من كل شئ ولها هي لوحدها ولو فيه ماضي لازم تحاسبه عليه !!!!!!!!!!
أنا اقول لو انتي تحبيه ولا قادره على الانفصال والمشاكل ووجع الراس اللي يجي من وراها
امسكيه وقولي له أنا اريدك لي من لحظة ملكتنا على بعض والماضي مالي دخل فيه ولا راح احاسبك عنه
( هذا لو تبيه وماتبي الانفصال ) وحاولي بذكائك انه يكون لكِ لوحدك ترى فيه الخير اللي ذكر انه متزوج ومرتاح
والله انا اعرف وحده زوجها مرضها بالسرطان قدام حبيبته حركات افلام هنديه يعني ..

ولا تخبرين احد وكوني ذكيه بجذبه لكِ والله يا اختي مافينا اللي زوجها ماله ماااضي وحاظر كمان بس فيه اللي اكتشفت مثلك
وفيه اللي للحين تعتز بطهر زوجها

كوني ذكيه وصدقيني هو اللي بيكره نفسه انه عطى ذي الاشكال وجه بيوم بس كوووووووني حكيمه ..

 

[بولندية]

البنات كفو و وفو و الله يهديه و يوفقكم

 

[واصله]

الله يعينج حياتي
بصراحه شي يعور القلب وما الومج
شوفي انا اصبر عالخيانه العاديه بس احس اذا فيها سوالف وصاخه وجنس مستحيل ارضى اعيش مع واحد جذي
وانتي عطيه فرصه ثانيه ولا تدخلين ابوه لان مو ابوه اللي بيرده عن هالسوالف والخرابيط
اذا بيستمر راح يستمر ولا يهمه احد لا ابوه ولا امه
عطيه فرصه ثانيه واخيره
ونصيحه لا تييبين منه عيال

 

[حروف من ذهب*]

الله يوفقكم في حياتكم

 

[Mjnont '3lay]

حبيبتي الله يعينج ويصبرج ويستر عليج ويعوضج بلي احسن منه
الانفصال احسن لج وله لانه ماعاد باقي ذرة احترام لج بقلبه لو يحترمج ما كلم بنات الكون كله حتى الاجانب ما سلمو من وجهه ابتعدي بكل هدوء من غير دموع من غير عتاب من غير زعل وهالمره اخذي قرار بينج وبين نفسج وقرار نهائي انج اذا ابتعدتي مرح ترجعين ولا رح تضعفين بكلمتين منه
لانه الحب شي والزواج شي ثاني اذا مافي احترام يعني مافي حب صدقيني والله يستر عليج اطلبي من الله انه ياخذ حقج قريب عاجل غير اجل
وقولي له لو انت فعلا على ما تقول انك تحبني طلقني بكل هدوء وتمنى لي الحياة الافضل مع غيرك وانت الله يستر عليك وياخذ حقي منك
نصيحه لااااااااا تضعفين لااااااااااا تضعفين لاااااااااا تصعفين
اذا الحين استسلمتي له بعدين لمن تصفعج الدنيا عدل رح تندمين انج استمريتي معاه طبعا بعد ما يفوت الفوت ويصير عندج عيال منه لا ياقلبي ماله داعي تظلمين عيالج بعدين بسبب خلافات بينج وبين زوجج مادامج من الحين كشفتيه وعارفه البير وغطاه لا تقصين على نفسج اكثر وتستمرين معاه باللعبه انتي تشكين واهو يلعب ولا يهمه


اللهم من ارادها بسوء فرد كيده بنحره واجعل تدبيره تدميرا له عاجل غير اجل وخذ بحقها من كل شخص ظلمها يارب العالمين