قله ادب $:

[خالف تعرف]

شلونكم بنات
مساعه قاعده اقراء مواضيع وفي موضوع ذكرني بشغله دايما اتوهق فيها

جم مرااااا؟

كذا مرا يمرون علي بنات وقحين ويسالوني جم مرا تسوين انتي وريلج؟
انا تطلع عيوني من مكانها@@ انصدم وما اعرف ارد رد يبرد الجبد

مو موقف واحد لااااااا اكثر من موقف من بنات متزوجين ومن بنات مو متزوجين
انا رده فعلي اني اسكت واقول امبي @@
طبعا وايد علي هالرد يعني الحين انا احرجتها

كل وحدا تقولي لو مرت بهالموقف شراح تقول كلنا خل نستفيد انا طبعي استحي وما احب اقلبها هوشه بعرف شنو التصرف الصحيح لهاذا الموقف

 

[كربون امها]

اذا كانت صديقتي ماينه عليها حيل عادي اجاوبها
بس موكل هب ودب اجاوب احرجها واقولها بذوق عيب هالاهمور ماتنقال
اللي اختشو ماتوا ههههههه واحيانا اسكت يصيبني البوه من الاحراج يدخلون بالخصوصيات ياساترووقاحه

 

[ماني من الناس]

انا مره جروب بنات المدرسه طاحوا علي بالوااتساب وضافوني الا مره كنت طالعه ولما رجعت قلت اقرا شنو طافني من مسجات وليتني ماقريت



بلاوووووووي

مشكله مو وحده او ثنتين فوق نص الصف كل وحده تسأل سؤال والباقي يجاوب


طبعا من الخرعه طقيتهم دليت وبدون ماعطيهم سبب لانسحابي

واهم بنات متعلمات خريجات جي شخلوا للاميات


جد الحيا نقطه ع قولتهم

 

[بيتي بوب بس كويتيه]

عندي وحده جذي تبط الجبد تبي تعرف شنو البس وجم مرا
بس ما اجاوبها ماله داعي

 

[مالك غيري]

من جد قلة ادب

انا لو حد سالني بتطلع عيوني خخخ

بس بستهبل ابتسم وسوي خجلانه واقول شنو هالسؤال ولا لا والله اسوي خجلانه زياده عن اللزوم وبيسكتون؟
او اضحك لا مدري حسب وترووح بدون لا ارد عليهم

وقاحه من جد استحي اسال هالسؤال

 

[روح مغليهاM]

-اوووف هالاشكال زياده هالايااام حتى لو ماتردين يتعمدوون يحرجوونك على بالهم مزززح
-حتى لو صديقتي حيييل وتموووون اظن عيييب تسال شنو بتستفين لو جاوبتها

 

[قطوووة]

اصلا حرام النقاش بهالامور

 

[nano]

مع اني مش متزوجه وماكذب عليكم يجيني فضول اعرف اشياء بس زي هالاشيا مستحيللللللللللللللللللللللللل صديقاتي وميانه معهم ماقد عمري سالتهم مع ان مابينا حيا بس احس جد فشله اسرار فراشي ليش اطلعها

 

[سارة ة]

اسوي روحي ما اسمع سؤالها هع فنون التنطيش بيني انج ماسمعتيهاا

 

[مــســك]

نعممممممممم ؟؟ خير ان شاءالله ..


حبيبتي هالاشكال هذي لو تستحي جان ما آسالتج هالسؤال هذا ؟؟ لان هالشي خاااص وعيب ينقااال ..!!

الحياة الزوجيه خصوصيه للزوج وزوجته وبس ..؟


وشكو بعد اقول لرفيجتي الي آمون عليها ؟ همن عيب ..


حبيبتي ردي عليهم وقولي عيب هذي حياه زوجيه خاصه ومالكم حق تسآلوني هالسؤال ..؟

شنو شفاايه ولا فيهم دوده بتذبحهم لازم يعرفون جم مره يصير بينكم ؟؟؟


استغفرالله .. صج الي آختشو مآتوو ..:/

 

[هُدوء]

ردي عليهآ وقوليلهآ ( شي خآص فيني ) !
مآظنتي بعد هآلرد بتقدر تسآلج مره ثآنيه ةة
قطيعه ة هآلآشكآل آلحيآء معدوم عندهم ،



,

 

[أم ميميتو]

انا اذا كنت قاعده بمكان وفتحو هالمواضع وقامو يسولفون فيه على طول اقوم واذا ما قدرت اقوم اشغل نفسي بأي شي امسك تليفوني اقوم احوس بس ما اقعد مو لاني اخاف احد يسألني لا ماحب اعرف شي عن غيري ولو في يوم احد سألني هالسؤال رح يكون ردي قاسي و ممكن يزعل الشخص الي جدامي لان لو كان عندهم شوية احترام حق نفسهم مارح بسألون هاذي موبس قلة ادب و وقاحه لا هذا حراااااااااام

 

[* بنت المطر *]

اذا رفيجتي حيل بقولها اما اذا وحده فضوليه بزفها

 

[sosowaty]

ابتسم و اقولها حرام هسوالف

 

[lemonda]

هذي النوعيات وقحه لكن مو اوقح من الي تجي تحكي زميلاتها وقريباتها عن هالاشياء الي صارت لها من دون مااحد يسالها اصلا

 

[ثنايا الورد]

الحمد لله محد يسالني هالسؤل
حتى رفيجاتي يعرفوني ماحب الخوض فهالمواضيع الحساسه
وبالنسبة للغرب مامرة تعرضت لهيك سؤال
بس عموما لو حد سألني بقوله
اي شي داخل غرفة النوم مو من حقي اقولج عنه لاني محاسبة عليه
وهذه اسرار خاصة
وبس

 

[*E.B.D.A.3*]

امبيه وحياتج ذكرتيني بوحده لقاااااااااافه مطفوووووووووقه
اسالتني سؤال محرج وبعزيمة بعد !!
يعني كل العايلة الكريمه موجوده،،
واذكر هالسالفه كانت بعد زواجي بفتره قصيرة يعني توني فرررش

قعدت يمي جان تسال بصوت عالي
هاااااااااا يعور ؟؟؟


اهمممم شييييي !!
انا طقتني البوهه مادري هل انا فهمتها صح والا غلط جان اسالها شنو؟؟

جان تضحك تقولي الي خبري خبرج :\
جان اقول شكووووووو شكوووو ،، فلانه عطيني كيكه والي عافيج
واعطيها سكب جنه ماااااااااادري

الي بنت اختي يت تقولي ، امبيه ويهها صار احمر لمه عطيتيها بولباس !!

عاد نفسها هاذي البنية ،،
في يوم من الايام هم كانت زايرتنه وقعدنا نسولف عن الدورة
جان اقول انا افف الحمدلله اني افتكيت امس كان اخر يوم
وبعدها قمت
جان تقول اهيه حق اختي " ايييه شكل ريلها بيكون متلهف الحين!!"

امبيه انتي اشتبين !!
وعلى فكره متزوجه اهيه :\
امبيه نعم !!!!!!!!!!!!!!!!!!!!!!!!!!!!

 

[دلوعة صلوح]

ماردعليها جنى ما اسمعها .. اصلا حرام السولف بهذى الامور.

 

[..<< ندى الورد >>..]

عادي بكل سهوله عطيها نظره حاااره واهو شي على جنب عسان تتخرع ههههههه

وقولي لها اتوقع شي خاص فيني

 

[حبيبه زووجها]

اول شي اعطيها نظره اني ناقده عليها

واطنشها واسولف عن سالفه ثانيه

او اسوي نفسي اتكلم بالتلفون واقوم عنها


.