قمصان نوم

[عاااشقه11]

السلام عليكم صبايا شلونكم شخباركم اممم عندي استفسار واتمنى القا اجابه شافيه
قمصان النوم اول ثلاث ايام راح البس القمصان الي فيها روب وعقب هالثلاث ايام بلبس قمصان طويله ع اساس اول اسبوع طويل انزين عادي البس اطويل بس يكون شفاف يعني تور وهالسوالف ترا تعقدت من هالسالفه

وعندي استفسار ثاني تنظيف البشره انسويه قبل العرس بجم

 

[| تفاصيل |]

ب النسبه ل قمصان النوم لا اتخططين لان ماتدرين عن المعرس
يعني فرضاً قالج مابي قمصان طويله او انزلت عليج الدوره
خلي حياتج عفويه بدون تخطيط بتطلع احلى
وعلى فكره لا اتكثرين قمصان طويله لانه بيطيحون بجبدج

وبالنسبه للتنظيف حسب اتحفين وجهج او لا
لان اذا اتحفين خليه باسبوع عرسج
واذا مااتحفين قبل العرس بيومين

الله يسخركم لبعض

 

[عذبة السجآيآ]

اول شي على حسب الرجال يمكن يقولج من اول يوم لبسي قصير او ما ابيج تلبسين نهائيا

المهم

عاادي اذا لبستي مثل القمصان اللي قلتي

انا بعرسي اول يومين م رووب وباجي القمصان الطويله من غير روب وكلها دانتيل تحت الركبه او على جنب من تحت بس مو مفصخ حيييل لا ويكون قصة صدر ودانتيل وفتحات على الاجناب او فتحة الظهر بس موكبيره

 

[صلوا ع الرسول]

موفقه

 

[النووف]

سويت تنظيف البشره قبل العرس ب اسبوع وجم يوم

بس كان روعه والله

سويته عند لافندر اللي بالبيرق

وبالنسبه للقمصان عادي انا كنت البس طويل وشفاف على الجوانب

وكان كل شوي يطرشني اجيب ماي ومدري شنو عشان يطالع خخخخخخ

اكتشفت من نظراته شلون يطالع

ههههههه

عيشي حياتج الدعوه سهالات

 

[عاااشقه11]

يعطيكم العافيه بنات الي ردو علي يس اشدعوه المشاهدات فوق ١٠٠ ومشاركات بس ٤ 
لاانا اقصد الي يكون صدر متغطي وتحت تور شفاف يكون تحته بكيني اصلا مادري شلون راح البس استحي

 

[قطوووة]

مثل ماقااللؤا البنات

 

[نورعيونك]

اب اب اب

 

[مشتطـه]

شوفي ياقلبي

موضوعج هذا ماراح يفيدج


لان الريايييل أنواع


في رياااييييل يبون الجريئـه

وفي رياييل معقدين راح ينقدون


بس تبين بشكل عام

اغلب البنات يتوهقون بالطويل

ومن ثالث يوم يلبسون القصير


بالعربي ترى اول ليلة بيفصخج زوجج يعني ماكو حيا بعد هاليوم

اخذيها مني انا صريحه وما اقولج حجي فاضي


يا ماما انتي لما تنامين معاه هذا بحد ذاته جرأه
فـ ماله داعي تتخششين


لبسي واستانسي

بس عاد مو تفصخين الحيا


لبسي قصير وشفاف وكل شي وفوقه روب


اخذي روبين أبيض واسود

 

[الـــغـــلآ]

أهم شي لآ تنسين تشترين أروآب حق القمصآن القصيرهـ و هالسوآلف اشتري روب أسود و بيج و أبيض

 

[++صدفة++]

آنا أنصح لبسي طويل أول ثلاث أيام عقبها لبسي لي الركبة و شوي شوي تدرجي

 

[قلبهـ 86]

مووووفقه والبنااات مااااقصرو ،،،

 

[احب المنتدى]

انا اقول خليج اول عشر تيام على الطويل و يكون حركات تور و دانتيل و فتحات و معاه روبه بعدين البسي قصير

كللللللش مو مع البنات الي يقولون 3 تيام طويل بعدين قصير

الحيا حلو اول الايام

الله يوفقج ان شاء الله