قهرتني بمكتبة جرير

[ام ناييف]

اليوم كنت بمكتبة جرير
وكان فيه رحلة للمكتبة من قبل مركز الخرافي للاحتياجات الخاصة
وكان الاطفال معاها من فئات مختلفة بس والله هاديين ويسمعون الكلام وما لهم صوت بالمكتبة
بس المسئولة عنهم كانت متنرفزه بشكل مو طبيعي وتصارخ عليهم بدون سبب
طفل طلب من موظف المكتبه ماي ولانه تأخر راح يناديه عطشان بعد شنو
وكان يتكلم بهدوء صج انه كان يحوس بالمكتبه يدور على الموظف اللي طلب منه
بس ماله داعي تصارخ عليه وتسحبه لنقطة التجمع

صج ان فكرة تاخذهم للمكتبه علشان يشترون كتب ويختارون فكره حلوه
بس طريقة التعامل كانت غير لائقه

والله بكيت وطلعت من المكتبة بسببها
لاني تخيلت ان بنتي ممكن احد ما في وقت ما ممكن يعاملها بهالطريقه
:eh_s(14)::eh_s(14)::eh_s(14):

وانتم اشرايكم

احد يتابع عياله بالمراكز ويشوف شنو يسوون معاهم
على غفله طبعا ويشوف ما خفى علينا
:0bee2e8d89:

الله المستعان

 

[الصابرة المحتسبة]

هلا يا ام ناييف

الصراحة ما اقدر احكم على الموقف لان يمكن في سبب خافي ما نعرفه
بس مهما يكون هالفئة يبيلها قدرة تحمل وطريقة مختلفة للتعامل عن الناس الأسوياء والله يصلحهم ويهديهم البعض من المسؤلات عنهم.

 

[ام نوونه]

اهني ماينفعون حق شي
قليل ما تلاقين ناس قلبها حنون
قلبها ينكسر على هاليهال
والله اهما المرضى لانهم مايعرفون
يسوون شي ولا يعرفون حق هالحالات
عكس برا الله لايحوجنا حقهم انشالله
انا ما فكر اودي وولدي بروحه واروح

 

[الصابرة المحتسبة]

غصة!



كانت هناك رحلة الى احدى المكتبات لذوي الاعاقة من فئة الاطفال، وكان الفرح يشملهم جميعا، ولكن ما لفت انتباهي غضب المسؤولة و«نرفزتها» التي لم يكن لها معنى، فقد كانت تصرخ على الأطفال وتطلب منهم الانتظام وكأنهم عمود لا تريد حركة من أي احد منهم، وكأنها نسيت انهم اطفال كلهم طاقة وبحاجة الى حركة فأين الصبر يا مسؤولة؟ واين المسؤولون عن هذه المسؤولة؟

القبس 26\11\2009

 

[أخصائية تخاطب]

لابد اللي بيتعامل مع هؤلاء الأطفال يكون له طبيعة قلب حنون و صبراكثر
و تحمل
الله يسخر لهم من له قلب

 

[HearT ChocolaTe]

محد يتحمل غير الأم .. والمراقبه مهما تشددت لابد من وجود الخطأ .. وبني آدم كله عيوب
الله المستعان يحفظ عيالي وعيالكم يا أمهات التحدي والصبر

 

[لولو-الصغيره]

اخ يا أم عزوووووز وريني إياها بس والله ما أخليها اعاملها مثل ما تعامل عيالنا شوفيها ترضي ولا لا مهما سووو عيالنا لازم تتحملهم هذول فئات لازم نتعامل معاهم بكل لطف وهم أصلا محتاجييين هالشي ولا تحرقققين قلبج بعد قلبي
والله أنا لو اكون بره وشفت بس خدامه تهاوش ياهل او تصرخ عليه والله اني أحاسبها
عيل اشلون هذول حرام عليها

 

[لولو-الصغيره]

عسي ربي تشوفينه يركض ويمشي يارب ودوم تشوفينه بالصحه والعافيه يارب يا ام نونه
اختج ام عبد الهادي

 

[Ya7aLaTY]

اكررررررررررره شي عندي الي يزفوون اليهال بالطلعه سواء كان طبيعي ولا معاق

الاطفال عموما عندهم طاقه ويحبون الحركه

يتمللون من النطره والوقفه,, يبون يلعبووووون لانهم اطفال

اي احـد يزف الياهل ويصارخ عليه جدام الناس الصراحه انا ما احترمه!!

دام خلقها ضيج مع الهيال محد يجبرها تاخذهم رحله؟

امبييييييييه حدي انقهرت انا لو منج ارووح اتهاوش معاها

 

[<<المها>>]

تلاقينها متنرفزه من مسؤولها ولا مديرتها ولا مطلعينها غصب عشان تكون مشرفة على الرحلة والاخت حطت حرتها بهاالمساكين
بس حسبي الله ونعم الوكيل المفروض يكون معاها مشؤولة ثانية وتكون اعلى منها رتبة عشان تهاب وتنظبط
مع الاسف احنا العرب مانعرف نتعامل مع هاالفئات بذرابه .. بسرعة تقسى قلوبنا .. الله المستعان

الله يخلي لكم عيالكم ويشافيهم ويعافيهم يااارب ويقر اعيونكم بهم .. اللهم آمين

كل عام وانتم بخير

 

[mr000]

رفع

 

[الصابرة المحتسبة]

رفع