قولولى شحط وشسوى

[رمانه كويتيه]

السلام عليكم بنات المنتدى الحلوين انا بنتى بيون ناس ايشوفونها يعنى بس الحريم بيشوفونها بيخطبونها حق ولدهم مادرى شسوى بنات يعنى شنو اقدم لهم حلو وقهوه وعصير ولا معجنات ولا جاى مادرى ماعرف اول مره

 

[أغلى حبيبه]

قدمي عصير ومعجنات

والله يتمم عليها ان شاءالله

 

[شاي اخضر]

بالعكس خليج عادي مثل اي ضيوف يزورونج اول مره قدمي القهوه والحلو وجاي ومعجنات وبعدين العصير او على حسب طريقتكم بالتقديم بس قدمي احسن شي عندج عشان يحسون انج مهتمه بضيوفج ...

 

[mrs_sugar]

مبروكين مقدما
ضيفيهم و رزيهم عدل
مثل ما قالوا البنات أول شي عصير و بعدين شاي و معجنات و اخر شي حلو القهوة و القهوة قبل لا يطلعون لأن في ناس عندهم تقديم القهوة مبكر كأنه طردة

 

[زيـنـه]

مبروكين مقدما
ضيفيهم و رزيهم عدل
مثل ما قالوا البنات أول شي عصير و بعدين شاي و معجنات و اخر شي حلو القهوة و القهوة قبل لا يطلعون لأن في ناس عندهم تقديم القهوة مبكر كأنه طردة

بالضبط هذا اللي بقوله ..و تقدرين تلغين العصير اذايووج الحريم متاخر او اذا الجو بارد .
و الجاي حطي جاي احمر و اخضر او نعناع .. و المعجنات معاها كبب ووزعي عليهم صحون صغار مع كلينكس و شوك ودوروا عليهم بالمعجنات .
و اخيرا القهوه لا بغوا يمشون
و الله يوفقكم

 

[شاي اخضر]

^^^^^^^^^^^^^^
^^^^

شدعوه اللي يقدم القهوه اول شي معناتها طرده؟؟؟ احنا نقدمها اول شي عادي لاطرده ولا شي ومثل ماقلت كل ناس وطريقتهم؟؟؟؟؟

 

[اعييز]

انا يايه اقولج نفس مس شوقر ..

شوفي انتي وشنو اللي متعودين عليه ، لما اييون الضيوف شتقدمون قبل الجاي والمعجنات والا القهوه والحلو ؟

وعسى ربي يبلغج فيها وفي عيالها بعد قولي امين

 

[مسك]

هــــلا اختــــي نسيبـــه



انا اقـــول ما يحتـــاي العصيــــر ابدي بتقـــديــــم الجــــاي وعقبــهـــا

المعجنـــــات الي يكونون صغار احلى

وطبعا تكون لصحـــون موزعيــنـهــــا من قبـــل

واخــــر شــــي الحلـــو مـــع القــهـــوه


وقــوليلنـــا شصيــــر مــــعــــاج



موفقيــــن يــــا رب​

 

[رمانه كويتيه]

عيل انا اقول مايحتاج معجنات اول شيى قدمى العصير بعدين القهوه والحلو لانه اذا بتحطين المعجنات هذيله بيقعدون يبسطون

 

[Pink GirL]

الله يتمم على بنيتج ويوفقها يارب

اول شي قدمي الجاي والمعجنات وبعدين القهوة والحلوو

 

[النبيطة]

هههههههه انتوا عكسنا اول شي القهوة مع الحلا وبعدين الشاهي والمعجنات
بس الشرقية عم اللي يقدمون الشاهي اول
المهم احنا مانقدم الا تمر مع القهوة وبس للحريم اللي بيشوفون البنت
مانقدم اي حلا وعجنات يعني ترا ماطرنا من الفرحة فيكم اي والله هذي عوايدنا

 

[supermarket]

انا من رايي اذ بيشوفون البنت لاتخبين روحج

يعني ضيافة سنعة بس سريعة لان ساعات اذا البنت ماعجبتهم وماصار نصيب

تحسين بسرعة يقومون

اما اذا عارفين انها يبونها واهيي يية تعارف ذيج الساعة سوي الضيافة خبة


والله يكتب لها الزوج الصالح

 

[النبيطة]

انا من رايي اذ بيشوفون البنت لاتخبين روحج

يعني ضيافة سنعة بس سريعة لان ساعات اذا البنت ماعجبتهم وماصار نصيب

تحسين بسرعة يقومون

اما اذا عارفين انها يبونها واهيي يية تعارف ذيج الساعة سوي الضيافة خبة


والله يكتب لها الزوج الصالح

علشان كذا مانتكلف ولا نخب روحنا:eh_s(15): :eh_s(15): :eh_s(15):

 

[rudy]

والله هالايام الجو بارد انا اقترح انك اتقدمين حليب بالزعفران وايد حلو مع البرد

 

[*ستايل*]

المتعارف عليه القهووه والحلوو بالاول

بعدين الشاى والفطاير والعصير والكيك والمكسرات عقب

 

[زهرة اللوتس]

نفس ما قالو البنات
اول شي قدمي الجاي والمعجنات وبعدين القهوة والحلو

 

[Brounzi_girlly]

الله يوفقها ويتمم عليها وطلعي احسن شي عندج وقدميه
مع تحياااااااااااااتي..............