قولولى مطعم قيصر فيه كباين - وفى موسيقى وإلا لا وشنو أحسن أكل

[ذات الهمة العالية]

الله يعافيكم بعزم ناس

قولولى أسألتى
فيه كباين وهادى وإلا لا
وفى توصيل وإلا لا

وشنو أحلى أكل أطلبة منه من شوربة أو أى شىء من الأكل والطباق

وألف شكر حق اللى يساعدنى بالإجابة

 

[كوارين]

مطعم قيصر في كباين بس احس مو حلوة حق مستوى عزيمة
في اغاني بس مو صوت عالي مثل فرايديز

واكلة عندهم تقريبا كل شي انا اطلب ربيان بقسماط
وبالنسبة للشوربات مادري ماطلب من عندهم
وسلطاتهم ما تعجبني وايد

 

[ذات الهمة العالية]

كوارين الله يعطيك العافية حبيبتى على ردك بسرعة لأنى مستعيلة
أبى الرد وين صاير مكانه بالضبط
يعنى كلش ما تنصحين فيه حق ناس يبون أكل هندى

وما يسكرون الموسيقى

ممكن أطلب وأرسل الكل فى مجال جذية

 

[أغصان]

اعزميهم في مغل محل مكانهم نظيف وجديد ومافيه موسيقى وعندهم كباين
وهم عندهم كبينه اسمها الديوانيه حلوه حق العزايم وهم كل كبينه فيها تلفزيون بلازما صراحه حلوه ويفتح النفس

 

[فووووشيا]

هلا حبووبة


انا من مدمنين قيصر


وايد احبه


فيه مو سيقى بس مو عاليه وايد


شوربه الدياي بالمشروم او الذرة حلوة


وطبقى المفضيل شكن دياانا وايد حلوو


والسلطه سيزر بالدياي وايد لذيذه


وعندهم الستيكات حلوة بس انا افضل الدياي


وعليكم بالعافية

 

[كوارين]

اماكنة يالغالية
في بالفحيحيل بس ماعرف وين بالضبط يم تقريبا سنتر بوينت


وفي بالسالمية

وفي بالفروانية قبال جمعية الفروانية

 

[الكادي 1981]

بالســالميه بعمــارة المبرور خلف مجمــع دانه سنتــر بشوي ..... بالفروانيه بعمارة صمعان سنتــــر خلف جمعية الفروانية

بالفحيحيـــل بعمــارة الســوده فوق .... بالديــرة خلف دوار الشيرتون مقسمينهم قسمين صيني وهندي وفيــة كباين وماعمري سمعت موسيقى

عنــدهم .....بالنســـبه للأكـــل جــربت ستيــك ديانا بس لحــم موووووووطبيعي .... وجــربت ستيــك سلايس مقطع قطع صغار بالزعتر

مووووووطبيعي ... وزوجي يطلب منهم ربيااان منغولي يصير فلفل شوي ومـــرااات يطلب روبيان مكــس على تش تش يمدحــه

حييييل وبالنســــبة للشوربه أطلب دجاج بالذرة ... وزوجي يطلب شوربة حامض حلو .... السلطات مايونيز ناااعمه ولالاتنسين

خبــز نــان بالجبــنــة

 

[قطوه ورديه]

عندج مغل محل بس ماعجبني كلش
وفي مطعم اسمه دار بار
الي بفندق كونتينتال بشرق
بس ترا ماجربته

بالنسبه حق مطعم قيصر
الطلب لازم شوربة الدياي
ولازم السلطه الناعمه
وطبق ربيان مشوي بالجبن
واتمنى اكون افدتج

 

[Queena_85]

فيه كبــاين ..
أحلى شي عندهم نان الجبن
سنكي تشيكن.. دياي لون احمر بعود و معاه صوص حار..
سابينا ستيك ... لحم
ستيك ديانا... لحم
ربيان مشوي تش تش و ربيان بالقسماط ..
شوربة دياي بالذرة وشوربة حارة وحامضة ...
على ما اعتقد عندهم سلطة شيرازية و سلطة فيها اناناس ( روسية) .. هذا اللي جربته و أهلى مجربينه
بالمختصــر المفيــد أكلهم حلوووو ...:eh_s(6):

 

[ذات الهمة العالية]

مليوووون شكر كل وحدة ردت ربى يسخر لها آمين

 

[ام الداده]

قوة اختي

انا عن تجربة رووووووووووووووووووووعة و عائلي ويونس
واكله حيل حلوووو احلى مطعم بالنسبة لي واسعاره معقولة
فية كم طبق انصحج فيهم:


ستيك دجاج >>>>يسمونه تش تش دجاج وخضرى وعليها شبس وجبن
جلفري >>>>>>>>>موطبيعي حمسة دجاج بزنجبيل والفليفلة
فية حمسة بطاط مقلي نسيت اسمه فية بنارسي او برانسي
خبز بالبطاط وخبز بالجبن وخبز بالثوم
والسلطات بأنواعها حلوة:eh_s(3):


توكلي على الله واعزميهم وراح تدعيلي انشاءالله:eh_s(15):

 

[بطه فيها نطه]

يعتبر مطعم قيصر من اشهر المطاعم في الكويت وافضلها ويقدم المأكولات الهنديه والصينيه والتركيه والايطاليه والايرانيه ويوجد بالمطعم(كبائن)مخصصه للعائلات وله عده فروع بالكويت بالسالميه والفروانيه وشرق والفحيحيل .



مدخل الكبائن

الكبينه من الداخل




قائمه الطعام

برياني ربيان غير طبيعي علي الطريقه الايرانيه

شوربة ربيان والذره

منقول لعيونك

 

[ياعشيري جعلك السلال]

لذييييييييييييييييييييييييذ
توكلي على الله

 

[أميره بلا قصور]

يم يم احبه هالمطعم

شهيتووووني

برووح له باجر

 

[meme_alq8]

يمي يمييي قيصر وبس

اتوقع كل فروعهم فيها كباين وفي توصيل للبيت بعد بس عندهم افضل لان كل شي ايلج حااار

 

[ذات الهمة العالية]

ربى ما يحرمنى من طيبتكم ومساعدتكم آمين

وروعة النقل