قولولي رايكم

[جوهره مصونه]

السلام عليكم
شلونكم بنات ؟
مادري وين اكتب الموضوع حطيته بهالقسم

ودي اتزوج واحد ارمل وعنده اعيال واربيهم اكسب فيهم اجر ....

اشرايكم بالبنت اللي تتزوج ارمل وعنده عيال وعايشين معاها ؟ في وحده منكم جذي ؟ اوسمعتو عن وحده جذي؟
للعلم انا محد تقدملي ارمل بس قاعده اقولكم اللي اتمناه ... وانتو قولو رايكم .. اتحسون انه مسؤليه ولاعادي

 

[حلوةودلوعة زوجي]

الله يرزقج بالزوج الصالح الي تتمنينه يارب

 

[M!SS.LOBY]

موفقه
ولا تنسين صلاة الأستخاره والدعاء بثلث الليل وسألو عن الريال الارمل بالدوام عند الجيران سوو برنت عنه والله يكتب لج الخيره

 

[om MaRyooM]

جم عمرج حبوبة ؟؟


صراحة امنية غريبة !
بس الله يعطيج على قد نيتج ويكثر من امثالج

بس هالشغلة فيها وايد مسؤولية كبيرة ولازم الوحدة تكون قدها

 

[خالتي قموش]

الله يرزقج بلي تمنينه

 

[فتاة أعمال]

ليش ارمل كل شخص يتمنى الافضل لنفسه .. الا اذا كنتي ما تيبين او انج مطلقه هذا شي ثاني .......... و بالنسبه لسؤالج انح انج قد مسؤوليه ..اممممم احنا مانعرفج و لا نعرف شخصيتج فا يعني بالضبط طوووووط

 

[manoooram]

طلبج يا قلبي غريب
والله يرزقج على قد نياتج
بس ليش ما تتمنين تتزوجين رجل ما سبق له الزواج
لأن أحس تعب عليج تبنين حياتج أولها بمسؤوليه وتربيه

صلي صلاة استخارة والله يكتب لج فيه الخير

 

[مولاي الفرج]

اذا تحسين ظروفج ماتسمح الا للأرمل فالله يرزقج يارب

وبالنسبة للمسئولية اكيد في مسئولية كبيرة

انا عن نفسي لو عنده ياهل او اثنين وصغار اوكي

بس كبار واهو كبير صعب

 

[هويتك]

مسؤوليه صراحه
ومن حقج تاخذين ريال ماينشغل الا فيج

وتبدون حياتكم مع بعض من الصفر وتيبين منه عيال وتربينهم

الله يرزقج بكل خير حبيبتي والله طلبج غريب

 

[ام الحلوااات]

امـــنـــيـــج غـــريـــبـــه حـــيـــــل
بـــــسس لــيـــش هـــاالامــنــيـــه وش فــيـــج ؟؟

 

[Mjnont '3lay]

تبين رايي وبصراحه؟؟؟
انتي بنت وانا متزووجه حياتي غير عن حياتج
كونج بنت اكيد تحلمين وتتمنين
بس من تتزوجين ويبدى الجد هني فعلا تتوهقين ومرح تعرفين شتسوين
اولا البنت اللي تتزوج ارمل وعنده ورعان للامانه لازم اول شرط فيها تكون كبيييييييره بال30 وفوق لانه عقلها ناضج وتعرف توزن الامور وتعرف تتصرف مو بزر بالعشرينات اسمحيلي لانه هالعمر عمر الطيش والوناسه مو عمر تربيه وجاهال
اكثر اللي يتزوجون بالعشريناات مشاكل وعوار راس ومشاكلهم ياكثرها بالقسم لانهم متعودين على الدلع وبعدهم صغار وانصدمو بالمسؤؤليه والتعب والكرف ببيت الرجال ماتوقعوووو الزواج جذي يحسبونه نفنوف ابيض والبوم عرس ودي جي وحبيبي واحبك وحبيبتي واحبج وشهر عسل وهدايا وللاسف انصدمووووو بشييي ثاااااني مو بالحسبان
اذا كنتي صغيره انصحج تغضين النظر عن هالفكره انتي طلتبي راينا وانا اعطيج رايي بكل صراحه خاصتن اللي عنده جاهال ولو يكونون شوي كبار حيل حيل رح تتعبين معاهم اولا مرح يتقبلون عندهم وحده غير امهم ثانيا اذا كانو صبيان انتي مو امهم ولا مرضعتهم لزوم تتغطين عنهم ثالثا رح يمرون بفترة مراهقه وانتي صغيره مرح تعرفين تتعاملين معاهم يعني عمرج بالعشرينات ويجونج جاهال بال16 17 او 15 14 وتربينهم ماكو فرق بينكم شتربين فيهم يا امي ؟؟ مرح تعرفين عكس الورع اللي جايبته من بطنج وبعده نونو تربينه من الصغر غير اللي تربينه على كبر وطبيييييييييييعي الرجال اول حياتج معاه مو فاضي لج راح يراكض ورى الجاهال مدارس وطبيب واغراض ومسؤؤليه وانتي بعدج ببداية حياتج معاه وانتي صغيره من حقج يدلعج ويقعد معاج وهالشي مادري بس صعب تلقينه عند اللي عنده جاهال
وصدقييييييييييييييييني الاماني والكلام شي والفعل شي ثااااني
انا تزجت جااااهل صغيره وكنت اقول مرح اقصر وعادي وانا قدها بس يوم شفت الصج تعبت وااااجد واااجد فوق ما تتصورين وياكثر التعب اللي مريت فيه نفسي ومعنوي الله يعيني يااارب
وبس هذا رايي وانتي حره بالنهايه القرار راجع لج بس دامج اخذتي قرار مثل هذا فكري فيه عدل بينج وبين نفسج من جميع النواحي لانه لو صااار اجباري رح تتحملين المسؤؤليه وتكونين قدها ساعتها لا تتشكين وتتركين الرجال والجاهال وتردين بيت اهلج الله لا يقول على بو انصدمتي من المسؤؤليه والحياة لانه ماهم ذنبهم هذا قرارج وكوني قده

 

[قَلبڪْ صًخرْ]

ماتبين تطلعين
تستانسين
تعيشين اولى تجاربكم مع بعض
تحملين لاول مره وهو لاول مره يحس بالابوه




الاجر وايد بتحصلينه باماكن ثانيه

مو شرط اتزوج ارمل وارربي عياله





عالعموم ذكرت بباي انسه صفاء << لحن الحياه

 

[اميره^_^بحلآها]

انا شفت لج رد تقولين انهه عرسج تاريخ ٦-٦-٢٠١٣ ؟؟؟ شسالفهه و الحين اتقولين ماحد تقدم لي ؟؟؟ << الله يهدي الكل

بسوى نفسي ما شفت ردج قبل و برد عا موضوعج هاذا ..~

شوفي حبوبهه ترا انتي تقولين جذي لانج ماجربتي هالحياة من قبل ..~ لكن اذا صار هاشي و اخذتي واحد عندهه عيال ما رااح ترتاحين و ما رااح تاخذني راحتج مع زوجج ..~

 

[امـ خــزامـى]

حبيبتي انا بنتي من لحمي ودمي
اوقات اتنرفز منها واعصبببببببب واخليها عند اهلي كم ساعه عشان اريح وادبر اموري

المسؤليه صععععععععععععععععبه كيف لو عن اطفال ايتام

اقترح تكفلين يتيم اسهل من التربيه

 

[Tom ♥ Jerry]

,



الله يرزقج بلي تتمنينه اذا كان خير لج

 

[وردة وطني]

الله يوفقج ويعطيج ع قد نيتج وان شاءالله تكونين قد المسؤاليه بس انتبهي ترئ الزوج فتنه يعني راح تغرين عليه ديري بالج واستخيري وربج الموفق

 

[PuPa^^SWeeT]

لا والله ما اتمنى


امنيتج مثل ما قالو البنات عجيبة



لانه ماعلييه ادري اغلبنا مايحب الظلم



بس فرضا فرضا


يه بيوم ظلمتي البنت مو قاصدة طبعا


يعني انا افكر هذيل ايتام مالهم ام


و ابوو اكيد بيكون منشغل عنهم


و عرش الرحمن يهتز من دمعة يتيييم



ادري ماتبين تظلمين ولا احنا نبي نظلم



بس فرضت صار من غير قصد



لانه ساعات نظلم اطفالنا



من جذي ما اتمنى

 

[مريااانه 4]

ماراح تأخين راااحتج
والله يرزقج بالزوووج الصالح

 

[عسل حدي]

بس انتي قلتي انج مخطوبه ممكن توضيح؟

 

[relly-story]

اول شي ياريت اعرف جم عمرج عشان اساعدج

ثاني شي حلوه الفكره انج تكسبين اجر واحسج متحمسه للموضوع



موعيب طبعا ولا غلط هشي لان شرع الله مافيه شروط


ناطره تقولين عمرج عشان اكمل معاج