قولولي شتسوون بالوقف هذا لاني مريت فية؟؟؟؟؟؟؟؟؟

[تفااحة]

شلونكم بناااااااااااااات ؟؟؟؟؟؟؟؟؟ شخباركم

واللة مادري شقولكم واللة متضايقة حدي ونفسيتي تعبانة من الناااااس ليش الي ماعندها عياال يخافون منها الناس انها تحسدهم هذا رزق من ربي مومنهم .....

المهم بقولكم سالفة صاااارت معاي مرت حماااااااااي توها والدة وطلعت من الاربعين يعني ولدها عمرة 4شهور تقريبا جايتة عقب 4بنات لو ماجابتة مااااتت لدرجة جننتني عقب عرسي قعدت سنتين واهي على اعصابها خايفة احمل واجيب الولد قبلها وانا واللة ماهمني ولا حب سوال ابي بنت ولا ولد كلة رزق من اللة والمحروم ماتفرق معاة ....

تخيلوا كانت كل شهر تسأل هاماحملتي ؟؟؟ لين لوعت جبدي وقلت لخالتي هذي وبعدين وياها خلاص واللة اذا حملت اول وحدة اقولها ولا تسالني كل شهر تحرجني وتحرج زوجي معاي الصراحة قلة ادب طبعا انا مصدومة منها...

مارتاااحت لين حملت واهنية طخت عني وتركتني وجابت ولد واللة يرزق الجميع انشاللة المههم يابنات تخيلوا اذا نزلت ولقيتها وولدها معاها سيدة تنادي الخدامة اخذية واكثر من مرة يتكرر الموقف ...

اليوم نزلت لقيتها والبيبي موجود يلعبوونة ماشاللة اول ما شافتني نااادت خدامتها تعالي ودي دااااااااااااخل ...... عقب رحت اعدل ملفعي داخل تخيلوا طرشت بنتها ام 10سنين وراي تراقب انا ادش علية ولا لا وانا واللة موتفكيري ولاهمني اقصاها ياهل .....

واذا انا موجودة عمي لعب ولدي خالتي شالت ولدي تبي تحرني المسكينة .....

امانة انتو شتفسرون هالموقف ؟؟؟؟؟؟

 

[تفااحة]

شساااااااااااااالفة الي مروا وماردو علي شدعوة اذا انتم ماحسيتوا فيني منو الي يحس ؟؟؟؟؟؟؟؟؟؟؟؟؟؟؟؟؟؟

 

[m e m e]

هاذي مينوونه مو صاحيه

انا مرت حماي عندهه ٤ و توهه يايبه ولدهه بووبوو حبيبي

و الله طول الوقت عندي ألعبه و اشربه حليييب و البسه و لا مليت منه اقطه على امه هههههههههههه

هاذي متخلفه ماعليج منهه فقعي مراارته و سوي روحج موهامج و لا عالبااال و طنشيييييييييييييييييييييي وقووليله لا شفتي الياهال يصيحون الله يعينج و الله

 

[الأم الصغيره]

حبيبتي هذول ناس ناقصين عقل وجاهلين ياربي إشلون يفكرون جذي ماتدري إن الرب الذي رزقها بيرزقج احسن من عيالها إلي فرحانه فيهم هل الاشكال المرضين مليانين انا اول ماتزوجت حملت وعقبها اجهضت من 3 شهر ورحت زرت وحده قريبتي ولقيتها مشغله القران بالصاله امبيه هههههههههههههههههه ماعندهم عقل وبعد سنه ربي رزقني ببنت ما كنت اهتم لها عطيها طاف وذا شفتي ولدها لاتعبرينه وربي يرزقج ويفرح قلبج بعيال مالهم اول من اخر

 

[ϲհҽɾɾվ87]

والله مادري شقولج مادري اشفيهم الناس حسبالهم اللي تحمل بصبي شي غريب عادي خو بنيه ولاصبي مادري ليش الناس جذي لاضيقين خلقج ولا شي خليها تولي سوي روحج مو مهتمه عطيهااا طاااااف والله حتى قريت قصه وحده بالمنتدى اجهضت واهيا بالخامس اتقول عيون الناس علشان فيها صبي خير ياطير صبي ولابنيه ناس للحين متخلفه

 

[المهذبه]

ماأقول ياتفاحه ألا فوضي أمرج لله والموقف هذا ياما عشناه مره ومرتين وثلاث ومانقدرنسوى فيه شئ لأكن نقدرفالأحسن والأعظم أنج ترفعين أيديج للخالق وتصلين ركعتين الحين وتدعين ماضاقت ألا فرجت أدعي الحين وأنتي متضايقه وأبجي لربج وأذا هي قصدها تحرج أنتي قولي حسبي الله ونعم الوكيل وفوضت أمري لك يارب أنا ضعيفه مافي أيدي شئ أسويه ورددي الأستغفاروأدعي وأصدقي مع ربج ماتدرين ياتفاحه لوالله عاضج بتؤم يتشابهون وفيهم من جمال سيدنا يوسف وكل من شافهم أنهبل عليهم يأخذون عقلج وقلبج..{ بس عاد لاتنهبلين من الفرحه}

 

[اميرة الفرح]

الله يصبرج اختي تفاحه والله يرزقج بدال اليهال 10 صبيان و 10 بنات )

ماعليج منها ومن حركاتها هذا كله رزق من الله وان شاء الله رزقج بييج

ولاتنقهرين من حركاتها

والله يرزقج ياااارب وتحملين بااحلى توأم

 

[الجوري2008]

طنش تعش تنتعش
حاسه فيش والله ادري شيء يحر القلب لكن بيني انتي مو مهتمه لا لها ولا ولدها والله يعوض صبرنا خير ان شاء الله

 

[هيونه الكويت]

الله يصبرج اختي تفاحه

 

[^noonaa^]

مااالج شغل فيها

نااقصه عقل الحمدالله والشكر

طنشي فيها

والله يرزقج ان شاءالله بالذريه الصاالحه

 

[فتكات بنت كيداهم]

الله وهاذى مريضة نفسيا وتكفين حريها لما تشوفينها كشخى ولبسى وطلعى مع ريلج وخليج توب عليها باسلوبج والحلو والله تموت من الحره ولاتقصرين مع عمدج وخالتج بالهدايا الحلوه وانشالله ربى يعطيج الذريه وبفرح قلبج . والله من صجها الى تسويه مجنونه الحمدالله والشكر

 

[باقة ورد]

لو ما كنتي غايضتها و حارتها كان ما سوت هالاحركات..اهي تحس انج احسن منها وموقادرة تعبر الا بهالشي..ونست انها تتشمت بقسمة ربها..ولو عندها ايمان بالله بان هو اللي يحفظ عيالها ...كان ماخافت لا منج ولا من غيرج..انا اقول ادعيلها بالهداية لانها مسكينة.

 

[دمثة]

شوفي اكو مثل يقول

المركب الي شايل الشرايج مشى

والمركب الي في حريم الأحمى وقف


يعني تبي تصير الزينه

بس انا اقولج شي الله يعطيهاا على قد نيتهاااا

 

[A7la-SmiLe]

الحمدالله والشكر
هاذي نيتهااا موزينه
حبيبتي مالج شغل فيهااا اللي عليج انج كل يوم تدعين وتستغفرين بنية الحمل وعسى الله يرزقج الذريه الصالحه عاجلا غير اجلا يارب​

 

[تفااحة]

مشكووووورين وماقصرتواواللة بردتوا جبدي تخيلوا امس طول الليل اصلي وادعي وقعدت ابجي بدون شعور واللة مابيدني شي والنااس قاعدين يحسسوني فيني نقص وانا الحمداللة ماعلي قصور جمال واخلاق وشهادة الحمداللة ياربي ...........................
واللة انا موهامتني اهي بس جدام خلق اللة ليش تسوي جذي تحرجنيوعندهم اهي الغالية ام العيااال ... ادري انها مريضة وموصاحية وهذا شي قليل من الكثير الي سوتة مادري غيرانة ولامحترة ماعندها الا هالعياااااااااال كاشخة فيهم ........................ من امس وانا ولا كلمة تخيلوا ريلي يحاجيني مارد علية ماكلمتة وعرف اني متضايقة ياعمري ماقصر غداني بمطعم ووداني المرينا وقالي شري الي تبينة بس يبيني استانس كسر خاطري علبالة ان لما اشتري واتمشى خلاص هذي قمة السعادة مايدري ............. قلتلة قبل شوي السالفة قالي الحمداللة والشكر هذي متخلفة ماعليج منها ..................................... قلتلة خلاص اذا اهي موجودة لاتقولي نزلي لما تكون موجودة حتى خالتي ماتعطيني وجه ................................... طايرة باليهال ....

عسى اللة يرزقنا يارب ولايشمت العدواااااااان فينا .............................

 

[سبكهاوا]

لايضيق خلقج حبييبتي وخلي ذيج ابحركات اليهالوو دواها انج تحقريينها

شكثر ناس عقليتها ناقصه شتسويين فيهم بالله !!
استااانسي دشي وطلعي وسااافري واخذي الدنيا طووول بعرض وانشالله ياربي يرزقج ويرزقنا بالذريه الصالحه ان طال الزمن ولا قصر

 

[Swan]

الله يعينج عليها

 

[pink Engineerah]

طااااااااااااااااااااااااااااااااااااااف ما اوصيج

يقول لج لكل داء دواء اللا الحماقه الله يكفينا الشر ناس مرضى بقلوبهم وعقولهم الله يهدي الجميع

لا يضيق خلقج اله قادر على كل شي

 

[تفااحة]

الشكوى للة وحدة مالبيد حيلة......................................

 

[m e m e]

تفاحه ترى السالفه ماتسوى هاذي وحده مينوونه ماتدري شتسوي بعمرهه محتره منج لأن عندهه مسوؤليات و صيحه و تربيه و عوار راس و انتي خفيفه و مستانسه ويا ريلج

تلقينه كل يوم نجره ويا ريلهه و فيهه نقص تبي تحسس روحهه عندهه شي

انتي اعويي ايدهه لما تبطل حلجهه خلج وااثقه من روحج و استعبطي على راسهه عشان تحرينهه

لو انا منج اكشخ و استانس و اخذ الجو بالبيت بدال ما ابجي

عادي انا ياما ناس اشكرهه قطو علي حجي مره وحده تقولي ماعندج عيال ؟ تعالي قعدي يمي و انا اعلمج شلون تخلفين ( اهيا حامل على فكره)

رديت عليهه رد خلاهه تصك حلجهه وماقامت تحاجيني عقبهه

و اخاف صج عيالهه هاذول بيعيشوونهه ملكه و لا بيدخلوونهه الجنه من ورى تربيتهم


اي خير انشاء الله