قولولي ششسوووي

[R هوى روحي R]

السسسلام علييكم

بنااات انا حييل متضايقه ومالي بعد الله غيرركم
وابي نصايحكم
بقولكم السسالفه
بتارريخ 26 /2 جانا ضضيف لبيتنا وهالضيف لنا صله قرابه فيه وكان اهو وزوجي قراب من بعض شي ويسسون كل شي مع بعض

المهم قعدنا نسسولف وبين هالسوالف قال هالضيف لزوجي تبي اقولها شكنت تقول عنهااا الحين مسوي الزوج المثالي جدامها وجه زووجي اعتفس وتلوون وسويت نفسي عادي قلت له لاتحررج زوجي مالك شغله فيه
وانا شوي واموت قهر ماتوقعت زوجي يغلط علي من وراااي؟؟
بعدها بشوي قعد يسولف هالضيييف عن مغامراتهم قبل قال كنا ناكل بمطعم (.........) وكان اسم مركب وبدايته اسم بنت
قال ترا هالاسم مانعررفه وضحححححححك وزوجي طول القعده متوتر وجهه كل شوي يتلون
الي حررر قلبي لما قال زووجج قلبه خضضضر وهو جاهل شلون عاد الحين
الي قهرني زوجي ماكان يرقع او يسوي شي يبين قدري عنده واني مهمه بحياته
وانا كنت مسويه نفسي عاااااااادي
اول ماراح الضيف كنت بمووت وكارهه زوجي وسكت دشيت فراشي
قالي بتنامين
قلت اي تعبانه شوي
وبجييييت لين قلت بس طبعا اهو ماطق لي خبر
ثاني يوم قعد
وانا منسسحه بفراشي ماطلعت
قال ييلاا قومي بنروح
قلت اوكي
وقمت لبسست وركبنا السياره
قلت بروح لاهلي
قال لييه
قلت متجمعين عند اهلي وبروح لهمم
قال اوكي
طبعا وصلت لاهلي الساعه 8 بالليل وكان يوم 27 /2
عالساعه 10 طرشلي مسج
قال اجهززي
ولارديت
وارسسل ليش ماتردين واتصلت مرتين ولارديت
وبعدها ما سال
ويوم 28/2 ارسلي مسج الساعه 6 بالليل
قال زعلانه ولارديت
وبعدها ماسالني برجع بيتي ولاسال عن ولده
كانه ماصدق على الله
وانا احس حيييل متضايقه ولاتكلمت وياه احس تعبت واحس بأهانه كبييره
ولوسمحتم بدون تجريح لاني حيل متضايقه
انا حيل اهتم بزوجي وهالشي حيل ضايقني لانه مايهتم فيني وهذا ذابحي

تكفووون قولولي شسووي

اطنش ولا شسوي احس مخي قفل

 

[غراوي]

شوفي كبريها تكبر صغريها تصغر

انتي حيل كبرتي السالفه وبنفس الوقت ماناقشتي زوجج وخليتي الامر معلق ويمكن فيه ظلم
يمكن هالضيف كان يتغشمر ونوع غشمرته ثقيله
وبعدين انا ماشوف ان الضيف قال شي غلط كله اللي قاله كلام عادي تلميحات انا مافهمتها
لا سبج ولا قالج خانج

هدي الوضع لا تكبرين المشكله بعدين تصير زعله الواحد تري موناقص هم وحزن عشان يدوره دواره لنفسه

اذا حاسه ان كلام الضيف فيه شي غريب قولي لزوجج انا ماعجبني كلامه واكيد في شي انا ماعرفه وهدديه ان اذا في شي مو زين راح تقلبين الدنيا عليه(كنوع من التخويف)

وانتي تعرفين اذا زوجج صج شاريج او لا
وبعدين منو الحين ما يحش بمرته عند اعز ربعه او العكس منو ما تحش بزوجها عند اقرب صديقاتها
يعني معقوله انتي ماسبيتي بزوجج عند اختج او صديقتج بوقت زعل او ضيق

اطردي الشيطان اللي داش بينكم

 

[لمى الهاجري]

هالاشياء الي يقول الضيف عنها بالماضي الحين هو ريلج ويحبج والدليل يرسلج مسج ويمكن كان بيفهمج السالفة

 

[كنوشة 2009]

ما عندج سالفة المفروض بس يطلع صديق زوجج تفتحين الموضوع مع زوجج
والظاهر زوجج منحرج من الموقف اللي صار
وصديق زوجج ناوي يخرب بينكم عيل هذا كلام يقوله
ردي بيتج
وزوجج ما قصر دق اكثر من مرة

 

[شادن33]

مع اني مافهمت شقال الضيف وشنو يقصد
بس حبوبه لاتكبرين السااااالفه وردي بيتج

 

[الـفـجـر الـبـعـيـد]

انا قريت الموضوع مرتين عشان افهم وين المشكلة بالضبط ؟

بالنسبة للغلط ترى الرياييل بينهم وبين وبعض يقطون كلام
وبعضهم يغلطون على حريمهم جدام ربعهم يعني انا الريال اللي
ما تمشيني زوجتي ولا اهتم فيها ... عاااااااادي جدا ... طوفي
لا تاخذين الموضوع بحساسيه انتي جان فتحتي الموضوع معاه
بهدوء وتدلعتي وبينتي نفسج زعلانه وعاتبتيه ماله داعي اتهدين
بيتج ..

وبالنسبة للبنت ونعرفها وما نعرفها اتوقع عرفت المطعم اهو (لبناني)
على البحر صح ؟؟ وقلبه خضضر اغلب الريايييل عندهم مغامرات وسوالف
بنات هم شي طبيعي دام انه بالماضي بس على اللي يترك هالسوالف بعد الزواج
وفي اللي يستمر عليها الله يهديهم وشكله سوالفه بالماضي وانتي لا تنبشين خلاص
الحين هو لج بروحج مالج شغل شنو سوا قبل ....

وبالنسبة لاهتمامه هو طرش مسج وانتي مارديتي والرياييل ما يبينون اهتمامهم
وانه متشفق على زوجته جذي طبيعتهم ويخاف يقولون عن خفيف وسكانه مرته
تفكير غلط ادري بس هذول رياييلنا شنسوي ترى عندنا وعندج خير وعادي
متأقلمين

انتي دقي عليه وخليه ايي ياخذج وروحي معاه مطعم ولا مكان هادي وتناقشوا
بالموضوع وفهمي منه السالفه عدل ولا تكبرينها انتي كله سوالف وكلام
ما شفتيه يخونج بعينج وهذا رفيجه يبي يخرب بينكم محتر من علاقتكم فبعض

والله يوفقكم

 

[ạ7ạśêś ~]

تذكرت كلمه قالها لي اخوي قبل عرسي ( لا تششششوفين ماضي ريلج الانج مالج حق فيهً )
اول شي ماله داعي هل زعل هل ماضي مالج اي حق تحكمين عليه حتىـِ الانج ما كنتي فيه
ذكري الله ورجعي بيتج ووولا تقولين كلمه لـ ريلج ,ٍ.؟

 

[قلب حنان]

كبرتي الساالفه

 

[ام زهقانه]

ملام صار من زمن قبل لاتخذينه ونتهي

 

[همس الجروووح]

حبيبتي كل انساان بالدنياا له ماضي ومثل مقالت الأخت الي قبل شوي ماضي زوجج مآلج حق فيه وانتي مفروض تفاهمتي معاه وسالتيه هذا زوجج ولا تكبرين الموضوع انتي الي تخسرين الرجال مايخسر شي آنتي مقهوره وهو تلقينه ولا يدري عنج وهو متفشل من رفيجه فضحه يعني السالفة ماتترقع تعوذي من ابليس وتفاهمي معاه على طريقتج

 

[Patcholli]

هاذا الضيف مايستحى على ويهه وواضح انه نيته يخرب بيت زوجج ولا في واحد عاقل يتكلم بهالطريقه عن ارفيجه جدام مرته ؟؟
هاذا انسان مايخاف ربه وعقله ياهل
كبري عقلج ولاتزعلين على ماضي زوجج لو مايبيج ماخذاج حبيبتي
وثاني شي اهو دق عليج وسال عنج وانتي مارديتي عليه
فليش تقولين ماسأل عني ولا عن ولده
يعني شنو تبينه يبوس ريلج عشان تردين ولا يترجاج ؟؟
ترى اهو بالنهايه ريال وعيب يذل روحه ويترجاج ويلحقج مثل الياهل
عدل ولا لا؟؟

 

[كليـ دلعـ]

عااادي

سهالات

هونيهاا وتهوون

اذا بنوقف ع كل شي ماراح تمشي

انا كنت العن منج

ع كل حرف اوقف

الحين الله وكيلج

مناااعه تااامه

ولاكأن صار شي

 

[انثى عاشقة]

حبيبتي لو مكانك بس يخرج هالضيف ثقيل الدم
اصارح زوجي واقعد افهم عن النغزات الي قطها صاحبه !!!
مافي احلى ولا افضل من الصراحة في الحياة الزوجية ..
​

 

[اسطوووره]

ضيفكم الصراحه يبيله شلوط يطيره المريخ
يشيخه اكره الناس اللي تخفف دمها بالطريقه هادي وجججججججع
وانتي التانيه ترا ما وراك سالفه قوليلي ليش
اولا زوجك الله يعينه كان بموقف سيء جدا وهو اللي كان محتاج انكي تساندينه قدام السخيف ضيفكم
وبعدين ابفهم ايش اللي بكاكي بفراشك عسا ما شر؟؟؟؟
السالفه قديمه وقبل لا ياخذكي وخلصنا لا يكون كان ببالك ان زوجك قبل الزواج كان مسكر بكرتون
كبري مخك ولا تخربي حياتك بسبب هايف زي كده كلمي زوجك واذا بقلبك شي صارحيه
موفقه حبيبتي وطمنينا عليكي

 

[Gifts&Occaions]

الله يعينج

 

[لمى الهاجري]

اب اب

 

[ام سعيد 5]

بنات لا تلوموها والله صعبه على الحرمه تسمع ان اغلى الناس تكلم من وراها والله اني حاسه فيها وحبيبتي ارجعي بيتج وتفاهمي وياه والله يسعدكم والضيف الله يسامحه