قولولي شنو اسوي ويرجعون

[نظراتي دواك]

السلام عليكم بنات كويتيات المتزوجات والبنوتات

وربي صار لي يومين طفشانه وملانه

قبل يومين جاو ناس بيخطبون لولدهم وجاو علشان يشوفوني
والولد والعيله والاهل كلهم ماشاء الله ماينعابون وانا واهلي بجد عجبونا وتمنيناهم

والان خايفه انهم مايرجعون لانهم طلعو بدون مايقولون اي شي
بالرغم من انهم يعرفون امي واختي وقعدو طول الجلسه سوالف وضحك وماخذين راحتهم بس ماتكلمو عن الموضوع

قولو لي منو مرت بهالموقف ودعت بدعاء وشنو سووت بالضبط ورجعو وخطبو

ساعدوني بجد قلبي تعلق فيهم وفي مواصفات ولدهم

لا تخلوني ردو علي​

 

[سكوتي بذوقي]

وعليكم السلام ورحمة الله وبركاته

هلا بك اختي

كل شي قسمه ونصيب

إذا كان من نصيبك راح يتممون كل شي

مو نصيبك إن شاء الله ربي يكتب لك اللي احسن منه

موفقه يارب

 

[نوانيات]

استغفري

طول وقتك استغفري

وباذن الله ربي بيعطيك مرادك

 

[ELFAD3Ah]

حبيبتي عادي انا اول مره شافوني اكشتو بسالفتي وقعدو يتكلمون عن السفر والسياحه والماركات

وبعدها دقو ويو واتفقنا على كل شي

لا تحاتين الله يسهل عليج

 

[ماني من الناس]

ادعي بصلاه الليل ان الله يكتب لج اللي فيه الخير والصلاح

ماتدرين الخير وين الله اعلم

 

[shak!shoka]

الله يكتبلج النصيب الزين الي فيه الخير


لا تفكرين بالموضوع وايد
هاذي ارزاق الله كاتبها

واذا الله كاتبه لج بتاخذينه

 

[نعوووووومه]

اذا من نصيبج بتاخذينه واذا مو من نصيبج ماراح تاخذينه:
الله يقدملج اللي فيه الخير

 

[مكتومه]

الله يكتب لك الى فيه الخير

بس حطي بالك ان هذا الشي قسمه ونصيب ؟؟ يا تصيب ياتخيب

موشرط اذا شفتي اي احد بيشوفك قلتي خلاص لازم يكون من نصيبي وتعلقين قلبك وعقلك .. ويصير شغلك الشاغل
لا مثل ما انتي لج راي هم ..اهل الى شافوك بعد لهم راي ..
وما تدرين وين الصالح
يعني الزبده.. مو شرط اي احد يشوفك تتعلقين فيه خلى نفسيتك مهيئه لكل الظروف
سواء القبول او الرفض لمصلحتك

ومالك الا الدعاء .. ​

 

[صديقت قوقل]

1/ صلي اخر الليل (تهجدي)
2/ اكثري الاستغفار
3/ كرري هالدعاء(ربي اني لما انزلت الي من خير فقير)


وبشرينا باذن الله

 

[قديت امي]

شوفي ع الساعه 12ونص الظهر ادعي وبعد الفجر افضل الاوقات

 

[Patcholli]

مالج الا الدعاء ان ربج يجعله من نصيبج بس مابيدج شي ثاني

 

[حبيبي مالكني]

الي الله كاتبه بيصير ان شاء الله
انتي ادعي ربج بلي بخاطرج
بس حبيبتي اذا ما صار نصيب لاتزعلين
الخيره فيما اختاره الله

 

[nour el denya]

حبيبتي كل شي الله يكتبه فيه الخير لج أما بالدنيا أو بالاخره
نطري شوي عليهم يمكن الولد يبي يصلي أستخاره و بعدين يعطونكم الخبر

أعرف بنت شافوها و ماعجبت الولد و عقب كم شهر رجع لها

 

[(*ام عهــــد *)]

الله يكتب اللي فيه الخير

 

[لمى الهاجري]

استغفري بعد كل صلاة 200 مرة بنية الزواج

 

[om MaRyooM]

دعاء تيسير الزواج
وتكونين مقتنعة باللي ربج كاتبه

 

[ماركة انثى‘]

كـــــــــل شـــــي قــــســــمه ونـــصــــيب حــــــبــــــــوبـــــــةة

 

[fast]

بنات انتو تتعاملون مع الله معاملة التجار

يعني بس اذا بغيتو شي معين تقرون قرآن او تستغفرون

فكرو فيها شوي

والشغله الثانيه

حبيتي صاحبة الموضوع

واذا ما ردو شنو يعني؟؟

ما في غيرهم ؟؟؟

صراحه حبيبتي مو اخر الدنيا اذا ما تزوجتي

ترى الدنيا مو بس ريل وعيال

ولا تنسين ترا هذا كله ماله فايده في الاخره

يوم لا ينفع مال ولا بنون

 

[نظراتي دواك]

مشكورين كل اللي ردو وربي خففتو علي

وادري انو الدنيا موكلها زواج وعيال وكل شي قسمه ونصيب
بس لما اقول لكم انا عمري 32 سنه وربي طول هالسنين وانا ادعي بمواصفات معينه لزوج المستقبل
وكل المواصفات اللي بغيتها ودعيت فيها موجوده في هالشخص
وبمجرد انهم قالو راح يجون خلاص حطيت ايدي بمويه بارده انو هذا نصيبي لانه كل شي ابيه فيه
بس تفاجئت انهم ماتكلمو في شي ابد سولفو وضحكو وطولو حتى بقعدتهم وبس قالو مع السلامه وطلعو

واللي قصدته بموضوعي ابيكم تنصحوني شنو اسوي علشان يرجعون اذا دعاء ولا تسبيحات معينه اسويها
واذا وحده مرت بنفس هالموقف ورجعو تطمني وبس
وتسلموون كلكم على ردودكم الحلوه

 

[قــل مـا تـشـاء]

الأدعيه والأعمال اللي كنتي تدعين الله بها قبل مايتقدمون لج استمري عليها
لآتقطعينها والله كريييم .,, ان شااء الله يكون من نصيبج وادعي الله في كل صلاة انه يتمم الموضوع على خييير
وان شااء الله قريب نقرا موضوع انج ملجتي عليه .,,