قولولي فهمونـــي منــو يردلــه لـــي ؟؟

[الصبر مفتاح]

منو يردلـه لي

قلبي محترق والله

تعبت والله العضيم

ابوي آه يابوي

شنو اسوي بقلبي

ادش اتسبح اتذكره والله العضيم اتصك الدنيا فيني

ماطلعت الا ويهي اصفر واذوني مسدوده اتمسك باليدران لولا امي يابت لي عصير

انسدحت على القنفه اغمض عيني واتمنى ماتغمض

افتح الثلاجه ابي اكل شي والله نفسي مسدوده

اشوف ويهي بالمنظره مو انا

اشوف عيوني ذابله امي تقولي شفيج ذبلانه

شنو اقول لها

من يومين وانا فاقده ابوي مو قادره خلاص والله

يارب يتولاني برحمتـه

ابجي والبجي وايد يأثر يفني ماقدر اتكلم وانزوي

ساعات اقول ليتج يمه مايبتيني

استغفر الله

صرت من كثر مااخش عليهم تعبت واهما تعبوا مني

اذا انزويت وماحجيت احد يعرفون اني خلاص موصله حدي

ولهااانه عليه

رحت غرفة امي ادور اي شي يذكرني فيه مافيــه

صوره خاشينهم عني

والفيديو حاطينه بدار اخوي

كل هذا عشان مااشوف له فيديو

دعولي الله يفرج لي

لعل بدعوة وحده منكم الله يردلي شويه من حياتي الطبيعيه انا تعبت والله تعبت

 

[ياغفور اغفر لي]

الله يرحمه ويغفر له ويغفر لجميع امواتنا المسلمين والمسلمات يارب


حبيبتي هذي سنه الحياة ناس تموت وناس تولد

انا قبلج اموت في ابوي لدرجة اذا سافر دورة او انتداب اموت بجي كنت مجنونه في ابوي

يوم توفى الله يرحمه اول الايام تعبت حيل بس مع مرور الوقت نسيت وصرت ادعي له اتصدق له اذكره بالخير بس

وترا الانسان ماسموه انسان الا لانه نساي والايام كفيله بهالشي *

 

[سحـورة]

آااخ متوفي ؟
ري يرحمه و يتغمد رووحه الجنه قلبي عورني عليج ..
كلنا مردنا للتراب و كلنا بنموت
الله يجمعكم فالجنه ،


ربي يصبرج .. و يشرح صدرج ،

 

[ღسلڨاناღ]

الله يرحمه ويغمـــــــــــــــــد روحه الجنه
اللهم إجعل في قبره الضياء والنور,والفسحة والسرور,والكرامة , والحبور,والمسك والكافور,


والولدان والحور,إنقله اللهم من ضيق اللحود والقبورإلى سعة الدور والقصور,في سدرمخضود


,وطلح منضود,وظل ممدود,وماء مسكوب, وفاكهة كثيره لامقطوعة ولا ممنوعه, وفرش مرفوعه


مع الذين أنعمت عليهم من النبيين والصديقين والشهداء والصالحين وحسن أولئك رفيقا..


ذلك الفضل من الله وكفى بالله عليما..

حبيبتي عن تجربه لما فقدت انسان غالي على قلبي ما خفف علي الا قراءة القرآن والدعاء له وكلما تذكرتي فتحي القرآن واقراي وادعي له ,,,!!!​

 

[NEW WOMEN]

ربي يصبرج ويصبرنا كلنا تعبانين

 

[نهايتنا قبر و موت]

عظم الله اجرج
ربي يـ صبرج و يـ قوي قلبج
هذي الدنيا اليوم اهم باجر احنا
تصصبري حبيبتي واحتسبي الاجر ان شاء الله

وهم تصبري عشان امويمتج , عسى الله يغمد روحه الجنه

 

[عبالي حبيبي]

الله يرحمه ويجبر بخواطركم

ويصبركم يارب

 

[[ نور عيني ]]

قطعتي قلبي
وربي غصتني العبره
الله يرحمه يااا رب
و مثواه الجنه ولقااائج فيه الجنه لا تنسينه من الدعاء والصدقه وكل ما طرى عليج استغفري له
و قومي الليل عشانه واختمي القران لج وله ..
واهم شي النيه ..
الله يرحمه

 

[Queenleo]

حبيبتي هذه الدنيا
حب من شأت فإنك مفارقه
بس اشتغلي اللحين عالاخره عشان ربج يجمعج معاه بجنات النعسم خالدين مخلدين
عديها فتره ووقت بيعدي كلها ايام تركض ماراح توقف
وبتجتمعين معاه مره ثانيه ان شاء الله
كثري من الدعاء له ووالصدقات
عشان يصب بميزان حسناته
وقولي اللهم اجرني في مصيبتي واخلفني خيرا منها
الحزن شيء طبيعي بس الاعتراض على قدر الله مذمووم
والله يصبرج وويرحم حالج ويرحم ابوج

 

[مدام فراوله]

الله يربط على قلبج

 

[بنت الأجوااد]

حبيبتى الله يصبرج

اقسم بالله انى حسيت فيج الله يصبرج ويعطيج القوة والصبر

لا اله الا الله

 

[ام كوثر2007]

هم السابقون ونحن اللااحقون .

عظم اجرج حبيبتي وعسى الله يصبرج ان شاءالله .

 

[قمر كويتي]

حبيبتي الله يرحمه ويغفر له اذا صج تحبينه تصدقي عنه وادعيله انا مريت بنفس الظروف والله ادري انها حييييييييييييل صعبه الابوي غالي غالي غالي محد يعوض مكانه سبحانه الله بس بعد شهر شهرين انا الحين صارله سنتين وشوي كل ما احد زعلني ابجي واقول وينك يايبه وينك لان الله يرحمه كان حنون وطيب وماكو منه والله بس هذي الدنيا كلنا رايحين ولاتنسين الصدقه حقه وادعيله بصلاتج كل يوم لاتنسينه والله يصبر قلبج يارب ويغفر له ويرحمه ويرحمنا يارب

 

[brettey]

حاسه فيج لان مريت بنفس وضعج بالضبط بقيت استخف بس حبيبتي مع الوقت بتتناسين ادعي ان الله يمسح على قلبج كل صدقه تطلعينها انويها عنه
عسى مثوى ابوج وابوي الجنه
الله يجمعنا فيهم في جناته
الله يصبرج ويعينج امج بحاجتج لاتنهارين جدامها حبيبتي

 

[دلع العتبان]

عسى الله يرحمه رحمه واسعه ويدخله جنات عدن من غير حساب ولا عذذاب انتي بنته ادعيله وكلنا ماشيين بهطريق وهالفتره وتعدي معروفه حبيبتي وبعدين راح تنسين مع الايام والشيطان يكبر لج المصيبه كل شي يبدا كبير وينتهي صغير وباذن الله غدى الشر الموت حق وكلنا ماشيين فيه والمؤمن مايقول منو يرده لي بل يقول الحمدالله على كل حال وانا لله وانا اليه راجعون

توكلي على الله وصلي كل ماتضايقتي وقولي يارب ارحمهما كما ربياني صغيرا


عسى الله يمسح على قلبج حبيبتي

 

[هنووفوو]

حياتي عورتي قلبي والله

شنسوي هذا الطريج كلنا ماشين فيه
وادري لو شنو نقولج ونواسيج مراح تقدريم تنسين

بس مع الايام راح تتعودين وتتأقلمين مع الوضع

كثري من الاستغفار وحافظي ع قيام الليل
وابوج الحين مومحتاج منج الا الدعاء والصدقه

تصدقي له بين فتره وفتره
راح تحسين برااااحه صدقيني


الله يرحمه ويغفرله ويسكنه فسيح جناته
والله يفرجها عليج يارب

 

[Diana *]

إنا لله و إنا إليه راجعون





الله يرحمه و يصبركم​

 

[Unusual]

الله يرحمه ويجعله في الفردووس الأعلى ..
حبيبتي ابوك اللحين محتاج منك تدعيله ،، وتتصدقين عنه ..

اتقربي من ربك .. هو اللي قادر يبدل الحال ويشرح البال ..
واااتذكري ان الدنيا دار فناااء ومحد باقي الا وجهه ..
اعملي لأخرتك لأجل ربي يجمعك فيه بالجنة ..

ووواتأكدي ان مافيه احد بهالدنيا الا ما فقد عزيز ..
ان شاااءالله ربي يربط ع قلبك ويهونها عليك ..
اصبري ياقلبي واتذكري هالوعد اللي وعدنا فيه رب العالمين :-
(( انما يوفى الصابرون اجرهم بغير حساب ))
دعواااتي لك ..

 

[متيمة بالشعر]

الله يرحمه ويسكنه فسيح جناته ...


تصبري حبيبتي .. تصبري

مالج الا الدعاء له اذكريه بالدعاء

و دموعج ما تقدرين تخشينها ولا احد يقدر يطلب منج ما تبجين ... لان هالشي مو بيدج

بس ادعي له وظلي ادعي طول الوقت .. وعسى الله يرحمه ويستجيب دعواتج ...


انا لله وانا اليه راجعون ...

 

[عاشقة الاسلام]

ذكرتني ببوي ودمعت عيوني ماراح اقول انسيه لانج مستحيل راح تنسينه
الله يرحمه برحمته ويغمد روحه الجنه انشاءالله
والله يخفف عليج يارب