قولي لنا شلون طريقتك في التحدث عن همومك؟؟؟

[lavander]

]السلامـ عليكمـ ورحمة الله وبركاته
ماهوا سر كتماننا للهموم
لكل انسان حزن في حياته لكن هذا الحزن هل يبقى فيك ام انت فيه؟؟
لكم اود ان اقرأ و جهات نظركم بما سأطرحه هنا بين احضان موضوعي
نلاحظ الكثير من الناس يعيشون في مستنقع ( حزن ) لا يخلوا من ألم و هموم وحسرات ..
لكنهم لا يبوحون بتلك الهموم لاي شخص كان ! فنلاحظ ذاك الحزن على قسمات وجهه احيانا ..
اما النوع الآخر .. فنلاحظهم .. يبطنون غير ما يظهرون فيكون قلبهم محطم اشد تحطيم لكن .. لا يظهر من ذاك الحزن شي حتى على
وجوههم !
والنوع الاخير .. هم من يبوحون بما في صدورهم ليشتكوا للناس المقربيين و يفضفضوا عما في القلوب ..
فأي نوعِ من الاشخاص انتى ؟
أرغب رؤية المشاركات المتميزة وفي النهاية نستفيد من خبرات بعضنا البعض لعلك برأيك أو مشاركتك تغسلين بعضا من هموم قلوب أخواتنا أو تطورين لديها التنفيس عن همومها بطريقه ايجابية....
انتظركم حبوباااااااااااااااااااااااااااااااااااااااااااااااااااات​

 

[DeCToOoRa]

نلاحظ الكثير من الناس يعيشون في مستنقع ( حزن ) لا يخلوا من ألم و هموم وحسرات ..
لكنهم لا يبوحون بتلك الهموم لاي شخص كان ! فنلاحظ ذاك الحزن على قسمات وجهه احيانا ..


"
"
"

انا هالنوووع ,,

مااتكلم ,, ومااحب اشتكي حق احد ,, بس الي يشوفني يعرف اني متضايقه ,,

وبس يقولولي اشفيج ,, علطول ابجي ,, بس هم مااتكلم ,, اقول مافيني شي ,,

 

[!! الواصليّـــــة !!]

والله مادري!!

بس انا اكتم احزاني وان صار عندي زحمه اكب الأوجاع بأوراقي !! <<< دايم عندي زحمه

 

[DLOOLA]

البجي بصراحه يريح.. حتى لو ما تشتكين انا ماحب اشتكي حق احد كلش اكل بروحي وابجي

 

[شقرديه]

انا ما احب اشكي لاحد خصوصا واجهت ضروف صعبه ابي اكتمها بقلبي احيانا احس ان الشكوه لغير الله مذله ودايما" اقوووووووول يا رب اذا تضايقت والبجي يبعد يريح ..........................



ميرسي واااايد على الموضوع

 

[سنـــــا]

والله على حسب الهم والحزن في أشياء مابي اقولها لامي او اختي عشان مايتضايقون فأكتمها بنفسي وهالشي قليل ,,,

وساعات الكلام والفضفضه وهذا اكثر شي يريحني ,,,اما البجي فما اوصله الا كون منقهـــــــره ومحتره وحاسه بالظلم

اسأل الله العافيه لي ولكم

 

[فووشيه]

والنوع الاخير .. هم من يبوحون بما في صدورهم ليشتكوا للناس المقربيين و يفضفضوا عما في القلوب ..


بس مو كل همومي بعضهم انا اخشهم بقلبي و اريح عمري بالبجي

 

[bint_looda]

اغلب الاوقات اتحلطم بروحي وابجي لوووووول .. او مثلا ادش مسنجر او ادق تلفون مع احد قريب واسولف عادي بشي بعيييييد عن المشكله الي صارلتلي بس احس براحه غريبه !!
وساعات اذا السالفه استدعت اني افضفض فراح تلقيني من النوع الاخير .. هم من يبوحون بما في صدورهم ليشتكوا للناس المقربيين و يفضفضوا عما في القلوب .. وشكرا

 

[اموله الفنانه]

بسلموووووووووووووووووووووووووووووووووووووووووووووووووووووووووووووووووووووووووووووووووووا

 

[فراشه ذهبيه]

كنت من النوع الاخير افضفض واشكي همومي لرفايجي اهما ثنتين واهما نفس شي احنا مع بعض من صغرنا لكن الحين اكتمها بقلبي وابجي لما اكون بروحي .............وما ابين ضيقتي للي جدامي حتى لو كان اهو السبب ...بس انا يبين علي من عيوني ...........بس نصيحه لاتعودين انج تشكين همج لاحد ثاني لان بيجي يوم ما راح تلاقينه قريب منج

 

[اموولة]

دايما احط اعذار للناس مثلا

حامل وحساسة0مرة كبيرة بالسن0صغيرة وتوها موفاهمة الامور0ماتعرفني عدل

على فكرة هذا سري الخطير ماكلم احد عنه حتى اقرب الناس لي التفكير هذا خلاني استوعب هموم مايطيقها بشر

 

[غزلان]

كلام حلووو
انا دش غرفتي واقعد ابجي لييييين اقول بس
ماعندي غير هالطريقه اقدر اعبر فيها عن همومي
ماقدر اشكي لحد لان الناس الحين ينفرون من الي يتشكى ويقعدون يتحلطمون وانه الي فيهم كافيهم وانج تاثرين على حياتهم بتشكيج لهم
فا محد يتحمل همومي غير نفسي

 

[Ostatha_E79]

انا من الاشخاص الي تحب تسمع ولا تتكلم...عشان جذي لمن افضض احب اتكلم و احد يسمعني دون ابداء الراي او النصايح..هالامر جدا يزعجني...انا ما اتكلم ابي حل الا اذا طلبته حرفي..انا اسولف و اقضض عشان انسمع بس

 

[القلوب الساهيه]

انا بس ابجي وعقبهاا ارتاح

 

[%عسولة الحلوة%]

نلاحظ الكثير من الناس يعيشون في مستنقع ( حزن ) لا يخلوا من ألم و هموم وحسرات ..
لكنهم لا يبوحون بتلك الهموم لاي شخص كان ! فنلاحظ ذاك الحزن على قسمات وجهه احيانا ..


"
"
"

انا هالنوووع ,,

مااتكلم ,, ومااحب اشتكي حق احد ,, بس الي يشوفني يعرف اني متضايقه ,,

وبس يقولولي اشفيج ,, علطول ابجي ,, بس هم مااتكلم ,, اقول مافيني شي ,,

نفسج بالضبططططططططططططططططططط