كارثه الجهراء

[شمس الكويت85]

بسم الله الرحمن الرحيم

اول شي احب اعزي اهل الجهراء بهاذي الكارثه الفضيعه

وثاني شي ابي الكل اشارك ويعطي رايه بهاذي الكارثه ولو انتي في مكان الزوجه الاولى شراح اتسوين هل الي سوته صح؟؟

وابي مشاركتكم وشكرا



:0bee2e8d89::0bee2e8d89::0bee2e8d89::0bee2e8d89::0bee2e8d89:




انا احب ابدي واشارك


اول شي الي سوته الكل متفق انه غلط بس والله هم الواحد من القهر يتصرف غلط كل وحده اتحط نفسها بمكانها توج طالعه من لنفاس بدال لا يكون الزوج ملهوف على زوجته وييب لها هديه يتزوج عليها واتشوف الاهل كلهم فرحانين بزواج زوجها واهما من نفس العايله والله شي افجر القلب وخلي الواحد يتصرف بخبال
بس هم المفروض لو شنو ما كان ماتسوي شي جنوني الي تعمد اذيتها وقهرها الله حسيبه والدنيا اتدور المفروض اتخلي ربها يا خذ حقها من كل من تسبب بزواج زوجها عليها ويتسبب بخراب بيتها مو بالجرم الي سوته

 

[fdeetni]

الصراحه هالكارثه هزت الكويت هزززز
والله مايندرا على حسب
يعني يقولون انها توها طالعه من النفاس واللي توه طالع معرض للجنووون
ويقولووون ان اهل المعرس كانو ميننينها ومعيشينها بضغط نفسي
ان راح نخليه يتزوج عليج ونذبحج من القهر
بعد ماتدرين لحد يحط بذمته لما يبين بالتحقيق كل شي
وبعدين اهي للحين صغيره مو تقولين كبيره وفاهمه كل شي
انا ما ادافع عنها والله
وبالعكس اللي صار مو شويه والله اني للحين مو نايمه بس ابحث بهالموضووووع
بس الله يجازيها
وحق اياحد ماراح يضيع مدامه عند الله

 

[@ام ضاري@]

حسبي الله ونعم الوكيل

 

[اميره كويتيه]

اكيد مو حل اللي اهي سوته غلط الناس شنو ذنبهم والواحد مايقول الا حسبي الله ونعم الوكيل

 

[zain q8]

والله اللي سوته مو شويه ضيعت ناااس وايد لاتقولين قاهرينها وله مسوين لها
هذا الشي مايسوي اله شياااااااااطاااااان واعوذ بالله منها
وتزوج وماله داعي تسوي حتى ربع الشي هذا اللي سمعت انها تقول انا مو قصدي الكارثه قصدج وله مو قصدج هذا تفكير شيطان مو مره
اسمحولي على الكلام بس اللي صار مشويه ضيعت ابنات واموهات ويتمة اطفال بس ما اقول اله الله يكفين شر الاشكال هذي والله يستر علينا ويصبر اهل الضحااايه

 

[عادي من قلبي أشيلك]

اللهم عافنا بما ابتلاهم

والله يرحمهم ان شاءالله

بس بنات انا سمعت ان البنت صغييره واكيد من الحره سوت كل هذا بس من الجهاله اللي فيها مافكرت بالنتيجه
والله يعينهم على ماابتلاهم

 

[BiiShOoO]

الصرااحة الصرااحة حتى لو اهيا صغيييرة تظل مجرمة

و بعدين هذا مو تفكييييير وحده ياهل اذا بتنتقم من ريلها جذي سوت عيل لو اي احد ثاني شبتسوي؟؟


حسبي الله و نعم الوكيل


الله يعينها شلون بتنام و شايلة ذنب ناس ماتو بلا سبب و ذنبهم برقبتها و اتمن اتمنى يجازونها باقرب وقت ممكن لانه محد راح يخليها لا اهلها و لا اهل الي ماتو


الله يرحمهم ان شاء الله

 

[chakletaA]

عساها للسل والمرض
العاجل ما تسوي جذي
افكر وتالي ادبر خطه للزوج
البنت مريضه نفسيه وفيها عرج صعيدي
لاحول ولاقوه الا بالله ايمانها ضعيف
افكارها سوده الله يعينهاا على نفسها
يالله نصبح الصبح ونلقى الحياة حلوه وسعيده
والا شكالها واااااجد يالله تحفظ هالديره من كل مكروه

 

[@أحلاهم وأتحداهم@]

والله تبين الصراح لو شنو كانت الاسباب قويه ماتذبح الناس والله حرام جم وحده حامل ماتت وجم ام وبناتها ماتو وخوات وعمات
والاهم اليهال والله حرام هذول شنو ذنبهم وشنوذنب الناس حسبي الله ونعم الوكيل
والله شي موطبيعي الي صار هذي سوت مصيبه
واليوم قالو بالاخبار انه تعرضت لاذا جسدي من ريلها
بس في شي انا موفاهمته ليلحين اشلون اقدرت اتسوي كل هذا ابروحه اكيد في احد ساعده انا ليلحين مو فاهمه

 

[القطانيه]

يويلها من الله

 

[meen_ana]

مايندري شنو الصج ناس يقولون مطلقها وناس تقول بالنفااس بعده مابين الخبر الاكيد

 

[ابلة رسم كتكوته]

لاحول ولا قوة الا بالله العلي العظيم
اهي طليقته قالو بالاخبار
وما معاها احد بروحها
شنو يبي لها النار
بانزين صبته داير ما دار الخيمه وجبريت
وبروحها النار تسري
الله يرحمهم ويصبر اهله على هالمصيبه

 

[محاميه قريبا]

حسبي الله عليها
41ماتوا علشان اهي محتره من ريلها والله حرام عليها

 

[يارونه]

ارجو حذف الموضوع الموضوع الحريم مو ناقصين احد يشيشهم اتقو الله في انفسكم خافو الله حــــــــــــــــذف

 

[فـلـفـلـهـ]

لا حول ولا قوة الا بالله العلي العظيم

اللهم عافنا فيما ابتلاهم ..

 

[كنفاني]

حسبي الله ونعم الوكيل عليها
والله قلبي يعورني عليهم والدنيا ضايجه فيني
صج الدنيا ماتسوى كل ما الواحد يسمع شصار بالمساكين وشنو قالت روحهم وهم يحترقون
الله يصبر قلوب اهاليهم ويقوم الباجي بالسلامه انشالله
وحسبي الله ونعم الوكيل عليها

 

[شوق الجوري]

أبي أعرف شنو هالرجال ألي عشانة أخسر دنياي واخرتي وأيتم عيال بوجة رمضان وأحرمهم من أمهاتهم وأحرم بنات بعمر الزهور من حياتهم
شنو هالرجال ألي عشانة أدش السجن وأفضح أهلي
شنو هالرجال ألي عشانة أحرم عيالي مني وأخليهم يعيشون حاطين راسهم بالارض
والله لوانة ملاك
ألي ما يبيني ما أبيه

 

[أم منيـرة]

حسبي الله عليها ،
والله ودي ادعي عليها ..!
واللي يقولون بالنفاس ؟! ومحتره هم هذا مو مبرر !
واللي يقولون صغيره ..؟؟!!
الحين بهالزمن مافيه وحده صغيررره جاهل أبو 10 سنين مبلتع وكل شيء يعرفه ..!
وهذي مره شكبرها وعقلها براسها عمرها 22 ..!!
إذا هذي صغيره أجل الي المراهقين مواليد عندكم ؟؟؟؟؟؟!!

،

ما اقول الا حسبي الله ونعم الوكيل فيهااا ،
وترا الرجال مو كل شيء بالدنياا ..!
اذا هي ماعرفته الا لما تزوجت ؟!
متخلفه وربي ،

شكـرآ ع الموضوع

 

[امواج الكويت]

حسبي الله فيها على اللي سوته بخلق الله حسبي الله عليها ونعم الوكيل

 

[maraiem]

اختي اسمحيلي بس موضوعج ماله لزمه .. وسؤالج جوابه واضح .. واللي تقول ان اللي سوته هالمره صح .. .؟؟ هذي مو انسانه .. مو بشر ... وما اتوقع لها ويه تكتب ان اي .. اللي سوته هالمره صح

ورجااء حاااااااااار .. لحد يكتب ان اللي سوته هالمره غلط بس ............. كلمة (بس) هذي معناته انج تتعذرين لها باللي صار

لا حول ولا قوة الا بالله العلي العظيم ... الناس ما قمت تخاف الله .. ولا قامت تستحي

تقبلي مروري وشكرا