كافيه بزه أصالة الماضي وعراقة الحاضر

[أم حسون]

قوه حبايبي شخباركم..هالمطعم كان ودي اجربه وفعلا رحتله ريوق مع امي الله يخليها لي وماشالله كان فل زحممممه انا رحت اللي يم محل كراميل ببنيدر القار..

الديكورات قديمه بس بشكل حديث وشغلات قديييمه مادري من وين مطلعينها ياحلو تراث ديرتي والله

قمت اجكجك بالفون على مايوصل الطلب

راديو اهل قبل

وهذا الاوتي

ووصل النم نم يمييي
هذا اتوقع اسمه كان ريوق دسماان وكان فيه بقصم ولسان الثور وجاي نسيت اصورهم

خبزه داخلها بيض بس ناشفه اتوقع لو يمسحونها بجبن قلاص او سلايس احلى

هذي ماعجبتني وايد


والحمدلله عالنعمه انصحكم بزيارته

 

[MissAppleQ8]

بالعافيه ام حسون

 

[اللهم الجنة]

بالعافيه ام حسون الاكل يشووق

 

[الغـــــزال]

عوااافي

ان شاءالله اجربه قريب

 

[دلوعة أبوهآ]

عليكم بالعافيه وآلله يحفظ لك آلوالده يآرب

 

[reem alflla]

عواااااافي

 

[كلنا عشاق لكن]

بالعافية ياقلبي
الصور تشوق للتجريب :rerrerek:
​

 

[Chay7aLeeB]

انا رحت على كثر مامدحوه بس الحمدالله عالنعمه ماعجبني شي غير السلطه ومسلسل درب الزلق

اوكي القعده نايس بس حق جاي قهوه حلو مو اكل اكل انا رحت لان الكل قالي احلة مشاوي ومالقيت المشاوي


عوافي

 

[زلابيا]

بالعافيه ام حسون

كله اروحله ريوق ولا مره جربته غدا او عشا

يعطيج العافيه عالتقرير ^_^

 

[أبلة فاتن]

صار له 4 فروع حاليا

بمحمع المهلب الدور اللي تحت ماخذينه بوسطه تمرين ريحة الاكل هههه
بالمجمع

وب كيفان مول

وبجمعية الشامية

وببنيد القار

مشاءالله بسرعه ربح وفتح له افرع كثيره

السيرفز مالهم اعطيه جيد واللي بالشاميه الكراسي اللي فوق

كله محجوز وماشوف احد يجي يقعد فيهم وينرفزون باردين وتقديمهم

موحلو بس الاكل حلو طبعا الشيف اكيد عارف شغله

بس الاداره المصريه والهنود صفر انا يهمني كثير التقديم

طبق برياني دجاج حلو

اخر مره خذيت كبد دجاج بدبس الرمان ريحتها زفره بس حلوه

واكلهم عموما كله حلو ويشوق

عليج بالعافيه حبوبه ​

 

[أحلى همبه كويتية]

عليك بالعافية ام حسون
وربي يخلي اميمتك لك


حركات وريوق شي شي


يسلمو على الموضوع الحلو


​

 

[حسن الخاتمة]

عليكم بالعافيه حبيبتي بس ممكن سؤال كم طلع عليكم وهل الشاي من ضمن طلبكم وفرع بنيد القار زحمه ولا عادي وضروري نحجز ولا نروح ونلاقي طاوله ومشكوره مقدما

 

[أبلة فاتن]

^^

حبوبه لا عادي مو حجز اساسا اهوا كافيه


وفي بنات اشوف يايبين لاب توبهم وقشهم وقاعدين


فرع بنيد مافيه زحمه الزحمه حزت الظهر اكثر شيء بالشاميه

وكيفان رحت له مافي احد بالليل


والمهلب بنص السوق شوي زحمه عليه


وشكرا​

 

[انت العمر كله]

عليك بالعافيه

 

[lovely jojo]

عوافي ام حسون

 

[زعفرانة_73]

هنى وعافيه عليكم انتى والوالده الله يحفظها​

 

[mngo67]

Se7a w 3afya om 7asoon

 

[فيّ العصر]

اي و الله اكلهم وايد حلووو

انا رحت له مع امي و خذيت برد مع قرص عقيلي كان روووووووووعة

و طلبت عصير بعد

 

[حسن الخاتمة]

مشكوره ابله فاتن على الرد وبأنتظار أم حسون ترد على استفساراتي

 

[* ليــــدي *]

عااافيه ..
ان شاءالله نروح له