Om Ali 86
New member
- إنضم
- 27 يوليو 2008
- المشاركات
- 913
- مستوى التفاعل
- 0
- النقاط
- 0
مرحبا بنات
مابي اطول عليكم ... انا شفت موضوع الاخت ام سلوم بطريقة عمل الكانالوني .. و تسلم ايدها
فحبيت احطلكم طريقة الكانالوني اللي انا على طول اسويها .. و انا ما اشتري الكانالوني جاهز لأ انا اسويها بروحي و طريقته وايد سهله و ألذ واااااايد من الجاهز
و هي عبارة عن 3 مكونات رئيسية اهيا : (( حشوة اللحم المفروم - عجينه الكانالوني - صلصه الباشاميل ))
1- اول نزهب اللحم المفروم بأن نحمس 3 ملاعق بصل الى ان يحمر - بعدين نضيف اللحم المفروم و ملعقه صغيره هيل ناعم ( عم الزفر ) و نقلب اللحم ليما ينشف الماي - نضيف البهارات ( فلفل اسود ناعم - كركم - دارسين - ليمون اسود ناعم - بهارات مخلوطه و ملح ) - ثم نضيف 1ونص علبة معجون طماط ( لكل اصبع لحم مفروم مجمد 1ونص معجون طماط )
** تقدرين تضيفين الصنوبر اذا تحبين .. و بعد تقدرين تضيفين ملعقتين من صلصه الباشاميل لحشوة اللحم عشان يعطيها شوي طراوله )
2- الحين نسوي عجينه الكانالوني و اهيا وايد سهله و مكوناتها :
2كوب حليب سائل + 1ونص كوب طحين + 3 بيضات + ملح و فلفل اسود ( قليل )
نخلطهم بالخلاط الكهربائي اي يدوي ( بالمجراخه )... انا افضل باليد لأنه بسرعه يختلط و يتجانس
بعدين نييب مقله تيفال و نحط شويه زيت ( مسحه ) و نسكب قليل من الخليط و نفرشه بالقله عشان يعطينا شكل دائري
و مجرد ما يحمر شوي نقلبه على الوجه الثاني و بعدين نحطه بصحن
(( طريقته تقريبا نفس طريقة عمل البان كيك ))
و نكرر العملية الى ان ننتهي من الخليط كله
و هالمقدار تقريبا يعطينا 14 شريحه كانالوني
و طبعا كل ما صغرت المقله راح تصغر الشرائح و يكثر عددها
3- صلصه الباشاميل : ما اتوقع ان مافي احد ما يعرفها .. بس راح احطها للتذكير
3 علب حليب سائل
4 ملاعق طحين
ربع اصبع زبده
بيضه
ملح + فلفل اسود
و اسهل طريقه للباشاميل انج تسيحين الزبده اول بعدين تحطين باقي المكونات كلها على بعد و تخلطينهم و اهما على نار هادئة الى ان يثخن القوام و يتماسك قليلا .
و الحين تييبين بايركس
و تحشين شرائح عجينة الكانالوني بحشوة اللحم المفروم ( تحطين الحشوة عالطرف و تلفينها مثل الرول )
و تصفينها بالبايركس
بعد ما تلفين كل الكمية ترشين الرولات بقليل من جبن الموزاريلا
و تصبين فوقه صلصة الباشاميل ( الافضل انها تكون مو ثقيله وايد )
و تدخلينها الفرن لمده نص ساعه من تحت و بعدين تفتحين عليه فوق ليما يتحمر
و صحه و عافيه عليكم ... بس نصيحه جربوها لأنها اطعم من الجاهز عن تجربة
_03BA:
و ادري قرقت عليكم وايد بس لما تقرون الطريقه راح تشوفون انها بسيطه
و عادي طوفوا البدليات .. نص الكلام عامي و النص الثاني لغه عربية :dddds:
مابي اطول عليكم ... انا شفت موضوع الاخت ام سلوم بطريقة عمل الكانالوني .. و تسلم ايدها
فحبيت احطلكم طريقة الكانالوني اللي انا على طول اسويها .. و انا ما اشتري الكانالوني جاهز لأ انا اسويها بروحي و طريقته وايد سهله و ألذ واااااايد من الجاهز
و هي عبارة عن 3 مكونات رئيسية اهيا : (( حشوة اللحم المفروم - عجينه الكانالوني - صلصه الباشاميل ))
1- اول نزهب اللحم المفروم بأن نحمس 3 ملاعق بصل الى ان يحمر - بعدين نضيف اللحم المفروم و ملعقه صغيره هيل ناعم ( عم الزفر ) و نقلب اللحم ليما ينشف الماي - نضيف البهارات ( فلفل اسود ناعم - كركم - دارسين - ليمون اسود ناعم - بهارات مخلوطه و ملح ) - ثم نضيف 1ونص علبة معجون طماط ( لكل اصبع لحم مفروم مجمد 1ونص معجون طماط )
** تقدرين تضيفين الصنوبر اذا تحبين .. و بعد تقدرين تضيفين ملعقتين من صلصه الباشاميل لحشوة اللحم عشان يعطيها شوي طراوله )
2- الحين نسوي عجينه الكانالوني و اهيا وايد سهله و مكوناتها :
2كوب حليب سائل + 1ونص كوب طحين + 3 بيضات + ملح و فلفل اسود ( قليل )
نخلطهم بالخلاط الكهربائي اي يدوي ( بالمجراخه )... انا افضل باليد لأنه بسرعه يختلط و يتجانس
بعدين نييب مقله تيفال و نحط شويه زيت ( مسحه ) و نسكب قليل من الخليط و نفرشه بالقله عشان يعطينا شكل دائري
و مجرد ما يحمر شوي نقلبه على الوجه الثاني و بعدين نحطه بصحن
(( طريقته تقريبا نفس طريقة عمل البان كيك ))
و نكرر العملية الى ان ننتهي من الخليط كله
و هالمقدار تقريبا يعطينا 14 شريحه كانالوني
و طبعا كل ما صغرت المقله راح تصغر الشرائح و يكثر عددها
3- صلصه الباشاميل : ما اتوقع ان مافي احد ما يعرفها .. بس راح احطها للتذكير
3 علب حليب سائل
4 ملاعق طحين
ربع اصبع زبده
بيضه
ملح + فلفل اسود
و اسهل طريقه للباشاميل انج تسيحين الزبده اول بعدين تحطين باقي المكونات كلها على بعد و تخلطينهم و اهما على نار هادئة الى ان يثخن القوام و يتماسك قليلا .
و الحين تييبين بايركس
و تحشين شرائح عجينة الكانالوني بحشوة اللحم المفروم ( تحطين الحشوة عالطرف و تلفينها مثل الرول )
و تصفينها بالبايركس
بعد ما تلفين كل الكمية ترشين الرولات بقليل من جبن الموزاريلا
و تصبين فوقه صلصة الباشاميل ( الافضل انها تكون مو ثقيله وايد )
و تدخلينها الفرن لمده نص ساعه من تحت و بعدين تفتحين عليه فوق ليما يتحمر
و صحه و عافيه عليكم ... بس نصيحه جربوها لأنها اطعم من الجاهز عن تجربة
_03BA:و ادري قرقت عليكم وايد بس لما تقرون الطريقه راح تشوفون انها بسيطه
و عادي طوفوا البدليات .. نص الكلام عامي و النص الثاني لغه عربية :dddds:
التعديل الأخير:
