كان خائن ومغازلجي عقبها تغيير

[Reelax]

قووووووه بنات
اخباركم.
اممم. موضوعي مو غريب ع هالقسم كالعادة عن خيانة الزوووووج.


بس من امس قاعده افكررر بموقف الزوجه لما
تكتشف خيانته. انا من فترررره نزلت موضوع عن خيانة زوووجي مع اني كنت احبه. واحب اكون بيت وأسره وايييب ييهااال. بس ماقدرت اتحمل احسها اهانه لكرامتي. مع انه ماكان يبي الطلاق وقال نزوه بس مصخهههها
المهممممم. ان وحده من رفيجاتي تطلقت من سنه بسبة خيانة زوجها.
ووحده ثانيه من رفيجاتي ماصار لها 3 شهور متزوجه وتحب زوجها هم اكتشفت مكالمات مع بناااات. وتبي نصيحتي علي اني ماتحملت زوجي وطلبت الطلاق بس ماحبيت اشيشها ولا ابيها تتطلق قلت لها تطنششش وتدعي له هذا اللي اقدر اقوله لها
الصدمه الثانيه. ان هم وحده من رفيجاتي ارسلت لي بالواتس انها ملللت من خيانته وتب تتطلق وقعدت اهديها وانصحها لاتتهوررررر.
بس بنااااااات افكر ياربي انا مااقول كلهم بس ثلاث أرباع الرجال خونه. ومصيييييبه اذا كل وحده خذت اغراضها وطلبت الطلاق عيل الكل بيتطلق. وخاصة من استطلاع اللي حطته احد العضوات بالقسم انه تواجهينه ولا تسكتين الاغللللب اختارت اواجهه واشرشحه. وطبعا انا وحده منهم لووووووول
بس اللي بسال عنه الحييييين في ازواج تعرفونهم خوووونه ومغازلجيه. وعقبها تابو وتركو هالخرابيط.
يعني ممكن يترك هالاشيا وهو متعود عليها من قبل لايتزوج يمكن.
اللي خلاني اسالكم رفيجاتي اللي كل وحده تشكي من خيانة زوجها وانا اطبطب عليهم.
والشي الثاني ان زووجي اللي بتطلق منه قريب يقول انه بيتوووب وبيتغير. مع انه قال لي هالكلام كثييييير. بس مابي اضعف مثل كل مررررره. اقول ببالي يمكن يبيني اسم زوجه بس.
يالله كويتيات اللي تعررررف ازواج كانو يخونون ويزنوووون. وعقبها تغيرو وتابو تسدح القصه.
وووشنوو سووووت عشان ربي هدااااه. وتاب.

 

[لمى الهاجري]

لوووووووووول انا عزابية بس ابي نصايح استفيد منها

 

[Reelax]

بس انا خيانات جاااايده وقووووووووويه.

 

[A.E]

الله يسهل عليك ساعديه بالتوبه حبيبتي وان شاءالله ربي يوفقكم

 

[سؤال 1]

صعب جداا جدااا

 

[mmloo7a]

انصحكم تشوفون ريال من المريخ لو شاف بنيه يكره نفسه ومايحب الا زوجته

نصيحة منكم 100% واكيد بتلاقونه


بالتوفيق

 

[((shoOoshoOo))]

والرياييل يبيلهم قلب قووي

ان شااالله البنات يفيدووونج

 

[جذابه بنت ذيابه]

نصيحه اذا حلف لج انه بيتوب ردي له .. و انا متاكده ماراح يعيدها دام عارف وحاس انج ماتبينه وتعبتي منه ..


ابغض شي عند الله الطلاق



ومهما كان الزوج ما تخلينه بروحه كوني ذكيه ولا تخلين احد ياخذه منج! و بخصوص رفيجاتي انصحيهم وخل يواجهون ازواجهم لان حرام اللي قاعد يصير
وانتي اذا تبين تردين له دخلي احد كبير بالعايله ويكون عاقل وما يعلم عن سالفتكم احد ..

 

[زوجة عزيز]

مافي فايده لان حتى لو اهي سامحته بتفقد الثقه فيه وفي نفسها وبتكرهه ازيد كل ماتذكرت ومستحيل تنسى هالشي افضل حل للخاين يتركونه

 

[granted]

الريال الخاين ممكن ينعدل حاله بصدمة قوية طراق قوي مثلاًمرض يحوشة ولا يتشوه ويكره روحه او يكتشف ان الي سواه بالناس انرد له اببيته
او ان الله صج يهديه :d

انا هذي وجهة نظري بس اكيد الحياة الواقعية تختلف من شخص لشخص ومن حاله لحاله ممكن بس انا مو مقتنعه بهالشي
المشكلة مو انه يتوب او مايتوب المشكلة شلون اثق فيه شيثبت لي توبته ؟؟

بس قلب الانسان بين ايدين رب العالمين ممكن الله يهديه احنا بشر يعني ولاشي ونظرتنا قاصرة

 

[توتا حمرا]

اللي يخاف ربه مايخون كله من قلة الوازع الديني
يعني اللي تبي تعرف زوجها ان تاب بتجوفه من اخلاقه محافظ على صلواته يبتعد عن الحرام
الله يهديهم جميع واذا كان زوجج خاين مو زاني والعياذ بالله ردي له بس بيني له انج زعلانة حيييل ودخلي احد كبير بالعايلة

 

[Tom ♥ Jerry]

,


آلله يعين !

 

[Reelax]

صح كلامكمم ماراح أثق فييه أبدا ومااضمن انه مايرجع

 

[شموخي اتعبهم]

اي حبيبتي بسس الطلاق موحل مثل لو تطلقتي لاسمح الله وتزوجتي ريال ثاني وهم خانج وش راح تسوين هم تطلقين صدقيني راح يرجعلج ويتوب الطلااااق مووحل ابدااابعدين اذ يبتو يهاال راح يعقل وربي يوفجكم ويصلح كل رياال لمرته ويبعد عنااالطلااق

 

[نونه المنكوشه]

اتصدقين عاد كل ريال اعرفه يعني من اهلنا اغلبهم يخونون والمشكله حريمهم يهبلون واجسام وكشخه يعني مافيهم اي عيب ساعات قمت احس الخيانه امر لابد منه اله ماهدا الله وحتي المحترم لوبتفتش وراه يمكن تلقي ع الخفيف مادري ليش الريال يخون قبل الريال مايخون اله اذا زوجته صج مقصره او بعد ١٠ سنين اتيله عره يعني نزوه الحين توه مامداه يملج وشغااااااال طيب لييييش ؟؟؟؟ والله ماني عارفه شكلي بسوي دراسه صايرين موصج وطبعا واحد اعرفه من اهلنا قريب مرته جميله ومدلعته واهوه من وراها عنده شقه ويخربط ومعيشها العاشق الولهان والله اشوفها وارحمها بس بالنهايه اقول كل شي يسويه الانسان يرجع عليه يعني اهوه يلعب ويخون زوجته بس فوقه رب ماراح يخليه يتهني بحياته اختي الكبيره زوجها كان لاعب لعب مع انه اول زواجها طاير فيها ومدلعها بس تعرف ع شله فاسده واخترب واهيا اتعبت معاه لين اطلبت الطلاق وسبحان الله كانت جدامي تدعي عليه يسوي حادث وينشل شلل كامل لانه كان يطقها وسوه حادث بشع ومن بشاعته حتي حطوه بالجريده والحين صارله ٥ سنين مشلول مايقدر يرفع حتي ايده الله لايبلانا الظلم شين لوكل واحد عرف انه فوقه رب يحاسبه والله جان مافكر يغلط الله يهدي كل واحد يخون زوجته ويعقلون لانه جد لاعت جبدي من كلمة خيانه بس اتصدقين اي وحده تشكيلي عن خيانة زوجها انصحها تصبر لانه اخاف اقولها تطلقي وربي يحاسبني لانه الهدايه من الله ويمكن يتوب لكن انا بالنسبه لي ماتحمل اما اذبحه وله اطلق بس الدنيااااا بتلاءات ولازم الواحد يصبر >>>>> وااااي تعبت من القرقه هههههه

 

[sh_mashael]

بالوقفه معاه

و تساعدينه و تنصحينه

و تجابلينه

الله يعين و يستر الحال

 

[انثى عاشقة]

ما توصل للطلاق
ممكن الي زوجها يخونها تزعل وتروح لبيت اهلها
واذا كرر غلطته
مثلا تهدده انها بتروح لاهلها وتفضحه
يعني العقاب بالتدريج
والله اذا مصر يخووون اقصد طبعا الخيانة الجايدة
ما اعتقد راح تنتظرين ينقل لج مرض او بلوة انتي في غنى عنها
وجهة نظري
السكوت وردود الافعال الضعيفة منا تجاه خيانة الرجال
قوت شكوتهم وخلتهم يتمادون
​

 

[Mjnont '3lay]

حبيبتي بقولج هالكلام وابيج تفكرين فيه عدددل مو بس تقرينه والسلام والكلام هذا بيكون لج ولغيرج اللي ازواجهم يخونونهم
انا ما اعرف اسباب الخيانه
بس انتي واجبج كزوجه تقعدين بينج وبين نفسج وتاخذين ورقه وقلم وتعصرين مخج وتكتبين كل الاشياء اللي انتي مقصره فيها او هو محتاجها ويبيها ومو لاقيها فيج
يمكن تكون المره من وجهة نظرها انها مو مقصره وقايمه ببيتها ومزيونه وتكشخ وتلبس ومربيه ورعانها احسن تربيه
بس من وجهة نظر الرجال غييير
انا ابيج تقعدين مع نفسج وتسألين نفسج ليش خاني ؟؟ شنو الشي اللي لقاه بغيري ومالقاه فيني
هل احلى مني ؟؟ ولا احسن مني ؟؟ ولا معطيته كل اللي يبي وانا متحفظه شوي وياه ؟؟ ولا صايرة له كل شي وانا صرت له مجرد زوجه وام العيال ؟؟
لااازم تسألين نفسج لانه الرجال مليون بالميه مايشوف بره الا وهو مو لاقي اللي يبيه داخل البيت ؟؟ والرجال بطبيعته طفل عامليه مثل ما تعاملين الطفل صدقييييني تكسبينه ولا تقولين لا وانا سويت وحطيت وما فاد تكفين لا تقصين على نفسج لانه رجلج ما خانج الا وهو ناقصه شي مو لاقيه عندج
تبين نصيحتي كوني له ام لمن يحتاج حنان وكوني له اخت لمن يحتاج انه يشكي بكل طلاقه من غير خوف او تردد وكوني له زوجه تداري بيته بغيابه وتحرص عليه وتشوف متطلباته وكوني له حبيبه تتغزل فيه وتعطيه المجال انه يتغزل فيها وتغرقه بمشاعرها وعواطفها وكوني له فااااااااجره بالفراااش انسي انج زوجه بالفراش ولا تقولين كرامتي ما تسمح لي ادلعه او اعطيه من الجو اللي يحبه بالعكس عطيه كل شي يبيه ويحبه وحاولي تفهمين مزاجه وركزي عالحركات اللي تسوينها وتعجبه عشان تردين تكررينها بين فتره وفتره طبعا ما عدى المكان اللي الله حرمه .. وكوني له صدييييقه يعني وقت لمن يسوولف صيري كنج واحد من ربعه مو زوجته موو بحركاتج لااا باسلوبج وطريقة كلامج يعني دشي الجو وياه اسمعيه عدل اندمجي وياه لا تحسسينه انه سوالفه قمه بالملاقه او انه مالج خلق تسمعين السوالف الفاضيه يعني مثلا انا رجلي يسولف لي عن ربعه وماضيه قبل لا ياخذني على بالج ازعل ؟.؟ هههههههههههههههه لا والله بالعكس اسمعه برحابة صدر واندمج وياه صحيح اني اغار وهو يدري بس ما ابين له اني مابي اسمعه او مالي خلق اسمع هالسوالف التافهه بالعكس احسسه وكأنه يسولف مع واحد من ربعه ويتكلم بكل طلاقه من غير ما يحاتي اني ازعل او اغار او اعصب
شوفي حبيبتي صدقيني صدقيييني صدقييييني اذا مشيتي على كلامي صدقيييييني بتشوفين انسااااان ثااااني ماتعرفينه
ومافي مانع تقعدين قعدة مصارحه معه يعني مثلا نامي بحضنه وبكل هدوء اساليه يا فلان انا قد يوم بذر مني تقصير في حقك من غير ما ادري اذا قال لج لا قولي بالعكس انا ابيك تصارحني وتقولي اذا انا قصرت بشي عشان انتبه سبحان الله مرات الانسان يبذر منه تقصير او خطأ من غير مايحس بنفسه ومافيها شي لو قلت لي ترى انتي مقصره بهالشي الفلاني او اني احب هالشي الفلاني وانتي مو مسويته لي بالعكس رح اسويه لك وانا اضحك بعد وانت رجلي وانا مالي غناتن عنك اذا ما ادللك وادلعك ادلل وادلع منووو ؟؟
صدقييييييييييييييييني اذا جيتيه بهاللاسلووب رح يتغير ورح يتجرأ انه يطلب منج اي شي يبيه او يصارحج بتقصيرج
احسن من اسلوب الهمج اسمحي لي يعني المفروض انتي مره كبيره ولازم تعرفين تتصرفين بالسياسه مو تروحين وتاخذين الرجال بشراع وميداف وتقولين انت خنتني وانا كشفتك !!! قااعده اقولج الرجال طفل صغير عامليه مثل الطفل شلون الطفل اذا طقيتيه يعاااند نففففس الشي الرجاااااال عشان جذي حلي امورج بهدوء وسياااسه وبلا هبال اطفال وتسوين اكشن وتروحين تصارحينه بالخيانه ترى جذي تزيدين وتعقدين الموضوع ماااتحلينه

 

[اللّہ معي ، ♡]

اه من الخيانه ومن الرجال الله ياخذهم ونفتك منهم

 

[popa]

اي يتوبون لكن بعد زعله جايده وتمشين عليه سالفه الطلاق لين يصدق انه بيفقدج وخلاص
مشي الفلم للاخر