كبت الجواتي (الله يكرمكم)وريحتة!!!!!!!!!!!!!!!!!

[رو&الشقاوة&وح]

السلام عليكم...

بنات توني شارية كبت للجواتي الله يكرمكم وذبحتني ريحتة كل ما ابطله ...:eh_s(2):

فمادري عندكم طريقة تطير ريحتة تطيييررررررررررر لوعت جبدي :eh_s(11): موقادرة اتحملها ما احبها.....

ومشكورين

 

[مولاي الفرج]

ماكو الا تحطين فواحه داخله وتبخرينه عدل وترشين عطر

بعد كل هذا ماعتقد بتظل ريحه

 

[PuPa^^SWeeT]

بخريييه و مسحييه بديتول و شوية عطر وياه

 

[<miss botamba>]

الريحه رحت خشب يعني والا ريحه جواتي؟

اذا ريحه الخشب مادري دايما الشي اليديد يكون فه ريحه المصنع فتره ومع التهويه يروح

او حطي الجياس الي فيهم ريحه داخله

او عندج الشمع مال قليد مو الشمع الي تشبينها لا في شغله جنها شمعه بس بدون لا تشبينها تطلع ريحه



واذا ريحه الجواتي في شغله تنحط داخل الجوتي مثل الكور تمتص الرطوبه و دايما خلي الجوتي بعد اللبس فتره بره عقب خليه بالكبت

 

[بنت المتوسط]

روحي بو 100 واشتري علبتين الرش صغار شوي
وحطي وححده داخلها ماي وديتول
وححده داخلها ماي وكموفرت
وبس كل يوم الصبح رشي بالكبت وصكريه

 

[ملكة زماني]

مرحبا:eh_s(7):

الكور الخشب المعطرة (تلقينها بسنتر بوينت صوب الشمع)
حطيهم بجيس اورغانزا الصغير
وحطيه بالكبت
:rerrerek:

 

[حور العيون]

حبووبه ريحت شنو بالضبط


اذا ريحت صبغ الكبت حطي فانيليااا روووعـه

اما اذا ريحت جواتي عزج الله في كور مخصصه لهـ شغلات

 

[A7lahm_q8]

اي والله بنات ريحة الجواتي الله يعزكم بطت چبدي والكبت عند الباب وريحة شقتي تصير وووع مهما بخرت ونظفت ماكو فايده ياليت اللي تعرف تفيدنا زهقت

 

[عبق البنفسج]

ييبي تب صغير وحطي فيه ماي وشوية ديتول وعصري الفوطة ومسحي الجواتي كلهم من داخل وبرة .. وعقب رشي بكل جوتي العطر المخصص حق الجواتي .. تلقينه بمحلات الجواتي وبالجمعيات أحسن ماركة هي KIWI
والكبت نفسه هم نظفيه بفوطة ثانية
واذا عندج جواتي تنغسل اغسليها (طبعاً طريقة الغسيل تحطين ماي وصابون وفرشة تلقين بايكيا فرشة صغيرة صوب الكاشير حلوة حق غسيل الجواتي .. حطي الفرشة بالماي والصابون وغسلي فيها الجوتي من تحت ومن داخل وعقب مسحيها بفوطة وماي

وعقب حطي معطر glade قليييد (هو ايي منه بالليمون وباللافندر ويكون شكله قطعة مربعة محطوطة ببلاستيك) حطي منه قطعتين بالكبت ..
أو مو شرط هو حطي أي معطر ثاني

بنسبة للكور أنا ما استفدت منهم اذا شميتيهم بتحسين ان في ريحة بس اذا حطيتيهم بالأدراج ماتفوح ريحتهم ..

 

[كازو ترف]

بالإضافه للشغلات اللي البنات اقترحوهن من تعطير و تنظيف و ديتول و خلافه في شغله واحده ضروريه وهي التهويه لازم تسوين في الكبت فتحات تهويه بواسطة الدريل مثلا على الجنبين أو من ورا بالإضافه إلى وضع الجواتي (عزج الله) في الشمس قبل ما تحطينهم في الكبت للتأكد من الجفاف

 

[موجة ~ بحر]

هوي الكبت مو تسكرينه علي طول

وبخري الكبت

 

[<miss botamba>]

اذا جواتي جلد غسيلهم بكون صعب

الافضل خليهم بالشمس لو ربع ساعه تطقهم الشمس شوي وتعقمهم و تخف ريحتهم

في اعتقد بودره او كور تنباع بمركز سلطان او لولو هايبر مادري بس اتوقع تلاقينهم بس بهالجمعيات الكبيره توخر الريحه

مو معطره لااااا مجرد تسحب الريحه ومافيها ريحه عطر

وقريت معلومه بالياهو ان السفينيت يسحب الريحه بعد

وهم اذا جوتي في ريحه قويه ترشين عليه من داخل بيكنغ صودا وتحطينه بجيس نايلون وتخلينه ليله بالفريزر

البيكنغ صودا تمتص الريحه و البروده تقتل البكتيريا


وهم قبل لا تلبسون الجوتي في بخاخ من شول استعملوه

 

[أم متعب]

يبا لابخاخ ولاشي

قطي الكبت وشوفي مركز سلطان منزلين

كبت جواتي بلاستك عجييييييييب

أنا كنت نفسج مليت لما طحت على البلاستك طيحه

 

[tea_rose]

ياحبايبي تكرمون كبت الجواتي مايتعطررررر لان في جواتي بلمعة راح تخترب
اعلمج طريقة حللللوة ماتخرش المية
كل يوم وترك مسحية بديتول مركززز وفوطة وتكرمين طلعي الجواتي بالحوووش يتشمشون عشان تنشف ريحت العرق ههههه والدلاغات والتراب يحت وبعدين هالطريقة راح تخفف الريحة ومع الوقت تحتاجين تسوينها بس مرة بالاسبوع وبعدين حاولي تخلين الكبت مبطل من الليل لين الصبح يتهوي ولما تردين من مكان مو علي طووول تحطين شوزج بالكبت لا نطري جذي ساعتين مسحية وخلية ينشف وبعدين حطية احسن من رطوبة الريول وتغمرينة
فاهمتني سوري عالاطااله

 

[رو&الشقاوة&وح]

الله يجزاكم خير ويعطيكم الف عافية

 

[tt2tt]

؟؟؟؟؟؟؟؟؟؟؟؟؟؟؟؟؟؟

 

[دندونه@@@]

اختي دام الكبت مسكر ومغموت مافيه تهويه مستحيل تتخلصين من الريحه حتى لو رشيتي عليه عطور وغيره بتطلع ريحه كريهه ومستحيل كل يومين بتنظفين كل الجواتي بديتول بتزهقين ومو على كل حال يكون عندج وقت عن تجربه استخدمي الارفف البلاستيك للجواتي وحطيه بمكان فيه تهويه ومستحيل تطلع منه ريحه لاني سبق وشريت كبتين للجواتي لكن على قولتج الريحه كيماوي في البيت شلتهم واشريت ارفف بلاستيك اللي انهى معاناتي واذكر لما شريت كبتات الجواتي كان في نوع ثاني يسمح للتهويه بيبانه مثل ستارة الشتر وبين كل حبه والثانيه مسافه لكن اهم شي لكبت الجواتي التهويه *انا حاطه الارفف داخل البيت لكن يمه دريشه للتهويه

 

[زهره الجلنار]

اب اب

 

[*lavandula*]

حطي قطع كافور داخل الكبت

 

[الحسن كله]

إذا كان الكبت مسكر حطي بين كل مجموعة جواتي رول كلينكس مال الحمام عرفتيه يعني في كل رف رول واحد او رولين وودعي الريحه
ويستحسن يكون الكبت مفتوح مو مسكر