كبسولات ultra slim

[MeMoOoOo]

السلام عليكم ورحمة الله وبركاته

الخيـ صباح / مساء ــر

مثل ما قلت لكم بالموضوع السابق إني طلبت الأعشاب من زميلي
http://www.q8yat.net/showthread.php?t=595904&page=2

بس هو جاب لي الكبسولات .. فقلت يا الله صارت واصلة خلني أجربها
وأنقل لكم تجربني يوميًا .. وإن شاء الله ينزل وزني بصحة وعافية
ويستفيد الجميع من هالتجربة

أول شي بعرض لكم صور شاملة للكبسولات ..

هذه العلبة .. لونها أحمر .. فيها 20 كبسولة .. الحجم الصغير


وهذه صورة جانبية للعلبة .. فيها التعلميات والتحذيرات والمكونات


صورة للعلبة من الأسفل .. فيها اسم الوكيل والصناعة وتاريخ الصلاحية والسعر << لا يقص عليكم أحد إذا بجيبها من لبنان


العلبة من الداخل




تأكدوا أن العلبة مسكرة


وهذا شكل الكبسولات .. لونها أخضر فاتح مع غامق



الحين نجي للجد ..

طبعًا الكبسولات وصلوني أمس بتاريخ 09 يناير 2011
وأنا ما كذبت خبر .. لما طلعت من الشغل مريت الصيدلية
تدرون ميزان الصيدلية يعطي القياسيات الحالية والمثالية
ونسبة الدهون وكل شي .. علشان أتأكد من فاعلية الكبسولات

هذه صورة للقياسات الحالية .. الوزن .. ونسبة الدهون .. ووزن الدهون بجسمي


وهذه صورة للقياسات المثالية .. الوزن .. نسبة الدهون .. وزن الدهون اللي لازم أوصل لهم .. والتاريخ


بإذن الله أنا بدأت اليوم بالكبسولات .. وأخذت أول حبة الساعة 7.00 صباحًا
وإن شاء الله في نهاية كل يوم بكتب لكم عن أي شيء يطرأ علي
وبكتب لكم عن كل شي أكلته في هاليوم ..
وبعد عشر أيام أروح للصيدلية علشان أشوف الفرق بالوزن وأعلمكم عليه

أدعوا لي بنات .. إن هالكبسولات ما تأثر بشي سلبي علي
وإن وزني ينزل بإذن الله بصحة وعافية


دمتم في حفظ الرحمن​

 

[اسيل82]

رد : كبسولات ultra slim

من وين صناعتهم وبالتوفيج

 

[.،:"$الـعـوبــــة$":،.]

رد : كبسولات ultra slim

ياالله انا متابعتك ،،
وراح اشجعك بعد >>:eh_s(9)::eh_s(9)::eh_s(9)::eh_s(9): ​

 

[Mystique]

موفقه

 

[اسبانيه]

موفقه

 

[MeMoOoOo]

الله يوفق الجميع إن شاء الله

وشاكرة لكم التشجيع

حبوبتي أسيل .. صناعتهم صينية​

 

[MeMoOoOo]

سوري لقيت هالمشاركة مكررة فحذفت الكلام

:blueSmCLR:​

 

[MeMoOoOo]

الفطور كان الساعة 8.15 .. حلوم بخبز صاج

الساعة 12.00 .. شربت كوب هوت شوكليت

والغذاء على الساعة 4.00 .. حبتين كوسا محشي .. وورق عنب

وعلى الساعة 6.30 .. أكلت قطعة حلا صغيرة

بصراحة يا بنات .. حاسة أني مو مشتهية آكل مثل قبل
لأن أول كنت باليوم أشرب اثنين هوت شوكليت
والحلا هذا أكل منه 3-4 قطع واحس ابي بعد
والمحاشي آكل أكثر من هالكمية
بس الحين لا ..

الحمدلله الوضع طبيعي جدًا ولا في أي آثار جانبية​

 

[white.candy]

رد : كبسولات ultra slim

انشالله تضعفين من غير شر

يا ريت تقوليلنا هالحبوب من وين سامعه فيهم وهل في احد مجربهم ولا لا

 

[MeMoOoOo]

إن شاء الله .. كل وحدة فيكم توصل للوزن اللي تبيه بصحة وعافية

مثل ما كنت قايلة لكم اني سمعت عن الأعشاب اللي مثل الشاي اللي كنت أبي أجربهم
كان قايل لي عنهم زميلي بالعمل ..
لكن لما بحثت بالنت .. عرفت أن فيه كبسولات من هالمنتدى ومنتديات ثانية
بس كمعرفة شخصية لأحد مجربهم صراحة ما أعرف

وأنا إنسانة مغاااااامرة .. قلت أجرب بنفسي
وإن شاء الله تجي النتيجة زينة بإذن الله​

 

[^noonaa^]

وناااسه عاااد الييوم وحده معاي بالدوام قالت لي عنه وقلت لها يبيلي خل تجربه واهي وايد تمدحه

باجر ان شاءالله ببدي فيه

 

[حضن امى]

رد : كبسولات ultra slim

ان شاء الله تضعفين بصحه وعافيه
وبشرينا بالنتائج؟؟
ومن وين شريتى الحبوب؟؟وكم سعرهم؟؟

 

[DaloOoLa Q8]

ان شالله ينزل وزنج بصحة وعافية متابعينج ياحلوة لاني مفكرة اجربهم

 

[سرقت النوم]

اختي من وين خذيتيهم و بكم و اشلون لو بطلبهم ابي بأسرع وقت ممكن

 

[MeMoOoOo]

الخـ مساء / صباح ــر

ألف شكر لكم يا بنات على تشجيعكم ومتابعتكم
وبإذن الله نوصل لمرادنا بصحة وعافية

بالنسبة لاستفساراتكم عن الكبسولات
أنا طلبتهم من زميلي بالعمل من لبنان
وسعرهم يطلع بحدود 10.00 د.ك
العلبة فيها 20 كبسولة .. وأتوقع في علبة 40 كبسولة
كل يوم حبة على الصباح يعني لمدة 20 يوم
وما أدري إذا في منهم بالكويت أو لا

نونا .. يا الله ابدئي فيهم وتابعي معي بهالموضوع خلي البنات تستفيد من تجربتنا ..

ونصيحة للبنات اللي لسى ما اشتروا الكبسولات
انتظروا كم يوم خلينا نشوف النتائج معي ومع نونا
بلاش كلنا نغامر ..

وربنا يكتب اللي فيه الخير للجميع​

 

[MeMoOoOo]

والحين نرجع ليومياتي مع الكبسولات

أمس بالليل وأنا نايمة حسيت بجفاف شوي
بس اليوم بإذن الله ما يصير لأني شربت ماي بكثرة

الساعة 7.00 صباحًا .. أخذت الكبسولة

الفطور الساعة 8.00 .. أخذت 3 شرائح من كيك أمريكانا مع كوب شاي << طبعًا شرائح صغيرة

والساعة 12.00 .. مع كوب شاي أخذت بسكويت بلفيتا [belvita ] قطعة وحدة

الساعة 4.00 .. توست أسمر مع شرائح جبن خالي الدسم .. ومرتديلا

و بس ..

ومو مشتهية شي زيادة أبدًا ..
تخيلوا حتى الهوت شوكليت والحلا اللي يوميًا لازم اخذهم
ما جوا على بالي نهائيًا

ادعوا لي يا بنات
يا رب ما يكون في أعراض جانبية لهذه الكبسولات

​

 

[MeMoOoOo]

السلام عليكم ورحمة الله وبركاته

كالعادة الساعة 7.00 أخذت الكبسولة

الفطور الساعة 8.00 .. فلافل مع اللبنة خبز صاج

الساعة 12.00 .. شربت مكمل غذائي [ بروتين باودر + حليب خالي الدسم ]

الساعة 4.00 .. قطعة كيك [ أمريكانا ]

وبس

بنات أنا خايفة أنه يكون قاطع شهية مو مذوب للدهون

لأن ما عاد لي نفس على الأكل

بنتظر النتائج بعد كم يوم وأشوف

الله يكتب اللي فيه الخير​

 

[DaloOoLa Q8]

انا طلبتهم وراح يوصلوني بكرا ان شاء الله طلبت الكبسولات مع الشاي .

حبيت انوه ان بالسايت كاتبين ينزل 5 كيلو باسبوعين انصحج حبيبتي memoooo توزنين بعد اسبوع عشان يبين تاثير الحبوب عدل .

 

[shams2008]

ان شاء الله تنزلين علي صحه

متابعتج

 

[MeMoOoOo]

إن شاء الله دلوووووووووولة
بروح يوم الأحد يكون صار لي أسبوع
وإن شاء الله راح اخبركم بالتغييرات اللي صارت
ويا ليت لو تخبرينا انت بعد عن تجربتك
ويا رب تنزلين بصحة وعافية


شاكرة لكم تشجيعكم ومتابعتكم
وأتمنى لكم جميعًا كل الخير


اليوم كان برنامجي كالتالي

الساعة 7.00 .. الكبسولة

الساعة 8.00 .. ساندويش صوصج من ماكدونالدز

الساعة 12.30 .. كوب دارسين

الساعة 4.00 .. بيتزا قطعتين صغار

وبس​