كتاب ترشيح لوزارة المالية .. رقمي بالربط 1

[nonosha]

السلام عليكم بنات
بليييز وحده تفيدني مسويه ربط بالمالية صارلي مدة وصار رقمي بالربط 1
تخصصي بكالريوس تمويل
سمعت ان يصير ايب كتاب ترشيح واوديه الديوان وبجذي ينزل اسمي بالوزارة
صج هالكلام .؟؟؟

وين اروح بالوزارة اسويه

ومشكورين
والله يرزقني ويرزقكم

 

[honey lust]

حبيبتي نونوشا انا بعد سمعت نفس كلامج ان اتيبين كتاب ترشيح من الوزارة لما يصير رقمج 1 حتى في مسؤول بالمالية

قال حق ابوي هالكلام

بس شلون بالضبط ما عندي فكره ما حبيت اطلع بدون ما ارد عليج

ان شاء الله الحين تدش وحده تساعدج

 

[فلنتينو]

اي لازم تجيبين كتاب ترشيح من الوزاره
عشان يقبلونج

بكل الوزارات جذي

 

[nonosha]

honey
فلنتينو

(مشكورين )

عندي خبر ان لازم كتاب بس بعرف وين اروح بالضبط
وهم سمعت ان مو كل الوزارات يعطون
عشان جذي بعرف بالضبط

 

[qlboona]

اي حبيبتي اذا تبين كتاب لزم اتعرفين واسطه

 

[nonosha]

اي حبيبتي اذا تبين كتاب لزم اتعرفين واسطه

لازم واسطة :eh_s(10):

 

[frawlah_83]

نونوش ماعندي فكره

الله يسهل امورج جربي تمريين الوزاره شوفي سالي الشؤون الاداريه


وموفقه ان شاءالله

 

[qlboona]

لازم واسطة :eh_s(10):

اي حبيبتي هلاماكن واسطه قويه عشان تتوظفين الكتاب لزم يكتبلج المدير محتاجين هالتخصص وقع عليه وروح حق مدير ثاني طبعا واسطه من المدير لاول وبعدهاا مدير لاخير يعتمدهاا يبلج واسطه قويه

 

[Om_Ksha]

لا انشالله لا واسطه ولا شي انتي جربي كلميهم و الله يسهل امورج ماتدرين يمكن لي رحتي و كلمتيهم تطلعين تعرفينهم
الله يوفقج ياااارب :*

 

[nonosha]

مشكورة qlbona

ثانكس فوفو وشوشو ان شاء الله بمر اشوف
والتساهيل من الله اذا لي نصيب

 

[frawlah_83]

نونوش ادعي قبل لاتروحين وخل يروح معاج ابوج احسن وماتدرين يمكن الدفعه اليايه ينزل اسمج

 

[nonosha]

اييي ان شاء الله فوفو على شورج اكيد بدعي
وبشوف هالاسبوع يوم ابوي فاضي اروح وياي
واذا من نصيبي باخذه
الله يسهل

ما قصرتي :d

 

[hhateek]

هلا حبيبتى ...

شوفى انا كان رقمى 1 ورحت لهم لانى عرفت انه مكان وايد زين ومعاشات ما شا الله ...
بس من غير واسطة اساسا ما سألونى شنو تخصصج او اى شى ...
فاعتقد لازم واسطة قوية ..
انا رحت للشؤن الادارية قسم التعيينات ... قالوا لى ما نعطى كتاب ترشيح هو الديوان المسؤل طبعا الكلام انه مو اى حد الله يبارك لنا فيما رزق ..
الحمد لله نزل اسمى بالاوقاف وتعيينى بالمسجد الكبير ...

الفال للكل ان شا الله تنزل اساميهم

 

[nonosha]

هلا حبيبتى ...

شوفى انا كان رقمى 1 ورحت لهم لانى عرفت انه مكان وايد زين ومعاشات ما شا الله ...
بس من غير واسطة اساسا ما سألونى شنو تخصصج او اى شى ...
فاعتقد لازم واسطة قوية ..
انا رحت للشؤن الادارية قسم التعيينات ... قالوا لى ما نعطى كتاب ترشيح هو الديوان المسؤل طبعا الكلام انه مو اى حد الله يبارك لنا فيما رزق ..
الحمد لله نزل اسمى بالاوقاف وتعيينى بالمسجد الكبير ...

الفال للكل ان شا الله تنزل اساميهم

مشكورة حبيبتي انا بسعى واذا لي نصيب باخذه الله يسهل

 

[^^ROSE^^]

حبيبتي كتاب الترشيح ماتروحين حق موظف بقسم التعيينات
تكلمون احد من الوكلا مره وحده
سألي ابوج اذا يعرف احد من الوكلاء يسوون لج كتاب الترشيح وترى يصييييييييير
انا قايلين لي لا صار رقمج بالربط 1 على طول ناخذج بكتاب ترشيح بس رقمي ريض هههههههههههه
طبعا قايلين حق اهلي (واسطه يعني) بس اللي بوصل له ان يصير

 

[nonosha]

الله يسهل روز مشكورة

 

[جنات]

حبيبتي اخذيها مني مسألة انج تاخذين كتاب ترشيح من الماليه ماتصير من زمان موقفينها لو واسطتج الوزير ،،

الي يصير انه وزارة الماليه ادز كتب حق ديوان الخدمه كل بداية شهر ٤ و ٩ يطلبون فيهم التخصصات الفلانيه و اذا يبون تخصصج انتي دايركت تترشحين لانه رقمج بالربط ١

الي يفيدونج بهالمسأله ديوان الخدمه المدنيه وهم سأليها منو المسأول عن الكتب و شوفي شنو طلباتهم و الله يوفقج حبيبتي

 

[nonosha]

مشكورة جنات ما قصرتي

 

[nonosha]

حبيبتي اخذيها مني مسألة انج تاخذين كتاب ترشيح من الماليه ماتصير من زمان موقفينها لو واسطتج الوزير ،،

الي يصير انه وزارة الماليه ادز كتب حق ديوان الخدمه كل بداية شهر ٤ و ٩ يطلبون فيهم التخصصات الفلانيه و اذا يبون تخصصج انتي دايركت تترشحين لانه رقمج بالربط ١

الي يفيدونج بهالمسأله ديوان الخدمه المدنيه وهم سأليها منو المسأول عن الكتب و شوفي شنو طلباتهم و الله يوفقج حبيبتي

ايي صاجه سالت ومثل ما قلتي غيروا السيستم مافي كتب ترشيح
ومثل ما قلتي المالية تطلب التخصصات وادزهم الديوان

الحين بشوف الديوان مثل ما قلتي وان شاء الله الخير
ما قصرتي :eh_s(7):