مرحبا...
خووش موضوع لان واااااااجد كتب فرقعة إعلامية وانشهرت عالفاضي ...
أهم شي في الكتاب إن يضيف لج خبرة .. معلومة شي مو تقرينه وتسكرينه وماتستفيدين شي منه
كتاب السر قريت أول صفحتين وفهمت الحبكة وسكرته ... وحسافة عالكتاب مايسوى
وتويلايت قريت الاول استمتعت في كقصة حب بس كنت امشي عالسريع بمواقف مصاصين الدماء ..
نظامه نفس نظام روايات عبير واحلام .. دغدغة مشاعر لاغير .. وكملت الثاني وطقت جبدي منه بس ابي اكمله
وقلت يالله الثاااالث ابي اشوف وين بيوصلون .. عاد الثالث عووووووووووع والله ماقدرت أبلعه احس لعب على المخ لاغير
مصخت السالفة مماطلة عالفاضي .. هذي تصلح قصة قصيرة من نص صفحة وواجد عليها ...
وأبدا أبدا أبدا ماتصلح للمراهقين لان اهم بفترة نمو وتكوين الشخصية ومو زين يتأثرون بهالقصص ...
وكتب عبدالوهاب السيد .. ماكو شي فاضية .. اسلوبه ينفع للجهال ... يعني لو يحاول يسوي كتب أطفال احسله بس يخفف عليهم لايتعقدون ... ماكو لغة ... ماكو ثقافة غير معلومات محشوة آخر الصفحة عن الميتافزيقيا
وكتب علياء الكاظمي قصص مراهقين عن عائلة غنية وبنات يحبون ويتزوجون وبس ماكو شي جديد وهم ماكو ثقافة ولا اكو لغة ...ولا حتى معالجة للمشاكل الاجتماعية اللي ممكن تطرحها ككاتبة روايات اجتماعية ..
أغلب الكتاب الكويتين اللي توهم طالعين ماعندهم لغة عربية قوية ولا عندهم ثقاااافة
وأما محمد النشمي فهذا على صوووووووووووووووب ماشريت كتبه الحمدالله .. شفته فالمعرض وشكله اللي توه طالع من السجن ويسولف مع بنية عن اللغات وخرابييط وانا واقفة ماسكة كتابه بقرا الملخص من ورا واهو ولا معبرني
ابي يتكلم عن كتابه شي .. جان يجي ابوي يقولي قطي الكتاب قطيه شوفي شكله أول ولا اكو احترام وشوفي اسم كتابه شكو رجال يتكلم عن بنات الثانوية .. ويوم قريت ولا يقول قصص ماتحصل فالكويت يعني بالله جايب لنا خرابيط الغرب وتحشوها بكتاب تبيعه ؟؟؟؟؟؟؟
الكتاب شنو غايته غير العلم والفايدة ؟؟؟
والروايات ممكن تفيد عن طريق الاسلوب القصصي ... وهذا اللي ما اجده فأغلب الروايات الكويتية
وفي كاتبة كويتية اسمها بثينة العيسى قريت لها عروس المطر رواية فلسفية روووووووووعة لغتها قوية وتعالج قضايا فيها بشكل مشوووق استانست انها كويتية
وشنوو بعد
أغلب كتب تنمية الذات الاجنبية مجرد مشروع مادي هدفه الربح فقط .... حشو حشو حشو كلام مكرر عشان يربحون فقط لاغير
والقصص الأجنبية اغلبها تأثر في شخصية الفرد بشكل سلبي يعني احنا لنا تعاليم دينية اخلاق عادات وتقاليد واهم يضربونها بعرض الحااااائط
فالافضل قراءة الكتب العربية .. نقوي لغتنا ونعمق ثقافتنا .. طبعا من غير الكتب السلبية اللي كتابها متأثرين بالفكر الغربي
وان شاء الله اذا تذكرت كتاب ما استفدت منه اقولكم ..
