كتاب هلاسبوع حق عيالي..حياكم

[جوري الزبير]

السلام عليكم

اول شي اشتقت لكم كلكم مثقفاتنا الجميلات الراقيات ..واعذروني على القصور بالردود بس الحمد لله عدنا والعود احمد ان شاء الله ...

فبداية الامر اقولكم سبب اختياري لهالكتاب بالذات ..
كلنا نعاني من تضخم الجرائد عندنا بالبيوت واخرتها اما ينقطون او يستخدمون استخدام ماله داعي واكيد كلنا يايد ان حرام استخدامهم بالتنظيف لان احيانا يحتوون على ايات قرانيه ولف الجلاله ..
المهم احترت وانا اجمع بالجرايد ومادري وين اخذهم ..

وبحكم اننا بايام عطله صيفيه رحت جرير اشوف كم كتاب للعيال ..
لفت انتباهي كتاب جميل وفكرته حلوه وهو عباره عن نشاطات يستخدم فيها الورق العادي التالف او ورق الجرائد..هذا الكتاب يعلم الطفل شلون يصنع من الورق طين اللعب الملون وبمواد بسيطه وموجوده في كل بيت ..ولقيت معاه مجموعه كامله لنفس السلسه تتكلم عن استغلال الموارد الموجوده في البيت لتعليم الطفل الابداع ..

على فكره بنات انا احترت وين اكتب الموضوع بحكم انه يختص بالمطالعه وبنفس الوقت بالاعمال اليدويه عاد مشرفاتنا الحلوات اهم اعرف لو ينقلونه للمكان الي يناسبه ..
وهذه صورة الكتاب

 

[كااامل الزين]

والله شكلة حلو الكتاب ممكن تفاصيل اكثر الغالية

 

[جوري الزبير]

تامرين حبوبه .. الكتاب فيه طريقة عمل الطين للعب يعني شلون تستخدمين الجرائد والاوراق الي ممزقه او استخدمتيها من قبل وما تبين تقطينها كانها عمليه اعادة تدوير ..ويعطيج الطريقه بخطوات بسيطه وسهله تحولين هذا الورق مع اطفالج الى طين للعب ينمي عندهم الابداع والحس الفني ويطلع مواهبهم بالاشكال الي يبتكرونها ..

الكتاب القسم الاول منه
كيف نصنع طيناا من الورق
ماهي المعدات الازمه ( وكل المعدات موجوده في مطابخنا على فكره )
الطين الملون
تزيين ما صنعتيه

وهكذا الاقسام حلوه ومشوقه والصور الي موجوده جميله وتشد الطفل وتعلمه الابداع..ومعطين معاه بعد طرق عمل اكثر من شكل فني او مجسم للطفل
اتمنى اكون افدة حبوبه وبنزل صور بعد عن داخل الكتاب لزيادة التوضيح

 

[3oosh <3 MJ]

واايد حلوة فكرة الكتاب
مشكوورة حبيبتي .. والله يحفظ لج عيالج

 

[جوري الزبير]

واايد حلوة فكرة الكتاب
مشكوورة حبيبتي .. والله يحفظ لج عيالج

الاحلى مرورج وردج حبوبه ..يحفظ الجميع ان شاء الله :eh_s(7):

 

[رحيل المرافيء]

احب الكتب اللي جذيه
ومن زمان عجينة الورق هذي
وفيه بعد عندج شركات تاخذ الورق والبلاستيك من البيوت اذا ماتبينهم اعادة تدوير

 

[ليلو جبريت]

حلوووو يبيلي اخذه
واحب الام الي جي ربي يحفظج ويحفظ عيالج

 

[جوري الزبير]

احب الكتب اللي جذيه
ومن زمان عجينة الورق هذي
وفيه بعد عندج شركات تاخذ الورق والبلاستيك من البيوت اذا ماتبينهم اعادة تدوير

حبيبتي رحيل نورتي .. اكون شاكره لج لو عندج رقمهم او عنوانهم
فيني صفه ممكن تكون تضحك بس الاوراق بالنسبه لي شي مقدس قلبي يتقطع لي شفت جرايد بالشوارع مقططه وله اوراق مقطعه سيده افكر شالمكتوب فيها وليش بعد ما نقراها يكون هذا مكانها ..طولت عليج <<< قراقه:krkrkr:

 

[جوري الزبير]

حلوووو يبيلي اخذه
واحب الام الي جي ربي يحفظج ويحفظ عيالج

حبيبتي ليلووو ربي يحفظج مشكوره :eh_s(7):

 

[أنثى اليمامة]

الله ،، شكله حلو واايد .. مو بس للأطفال حتى للكبار ينفع .. احب هالاشياءْ ..

صوريلنا منه كم صفحه خلينا نتعلم منه

شكراً لكِ


​

 

[جوري الزبير]

الله ،، شكله حلو واايد .. مو بس للأطفال حتى للكبار ينفع .. احب هالاشياءْ .. ​

صوريلنا منه كم صفحه خلينا نتعلم منه ​

شكراً لكِ​

تامرين حبوبه ان شاء الله اليوم بحط بعض الصور :eh_s(7):

 

[جوري الزبير]

 

[جوري الزبير]

 

[جوري الزبير]

 

[جوري الزبير]

 

[جوري الزبير]

 

[جوري الزبير]

 

[جوري الزبير]

 

[جوري الزبير]

هذه بعض الصور من محتوى الكتاب اتمنى اكون افدة ولو بشيء بسيط واتمنى اجازه صيفيه ممتعه لكم ولعيالكم ان شاء الله

 

[أنثى اليمامة]

الله شكلها وااايد حلووو .. تسلم ايدينج ع التصوير ..