شرح أزرار الايفون الخارجيه
زر البور : اللي فوق عند مكان ما ندخل الخط..الزر هذا نستخدمه حق عدة شغلات.. اللي اهي نفتح ونسكر الايفون.. او نضغط ضغطه سريعه عشان نخليه على وضع الـsleep ..هم نقدر من هالزر مثلا احد متصل وتبي تخلي الرنه صامت واهو يتصل تطق على هالزر وراح يصير صامت بس يظل يتصل ما يتسكر..وهم اذا طقينا مرتين عليه بوقت الاتصال راح تسكر..طبعا كل هذا واهو يرن مو واحنا نتكلم.. هم في فوق فتحه مدوره هذي حق الهاند فري (السماعه).
زر الهوم : هذا الزر اهو اهم شي بالايفون كله..واللي اهو الدائري اللي تحت..في وايد شغلات نستخدمه فيه مثل نطلع من برنامج وشغلات ذكرناها بالموضوع.. وراح اذكرها ان شاء الله.
الزر اللي على جنب اللي فوق : اذا نبي نخلي الايفون ع الصامت او عادي .. اذا خليناه ع النقطه الحمرا يعني صار صامت..يعني نخلي النقطه الحمرا طالعه.
الزرين اللي تحته : التحكم بمستوى الصوت .. وهذا عشان نقصر ونطول على كل الايفون حتى الرنه راح تتقصر وتتطول منه..اللي فوق يطول (يعلي) ع الصوت واللي تحت يقصر (يخفف) ع الصوت .. وهالزر اللي يخفف ع الصوت نقدر هم اذا احد اتصل ومثلا احنا بمصلى نضغط على هالزر وراح يصير صامت بس ما تسكر المكالمه.
ومكان المايك تحت .. اذا شفتي مكان الشحن تشوفين ع الجوانب مكانين حق المايك.
و سلامتكم
