كتالوج آيفون>>q8yat<<

[Om eLkakawiya]

توتي فروتي

هلا هلا بالحلوه..يعافيج يا قلبي..نورتي ^_^

 

[ست الحسن والجمال]

بالنسبه حق الاعدادات اللي حاطتها ست الحسن والجمال

بالاعدادات مالت الاصدار اليديد

الاعدادات
v
خدمات الموقع
v
ونسكر اللي فوق الزرقه .. او نسكر البرامج اللي ما نبيها تطلع فيها تحديد للمكان..انا دورت البوم الصور ما لقيته!

بس بنات مادري اذا سكرنا الموقع وبعدين دزينا الصوره حق احد عنده ايفون واهو فاتح تحديد المواقع راح تطلعله ولا لا ؟!

تطلع لاني جربت ارسل صورة بالواتس اب واهيا محدده مكانها من قبل لا اوقف خدمات الموقع
وطلعت محدده المكان اذا شغلت خدمات المواقع ثاني مره بجهازي


اللي تسأل وين مكانها

وبالانجليزي

يا اما توقفونها وتخلونها on او تختارون البرامج اللي تبونها شغاله واللي تبونها مسكره

انا عرفت هالشغله برنامج على قناة اجنبية انه تحديد الاماكن خلت بعض الناس يبتزون ويسببون مشاكل لغيرهم

 

[Om eLkakawiya]

شرح...الإعدادات >> الهاتف

ندش على الاعدادات >>> الهاتف...

رقم الهاتف الخاص بي : هني نحط رقمنا..عشان اذا نسيناه او شي..نلقاه هني.

تحويل المكالمة : اذا دشينا على هالخيار راح يطلع مربع اذا حطيناه ع الازرق يعني فتحنا خاصية التحويل..اللي اهي تتحول مكالمة اللي متصل>> على رقم ثاني اذا كان الايفون مسكر او مافيه شبكه (سيرفز).

انتظار المكالمة : اذا فتحناها ع الازرق.. راح يصير انتظار حق الشخص اللي متصل بوقت اللي احنا قاعدين نتكلم مكالمه ثانيه (الرجاء الانتظار المشترك لديه مكالمة اخرى..بليز ويت .. هههه)..واذا سكرنا الازرق راح يطلع حق المتصل بوقت ما احنا قاعدين نتكلم مكالمه ثانيه .. يطلعله مشغول.

إظهار هويتي : هذا ما يشتغل عندي .. مادري ليش .. بس قريت عنه .. انه اذا شغلناه راح يطلع رقم المتصل تحت اسمه.

TTY : قريت انه حق اصحاب الاحتياجات الخاصه عشان يوصلونه ابـ أجهزة ثانيه.

SIM PIN : هذا عشان نحط رقم سري حق الخط مالنا الـ sim..وعاد ديرو بالكم تنسونه..اهو الي نستفيد منه اذا احد خذا الخط وحاول يفتحه ما يشتغل الا بالرقم السري هذا.

اخر اختيار مو موجود عندنا..بالاصدار اليديد.

وشكرا ^_^

 

[ست الحسن والجمال]

بنااات فيه شغله بعد يمكن البعض مايعرفها
انا ماعرفته الا لما انمسح الواتس اب عندي

تعرفون العيال احيانا ياخذون الايفون ويضغطون مني مناك اكتشفت انه بنتي مسحت الواتس اب

اللي بتوقف خاصية حذف البرامج وتقدر تشغلها متى ماتبي اذا بتحذفين برنامج معين
بس اللي عندها عيال يمسكون الايفون ووووترى تصير هالحركة مع الايبود تقدرون تتحكمون

انا عيالي الايبود من كثر مايضغطون يحذفون العاب شكثر وحرام بفلووس من غير الكاميرا يصورونا واحنا ماندري

اختاري البرامج اللي ماتبينها تشتغل وتختفي من سطح الايفون بس اهيا موجوده متى ماتبينها تقدرين ترجعينها من القيود

انا شلت حذف البرامج من الايفون والايبود ووشلت الفيس تايم والكاميرا وتثبيت البرامج
هذا شرح بالصور للطريقه

This image has been resized. Click this bar to view the full image. The original image is sized 717x538 and weights 49KB.

This image has been resized. Click this bar to view the full image. The original image is sized 717x538 and weights 50KB.

This image has been resized. Click this bar to view the full image. The original image is sized 717x538 and weights 57KB.

بنات اللي عيالها صغار وتنسى الرقم السري تحط رقم سهل مثلا اربع اصفار او غيره

 

[Om eLkakawiya]

ست الحسن والجمال

بعد عمري فديتج .. انا قريت عن هالسالفه بس قلت انه يسكرون البرامج وكنت ادور برنامج يخش مثلا الاب ستور بايبود بنتي وطبعا طايحتله تحذف بالبرامج بس عادي موجودين بحسابي اردهم بس مليت وارد لوول..

مشكوره حبوبه يعطيج العافيه...خليني ادور ايبود بنتي ضايع كالعاده هههه واسوي الطريقه.

 

[سندس 90]

نااااااااااااايس صج استفدت

 

[Om eLkakawiya]

طريقة تحميل فيديو

هذا رابط من اليوتيوب عن طريقة تحميل الفيديو ع الايفون من برنامج اللي بالكمبيوتر الريل بلاير Real player

انا جربته بس اخر شي اهو مو حاط طريقة شلون نحطه بالايفون بالضبط بس حجي...
اخر شي..راح يطلع الفيديو بالـMovies تلاقونها بالايتونز ع اليسار فوق وتسحبون الفيديو وتحطونه بالـMovies مال الايفون وسوو بعدين sync تلقونها ع اليمين تحت...وهذا الفيديو...

http://www.youtube.com/watch?v=L6hoIHJSF7U

واذا ما ضبط سئلوني بقروب الايفون وان شا ء الله اجاوبكم ^_^

 

[(كويتيه عسل)]

عاشت ام كاكاويه لا يوقف :eh_s(9): لا يوقف :eh_s(9): لا يوقف :eh_s(9): لايوقف :eh_s(9):

 

[توتي فروتـي]

.......

تسلمون :$

 

[&دلوعة القمر&]

مشكوررررررين بناات

وااايد استفاد منكم اتمنى ايثبت الموضوع

 

[Om eLkakawiya]

كويتيه عسل

شكرا ع التشجيع هههههه..



توتي فروتي

يسلمج يا يمه ^_^



دلوعة القمر

العفو يا عسل

 

[توتي فروتـي]

..........


.....................................

 

[Galb.sh]

Om eLkakawiya
عجبتني طريقه الايقونه سويتها ومشكوووره

 

[Queen of Roses]

بنات باسوي ابديت لايفوني ابي الاصدار الجديد

بس خايفه برامجي اللي فيه كلها تروح مابي ارد اشتري مره ثانيه

في طريقه انهم ما ينمسحون؟؟؟

 

[(كويتيه عسل)]

لضبط رنة المسج :

setting

Messages

play al ertTone وراح تشوفين سهم رمادي

ضغطي عليه راح يطعلج التالي واختاري اللي تبين

once <<< رنه وحده

twice<<<< رنتين

ثلاث times<<< 3 رنات

خمسtimes<<< 5 رنات

عشر times<<<10 رنات

 

[Om eLkakawiya]

Galb.sh

العفو حياتي ^_^

 

[Om eLkakawiya]

الاعدادات > عام > القيود

ست الحسن والجمال اشرحت بعض الشغلات المهمه هني .. وبكمل اشرحه كله..
بعد ما ندش ع الاعدادات > عام > القيود

راح اشرح الصوره.. وقبل الشرح في ملاحظتين انج لما بتيين او اي احد بيدش ع القيود بعد ما حطيتي لها باسوورد ماراح احد يقدر يدش عليها الا بعد ما يحط الباسوورد..الملاحظه الثانيه اي برنامج نسكره .. ماراح يطلع لنا برا راح يكون مختفي.

ايقاف القيود : هذي طالعه فوق اول شي بالصوره..اذا طقينا عليها راح يطلب منا انحط الباسوورد اللي حاطينه حق القيود وبعد ما نحطه راح يطلع بدال الجمله .. تمكين القيود .. وماراح نقدر نتحكم بالقيود .. اما اذا كنا داشين وحاطين لنا تمكين القيود نطق عليها وراح نحط رمز دخول القيود وبعدها نأكده..و هني نقدر نتحكم بالقيود اللي نبيها.

safari سفاري و youtube اليويتوب و iTunes الايتونز : هذولا كلهم اذا بنسكرهم نسكر الازرق و بجذي ماراح نلقاهم برا واذا بنفتحهم .. نفتح المربع ع الازرق.

تثبيت التطبيقات : اذا فتحنا المربع ع الازرق راح نسمح حق البرامج تنزل من برنامج الاب ستور وتتثبت (وهذي اعتقد حق الايبود عند اليهال ماله داعي نسكرها لانه حتى لو بنزلون برنامج راح يطلبون منهم الايميل والباسوورد اللي اهو الحساب).

حذف التطبيقات : اذا خليناها ع الازرق راح نسمح بحذف البرامج..اما اذا سكرناه راح تهتز البرامج بس بدون لا تطلع علامة الاكس على جنب البرنامج بس لنقل البرامج من مكانهم.

الموقع : السماح بتغيير الموقع .. اعتقد له علاقه بخدمة المواقع.
الحسابات : السماح بتغيير الحسابات..الايميلات .

الشراء من In-App : اللي فهمته انه نسمح بالشراء من داخل البرامج..يعني بعض مثلا الالعاب يقولولج تبين تشترين وجذي.
التصنيفات لـ : حاطيلنا جم ديره .. هذي ما فهمتها حق شنو.
موسيقى وبودكاست : اذا دشينا عليها راح يحطون لنا اذا نسمح حق الموسيقى والبرودكاست الفاضح يعني في اشياء مو شي.
الافلام : اذا دشينا فيها تختارين انواع الافلام اللي تبين او عدم السماح للافلام.
برامج التلفاز : هم يحط لنا انواع الـ TV او عدم السماح لبرامج التلفاز.
التطبيقات : تبينهم كله او تختارين العمر حق البرامج اللي تبينها تطلع بالاب ستور وتقدرين تنزلينها وتناسب هالعمر.. او عدم السماح للتطبيقات يعني ما ينزل احد الا لما انا افتح هالقيد وانزل البرامج اللي ابي.

اللي اخر شي خاص حق العاب القيم سنتر Game Center .. اللي اهو برنامج الالعاب الثابت بالايفون.
العاب متعددة اللاعبين : انه يصيرون الالعاب اللي فيها لاعبين وايد مو بس واحد.
إضافة الاصدقاء : بالقيم سنتر نسمح باضافة الاصدقاء .

ملاحظه : انا فاتحه على ايبود بنتي وقاعده اشوف واكتب هالرد .. ولما تسكر لاني حاطته على جم دقيقه ويتسكر عشان البطاريه.. المهم لما رديت افتحه ولا مطلعني من القيود لاني انا كنت فاتحتهم .. يعني صج امان لو بنحطهم وننسى انه نطلع منهم ماراح احد يقدر يدش الا بالباسوورد.

 

[انا لحبيبي .]

الموضوع رهيب رهيب بالفعل رهيب ،، يعطيكم العافيه بنات

والموضوع لازم يثبت

 

[Om eLkakawiya]

انا لحبيبي

يعافيج حبوبه.. المهم استفدتي ^_^

انا مشغوله هالايام..بس افضى ان شاء الله اكمل الشغلات بعد .. لانه في واااايد شغلات بالايفون. واتمنى الكل يستفيد ^_^

 

[جلكسي عسل]

يعطيكم العافيه .... فعلا استفدت منكم وااااايد

كـــــل الشكــــر لكــــم​