كتالوج آيفون>>q8yat<<

[Om eLkakawiya]

شلون نحط نغمات؟

في طريقتين انا مجربتهم..ويمكن في طرق ثانيه..واللي مسوين جلبريك في عندهم برامج على ما اعتقد يقدرون ينزلون نغمات منها..
ابـ هالطريقتين لازم النغمات اللي راح نحطها منزلينهم على الكمبيوتر سواء نغمات عاديه او اناشيد او اغاني
او
بقولكم عن برنامج حلو تسجلين صوتج او اي صوت وبعدين تحطين عليه مثلا صدى ولا صوت آلي ووايد حركات حلوه..بس اللي مجاني جنه ما يسيف الصوت اللي تسوينه من جذي انا شريته.
اسمه pocket karaoke

الطريقه الاولى
بالايتونز :

هذا رابط من اليوتيوب..
اهو عنوان الفيديو

شرح نقل الأسماء وخيارات الأيتونز - الجزء الأول بس هم فيه يشرح شلون نسوي نغمات ونحطهم.. تابعيه عدل وفتحي الايتونز وطبقي معاه خطوه خطوه (زنقه زنقه هههه) وكلما يسوي شغله طقي ستوب وسوي مثله وبعدين كملي الفيديو...

YouTube - Q8iPhone's Channel


الطريقه الثانيه
ابـ برنامج iRinger ع الكمبيوتر

وهالطريقه عندي اسهل..وهذا رابط موضوع شرح البرنامج...

http://www.q8yat.com/t667569.html

 

[Om eLkakawiya]

آب
أب
وآب ^_^

 

[(كويتيه عسل)]

تسليم ايديج حبوبه ماقصرتي انا محترمه رغبتج وقاعده احط الاسئله بالقروب

 

[ملآمح يوسفيه]

يعطيكم العافيه
موضوع جدا مفيد

 

[قبله الدياحين]

هااااي بنات
انا عندي مشكله بالايفون ما يطلعون عندي الفيسات كلش بالرسايل والواتس اب مااقدر اطرش للناس فيسات ما يطلعون شلون اطلعهم

 

[عيون ابوها]

يعطيج العافيه جد الموضوع روعه واستفدت منه كثر


بس عندي سؤال بسيط أبي أرسل وسائط شلون ؟!

 

[Om eLkakawiya]

كويتيه عسل
يسلمج قلبي .. فديتج هههه..وانا رديت عليج بالقروب



ملامح يوسفيه
هلا بالحلوه نورتي ..مشتاقيلج ..يعافيج قلبي

يعافيكم

عفيه بنات حطو استفساراتكم بموضوع قروب الايفون..مثبت بالقسم ​

 

[Om eLkakawiya]

طريقة وضع الـ Emoji

اول شي راح ننزل برنامج من الـ app store
اسمه
Emoji Free!
وهذي صورته

بعد ما ننزله ونفتحه راح تطلع لنا التعليمات..نسوي نفسها بالضبط..ونسكر الايفون بعد ما نسويه ونرد نفتحه (انا ما سكرته بس في وايد يقولون لازم نسكره)..بعدين نرد نشغل البرنامج نفسه نفس ما اهما كاتبين..

وانا شاء الله كلكم اذا سويتوه يصير لانه انا اول مره عقدني بعدين صار.

ملاحظه:
راح يتسيفون بالكيبورد مال الايفون يعني مو بس ابرنامج واحد يطلعون..لا..بكل مكان بالايفون يطلع فيه الكيبورد.

 

[قبله الدياحين]

Om eLkakawiya

مشكوووووووووووووووره ماقصرتي
كــويــتــيــة ذهــبــيــة

 

[بصْمةُ ضِيَاءْ]

بنات ابي نغمات غير الموجودين يعني بنزل نغمات شلون؟؟

 

[بصْمةُ ضِيَاءْ]

وين احصل كفرات للايفون اشوفهم ع البنات حلووين

 

[قبله الدياحين]

غصون سميتي اطلبي كفرات
انا صراحه اشتري من ارض المعارض حيل حلوين وغريبين توني شاريه 3 حلوين
كل ما بطل اشتري منه شوفي اذا للحين مبطل اشتري منه

 

[الغزال شمالي]

يسلمووووو حبيبتي استفدت منج حيييييييييييل اقدر اقول اني صرت فلته بالايفون بسبب مجهوووودج يعطيج العافيه حبيبتي

 

[Om eLkakawiya]

بناااات ترا ابجي

لا تسولفون هني بليز .. ارد عليكم بقروب الايفون بس بليز لا تخربون الموضوع لانه في بنات تبي تستفيد مابي اخرب الموضوع بالسوالف والاستفسارات

 

[Om eLkakawiya]

قبله الدياحين

العفو حبيبتي


الغزال الشمالي

وااايد ونستيني .. يعني الحمدلله استفدتو .. الله يعافيج حبوبه

 

[Om eLkakawiya]

رابط يوتيوب أو رابط برنامج بالـapp store

اذا بنسوي برودكاست فيه رابط يوتيوب او رابط برنامج من الاب ستور..او نبي ندز حق اي احد مسج عنهم بأي برنامج بالايفون ..بس الرابط.

اول شي
رابط من اليوتيوب

ندش على فيديو اليوتيوب اللي نبيه و نروح على المكان اللي نفس الصوره

نطق على
مشاركة الفيديو
راح يطلعلنا جذي

نحدد الرابط .. ونسويله كوبي..

ثاني شي
رابط برنامج من الـapp store

ندش ع البرنامج بالاب ستور بعدين نروح تحت كلش..مثل بالصوره

نختار
إخبار صديق
راح يطلعلنا جذي

نحدد الرابط ونسويله كوبي.

***

سهل ما يبيله شي ..

 

[Om eLkakawiya]

الرجوع لأول صفحه من صفحات البرامج بسهوله


لما تصير عندنا صفحات البرامج وايد .. ونوصل مثلا لآخر صفحه ونبي نرد حق أول صفحه بطريقه سهله

بس

نطق على زر الهوم مره وحده (اللي اهو اللي تحت الدائري) وراح يردنا لأول صفحه بسرعه.

 

[عيون ابوها]

ماجوبتي على سؤالي

 

[Om eLkakawiya]

عيون ابوها

ممكن تفضين رسايلج بالخاص عشان ادزلج واجاوب على سؤالج ؟

 

[(كويتيه عسل)]

لا يوقف لا يوقف لا يوقف