- إنضم
- 29 يونيو 2011
- المشاركات
- 104
- مستوى التفاعل
- 0
- النقاط
- 0
مرحبا
اعرف ان اللي فيكم مكفيكم يعني انا جاية ازيد عليكم بكتاباتي بس من باب الاخوة الانسانية
ومن باب (كلنا اولاد ادم علية السلام)
ساعدوني بكلمة استفيد منها مع زوجي ال...
كتبت لكم سابقا اني تزوجت من خمس سنين تقريبا <<باقي ايام ويصير بالظبط خمس سنين
ولم انجب والسبب الرئيس منه..
لاني حللت ببداية زواجي والحمدلله سليمة مية مية لكن هذه السنة صار عندي ارتفاع بهرمون الحليب وهرمون lh والحمدلله عالجتة بعد طلعة الروح اما هرمون الحليب ماعالجتة لان العلاج غالي <<<تبكي
لكن زوجي عندة ضعف ورافض قطعيا يعالج
عالج اول سنتين وبعدين صابة ملل من العلاج وهو بخيل ويقول العلاجات غالية
والحين جالسين بدون اي علاج..
وكل ما اقولة تعالج يقعد يصارخ علي ويتنرفز واليوم كلة مايتكلم معي:eh_s(16):
الحين تركتة من فترة طويلة امكن سنة كاملة ماقلت له تعالج
هو بس خايف على فلوسة تخلص لانة بخيل لدرجة كبيرة..
قلت لة ناس تصرف الملايين لاجل الطفل وانت تبخل على مبلغ بسيط تدفعه للعلاج
صحيح بعض العلاجات غالية لكن ربي منعم علية وعندة وظيفتين وماشاءالله مرتبة زين ويعيش عائلة كبيرة ام 9افراد مو حنا نفرين..
المبلغ اللي بالبنك معه يقدر يعيشنا 4سنوات تقريبا..من كل المصاريف...
بس ياشين البخل..
مدري غثيتكم بكلامي او لا..:eh_s(16):
مالي غيركم اشكي لة..
بخيل لدرجة مايعطيني فلوس اشتري ملابس حق العيد او ملابس بيت وكلها ملابس صارت قديمة من الغسيل.؟
اي شي يخرب بالبيت او ينكسر مايجيب غيرة لانة يقول غالي حتى لو موغالي...كرهت كلمة غالي:eh_s(16):
تخيلو بنات
كل يوم خميس نخرج استراحة مع اصحابة وزوجاتهم وماشاءالله عليهم لبس ومكياج وعطورات فخمة وانا كأني من بادية جاية ملابسي تفشل وقديمة وماعندي غير عطر واحد اشتريتة العيد اللي طاف لان ماستخدمة غير للخرجات واخاف يخلص وما اشتري ابقا بلاعطر:eh_s(16):
وهذا الشي يهون عند هذه السالفه
اذا جينا نروح بيتنا من الاستراحة كل عائلة تدفع مبلغ بسيط ويسلمونه صاحب الاستراحة وهو يتصل علي بعد مانتعشى مباشر يقول يلا بنروح..وانا بعدين فهمت انة يخرج حتى مايسلم فلوس معهم:eh_s(16):ياويل حالي ناكل ونتنزة بفلوس الناس:eh_s(16):
ولما عرفت قلت له وصار يصارخ ويقول هم اصحابي وميانة ومدري شنو
انا صرت كل خميس ما اروح لاني اتفشل اكل واجلس بفلوس الناس وفوق ذا كلة ماعندي لبس وكلة قديم
وهو ولاهمة يروح كل خميس بصراحة ماعنده ذوق ولا ادب يعني لو طفل صغير يفهم انه يدفع معهم..
هذا كلة بعد الدلع اللي اعيشة عند امي وابوي وكتبت لكم كيف كنت عايشة ..كنت اعيش مثل ملوك بريطانياا وكل شي متوفر لي
بس ابتلاء من الله رجل بخيل بخيل بخيل لدرجة ملابسة وسخة ماعنده غيرهاا ومايشتري الابعد كم سنة لبسة وحدة..
واهلي من يوم ماتزوجت مارحت ازورهم ببريطانيا يقول تذكرة الطيارة غالية:eh_s(16): احيانا مثل الصغار ابكي بصوت عالي خلاص مليت بروح اشوف اهلي لاني محكورة بالبيت ومايعجبة اطلع منه لانة شكاك ويخاف علي من اي شي تخيلو حتى النت اشتغل على شبكة جيراننا ولا مرة مادخل نت في بيتنا وهذا الجهاز هدية من ابوي لانهم كل سنة مرة يجون زيارة لوطنا الغالي..
ومايعرف اني اشتغل بالنت والا كان ذبحني
اسفة من جديد اذا غثيتكم بس بجد ابي حل معاه ومع بخلة
لاني ابية يتعالج حتى اجيب بيبي ويملي علي حياتي..
الطلاق بمجتمعنا اللي نعيش فية عار على كل العائلة وانا احب اهلي ومابي اجيب لهم العار واتحمل لاجلهم مع اني احيانا اضعف واقول الطلاق حل
وعلى فكرة رغم انو عار خلاص تجي في بالي الفكرة كثير كثير
يارب سترك ورضاك:eh_s(16):
كتبت مشكلتي بهالقسم لاني انا هنا بسكن فية رجاء حبيبتي المشرفه لاتنقليه ارجوك
ملاحظة
كتبت هذا الموضوع بقسم تاخر الانجاب وربما هناك العدد قليل لم يتجاوب معي الا بعض البنات ربي يجزاهم الجنة
