كتب عن الحقوق والقانون ... ممكن تتفضلون ؟؟

[om-hayooona]

السلام عليكم خواتي الغاليات
كل وحده فينا تحب تقرا وتتثقف
وبغيت منكم مساعده
انا دورت وايد بالنت والمكتبات عن كتب تخص القانون والحقوق
احب اقرا عن هالاشياء وناويه انشالله بعد الولاده وبعد مايستقر وضعي واشتغل
اكمل دراستي وادرس حقوق
ماتعرفون مواقع فيها كتب عن الحقوق والقانون .. بس تخص قانونا بالكويت
لان دورت ومالقيت

ابي اقرا عن هالاشياء
منو تقدر تفيدني جزاكم الله الف خير

 

[عهود الحب]

النت بحر

ما ادري شلون افيدج بس ابحثي بقوقل و في موضوع هني لعضوة عن روابط للبحث عن كتب

سوي بحث وان شاء الله تلاقينه


والله يوفقج بدراستج ان درستي و بشغلج

 

[Little_Queen]

مادري ما أتوقع تحصلين هالنوعيه من الكتب على الانترنت

بس بالمكتبات وايد .. وااااااااااااااايد واااااااااااااااااااااااايد

بس عموما القانون الكويتي اهو نفسه القانون المصري

اهو نفسه القانون الفرنسي

الا بعض القوانين في الاحوال الشخصيه . لأن يتدخل الدين في هالموضوع فياخذون التشريعات القانونيه من الشريعه

 

[راعية الطويلة]

هلا قلبي

عندج مكتبة الطالب اللي بالشويج مكان الجامعة

فيها الكتب اللي تتدرس بالحقوق

انصحج أول شي تبدين بالقانون الدستوري لأنه الأسمى

طبعا ما لج غنى عن كتاب د.عثمان عبد الملك في شرحه للدستور الكويتي

و عقب بلشي بالمدني لأنه الأصل في القانون



و نستفيد منه استفاده يومية

و عندج جمعية المحامين مسوين مدونات للنصوص القانونية

تصلح للجيب و هي طبعا قديمة و تتجدد مع كل نص قانوني يتعدل

لج تحياتي

خريجة حقوق من سنة الطبعة

 

[om-hayooona]

مشكوووووووووووووووورين وايد وايد عالمرور والافادة

حبيبتي راعية الطويلة : من وين اييب المدونات اللي مسوينها جمعية المحامين اللي تصلح للجيب اللي قلتي عنها ؟؟
ومشكووووووووووووووووره وااااااااااااااااايد واااااااااااااااايد على افادتج

 

[dяέἆᶆ qûếếἦ]

وعليكم السلام ورحمة الله وبركاته

انا تخصصي قانون ادرس بالتجاري واشتري كتبي من مكتبة دار العلم بحولي وقريبة من الكلية

وموادنا اهم شي واول شيء اصول قانون وقانون تجاري اداري جنائي 1 و2 مرافعات 1 و2 والتزامات 1 و2 قانون تسجيل وتوثيق عقاري

ودستوري وحقوق إنسان وقانون اثبات واحوال شخصية وتحكيم كلهم تلقينهم بالمكتبة ..وكله يتكلم عن القانون الكويتي الي اهو مأخوذ من المصري

 

[pink_dream]

انصحج بمكتبه بالمثنى متخصصه ببيع الكتب القانونيه
سوري و الله نسيت اسمها انا طالبة حقوق او دايما اذا ما لقيت كتبنا بمكتبة الطالب بشويخ
اخذهم منها روحي مناك او سألي عنها انا متأكده بتحصلين اللي تبينه منها
انصحج اول شي تقرين الدستور الكويتي و مذكرته التفسيريه
واخذي كتاب القانون الدستوري لعادل الطبطائي او محمد المقاطع
و اصول القانون حق ابو الليل

او هذا موقع تقدرين تطلبين منه الكتب القانونيه
بس للامانه ما جربته
http://qanoonkw.com/?p=712
و في كتب قانونيه للتحميل
http://qanoonkw.com/?p=326

و ادعيلي

 

[LA TROO7]

اخووي خريج حقووق

عنده كتب الدنياا تلاقينها بمكتبه الطالب بالشووويخ

 

[om-hayooona]

مشكوووووووووووووووووووووورين وايد بنات وماقصرتو وعساكم عالقوة يارب ..

نا لقيت موقع اسمه موقع المحامي فيه كتب عن هالمجالات .. بس مو كلها .. بس تفيد ..
هذا رابط الموقع للي تبي :

http://www.almohame.com

 

[راعية الطويلة]

مشكوووووووووووووووورين وايد وايد عالمرور والافادة

حبيبتي راعية الطويلة : من وين اييب المدونات اللي مسوينها جمعية المحامين اللي تصلح للجيب اللي قلتي عنها ؟؟
ومشكووووووووووووووووره وااااااااااااااااايد واااااااااااااااايد على افادتج

من جمعية المحامين نفسها

و الله يوفقج حبيبتي
​