كتب فلسفة

[رفـاعية]

السلام عليكم
شلونكم خواتي ؟؟

بدون مقدمات ..
هالفترة الاحظ روحي مايلة للفلسفة نوعاً ما
خاصة إن ذبحتي المواضيع اللي تحير و تخليج تفكرين, سوالف المنطق و الواقع و الوعي و اللاوعي
ابي شوركم و مساعدتكم بكتب فلسفة قديمة او عصرية ..


و باكون شاكرة لكم :eh_s(17):

 

[حنين عمر]

و عليكم السلام ورحمة الله وبركاته ..~

هلا فيك يا رفاعية .. ~

و الله إذا تبين نصيحتي .. لا تقرأين أي شيء في الفلسفة إلا إذا كان عندك
خلفية شرعية عنها .. عشان تقدرين تفندين أي ( شبهات ) تثيرها ..
لأن أغلب الكتب الفلسفيه تستبيح الكلام عن ( الله ) ( وجوده )
( صفاته ) و ( نفيه ! ) .. بكل أريحيه و بدون أي روادع أو حدود
خصوصاً إنها مجرد فرضيات فقط .. لكن يصيغون كلامهم على أساس
إنها حقائق لإن فيه ناس كثيرين تاهوا مع الفلسفه وأنتهى أمرهم بالإلحاد ..
و كل هذا بسبب قلة علمهم الشرعي ..

وزي ما قالت فرانسيس بيكون : ( إن قليلاً من الفلسفة يجنح بالعقل إلى
الإلحاد ، لكن التعمق في الفلسفه خليق بأن يعود بالمرء إلى الدين )

و إذا كنتي واثقة من نفسك شرعياً لخوض الفلسفة .. أو كنتي تبين
تقرأين بكتب الفلسفة الثانيه اللي مالها علاقة بالأديان .. ..
فأنصحك بالكتب المبدئية بالفلسفه .. اللي تعطيك فكرة عن المذاهب
و توضحلك تعريفاتها .. لأن أغلب كتب الفلسفة تستخدم مصطلحات
تحتاج لـ ( تفسير ) .. عشان تفهمين الموضوع .. اللي يتكلم عنه الكاتب ..

و إذا حابه ( تصنيف ) معين في الفلسفة تقرأين عنّه .. خبريني و أنا
أقترح عليك اللي أعرفه ..

فيه كتب كثيرة تتكلم بفلسفة عن موضوعات منوعة .. رغم إنها
مو مصنفة تحت باب الفلسفة ، يعني مثلاً قد توجد رواية أو مجموعه
قصصيه منهجيتها فلسفيه .. لكنها ( مُدرجه ) تحت باب الأدب .



قرري اللي تبين و أنا في إنتظارك ..
.
.​

 

[رفـاعية]

مرحبا اختي (حنين العمر)

تسلمين عزيزتي على الرد .. و فعلاً معاج حق بكل كلمة .. اعوذ بالله من الالحاد و الله يبعدنا عنه و يثبت قلوبنا على دينه و توحيده قولي آمين
من الكتاب اللي قريت لهم مقتطفات مع عدم تجاوز حدود الشريعه .. مصطفى محمود .. غني عن التعريف طبعاً .. أثق فيه و في كتبه ..
اللي ابي اقراه كتب فلسفة بعيده عن (فلسفة الوجود و الحياة و الدنيا) لأني ادري ان فيها وايد اشيه يتعارض مع ديننا الاسلامي (مع ان من باب الفضول ساعات ودي اعرف شيقولون شنو يفكرون فيه) بس الافضل ابتدي بكتب تنفعني تضيف لي شي بدال النظريات و الاحتمالات في حين الامر محسوم في ديننا الاسلامي ..

كتب تطوير الذات و التعامل بمنهج فلسفي .. بس مابي كتب لها علاقة بالأديان

 

[M!SS.LOBY]

كتب الفلسفة حلوة وممتعة تزيدج ثقافة وتعلم وتطور