كتف العجل بالفرن بالصور

[noynoy]

السلام عليكم
هالوصفه وايد سهله و ما يبيلها شغل ، بس يبيلها وقت تقريبا 4 ساعات بالفرن

المقادير:
كتف عجل او خروف (انا حطيت كتفين لان كان عددنا وايد)
بطاط مهروس
مشروم
زعتر بري
صنوبر

مقادير التتبيله:
وستشر صوص تقريبا نص كوب
باربيكيو صوص 4 قفاش
ملح
فلفل اسود
كمون قفشه صغيره
جوزه الطيب قفشه صغيره
دارسين قفشه صغيره
بهار حلو قفشه صغيره و نص
ليمونه
3-4 فصوص ثوم مهروس

مقادير الماش بوتيتو:
بطاط
ملح
فلفل اسود
حليب كوب
زبده 4 قفاش
كريمه نص كوب

الطريقه
اول شي نغسل اللحم و ننشفه من الماي

[/IMG]

بعدين بالسجينه نسوي شقوق خفيفه على اللحم عشان يتشرب التتبيله

[/IMG]

و نتبله عدل (ما نكثر ملح بالتتبيله ذره بس لان الوستشر صوص مالح) من ورا و جدام، و نحط فوقه اوراق الزعتر و نغطيه بنايلون و نخليه ليله كامله بالثلاجه

[/IMG]

عقب نطلعه و ندخله الفرن على نار متوسطه –عاليه، بس مو اعلى شي عشان ما يحترق لمده ساعه و نص

[/IMG]

بعدين نطلعه من الفرن و نقلبه و ندخله مره ثانيه لمده ساعه و نص

[/IMG]

عقب نطلعه من الفرن و نشيل اللحم و نحطه على كتر
ناخذ الماي و عصاره اللحم اللي بالصينيه و نحاول نشيل الدهن منها، و بعدين نحطها بجدر على النار و نضيف عليها باربيكيو صوص

[/IMG]

نحط بالصينيه الماش بوتيتو و بعدين اللحم فوقه

[/IMG]

و نغطي اللحم بالصوص اللي توا سويناه بشكل كامل عشان يطلع لونه حلو

[/IMG]

[/IMG]

و نحط المشروم،حق كل كتف علبه مشروم، و ندخله الفرن لمده ساعه

[/IMG]

بعين نطلعه عقب ما نتأكد انه استوى و نزينه بالزعتر و الصنوبر المحمص

[/IMG]

[/IMG]


طريقه الماش بوتيتو:
نفوح البطاط لما يستوي حيل، بعدين نهرسه و نحطه بالجدر
نضيف نص كوب كريمه و كوب حليب و ملح و فلفل اسود و زبده تقريبا 4 قفاش و نخليهم لما يتجانسون
و انشالله تعجبكم الطبخه

 

[زوجة عزيز]

 

[Tulips]

حسافه الصور مو طالعه

عليكم بالعافيه حبيبتي وتسلم ايدج

 

[جارة القمر]

مشكووووره


بس الصور مو طالعه

 

[noynoy]

وي سوري بنات
شوفو الحين طالعه الصور ؟

 

[أحلى همبه كويتية]

ما شاء الله
علييييييييييييييكم بألف عافية
وربي يحرم ايدياتك عن النار

 

[حلوة ومملوحة الكويت]

تسلم الأياااادي
مشكوووووره​

 

[noynoy]

الله يسلمكم
حياكم اله

 

[هيوفه الحلوه]

الصور مووووو طالعه
عيدي التحميل ... مره ثانيه

ومشكوررره اختي..,

 

[*peace*]

شهالزين نوي نوي ماشاء الله عليج تسلم ايدينج

طاحت سعابيلي

 

[noynoy]

هيوفه: حملتهم مره ثانيه ترا
بيس: الله يسلمج مشكوره

 

[فراولة زوجها]

تسلم ايدج
على الطبخه شهيتيني

 

[UNICORNA]

تحححححححححفه

حفظته عندى وان شالله بجربه (=

تسلم يدك خبوبه

 

[noynoy]

حياكم الله بنات

 

[الزهرة الخضراء]

يسلموو

 

[noo77noo]

يعطيـــــج العافيــــــه​

 

[**selena**]

الله شهيتيني تسلم ايدج

 

[noynoy]

حياكم بنات

 

[NEW WOMEN]

واو تسلم ايدينج