البارت الحادي عشر
...
لندن .. 2009
" لندن الي لها القلب يشتاق " كلمات كانت ترددها بنت قاعده بنفس الطياره الي فيها حنان .. طبعا حنان ماكانت تسمعها .. بس انا حبيت اضيف هالشغله .. كلنا نحب نسافر ونستانس لكن مو بكل سفره الواحد يكون مستانس والمثال البنت كانت طايره من الفرحه بتروح لندن بعكس حنان الي كانت لايعه جبدها وخايفه انها ماترجع الكويت .. ساعات ناس تكون بنفس الطياره ناس طايره من الفرح وناس حزينه .. ناس متشوقه ترد لبلدها وناس متالمه على ترك بلدها ناس تقول الوداع وناس تقول الى اللقاء ناس .. وناس وناس الهدف من الكلام ان مو كل المسافرين سعداء
...
خالد : حنان شفيج كلش مو عاجبتني صار لنا ساعتين وانتي ساكته
حنان تبتسم بحزن : شتبيني أقول
خالد : قولي أي شي .. سولفي معاي ما أحب أقعد ساكت
حنان : شقول أنت سولف
خالد : اممم .. خلاص ما أبي أضايقج أشوف الفيلم أحسن
حنان طالعت الدريشه بابتسامه فيها حزن وبعدين قالت : حتى أنا مليت متى نوصل ..؟
خالد : تو الناس
حنان : زين أنت أول مره تسافر
خالد يضحك : شدعوه .. لا طبعا
حنان : قصدي أول مره تروح للندن
خالد : لا مو أول مره .. ان شاء الله بنرجع وبغنيلج طاير من الفرحه طاير ... هههههههههه
حنان تبتسم
خالد رد لها الابتسامه وسكت
...
" سمعنا سوالفهم العاديه لكن ماسمعنا سوالفهم الي مانقدر نسمعها "
حنان بنفسها : شفيه متغير علي .. يضحك ويتغشمر .. معقوله يكون متعاطف معاي على شاني مريضه
خالد بنفسه : الحين شلون على السكن .. ومصاريف المستشفى والعمليه آنا لو ماخذ من أمي فلوس زياده مو أحسن .. أخاف الفلوس ماتكفينه .. لاحول ولاقوة الله بالله
...
ببيت أم خالد
مشعل يبوس راس أمه : شلون الغاليه اليوم
أم خالد : زينه
مشعل : عسى دوم تكونين بخير يا احلى ام بالدنيا
أم خالد : خلصني شعندك
مشعل : مشكلتج أنج عارفتني
أم خالد : شغل وتشتغل ومعاش وعندك شتبي
مشعل : أفا .. يعني أنا ما أطلب منج الا فلوس .. يمه ترى ماصارت مليت متى بتخطبين لي
أم خالد : اوف تراك غثيتني .. توك طالع من المستشفى أصبر شوي
مشعل : مافيني شي شوفيني جدامج
أم خالد : خلاص زين أكلم أم البنت وآخذ معاها موعد وان شاء الله خير
مشعل : زين من بنته
أم خالد : بنت فهد الـ *****
مشعل : صج .. شسمها ..؟
أم خالد : نوف
...
خالد : حنان .. حنان يهزها مع جتفها
حنان تفز : هلا خالد
خالد : يالله وصلنا يالله قومي
حنان تتثاوب : الساعه جم ..؟
خالد : تسع الصبح
...
الكويت .. كلية التربيه الأساسيه
نوف : أبرار وي ماقلت لج انخطبت
أبرار بصدمه : صصج
نوف باستغراب : اي صج شفيج
أبرار تبتسم بالغصب : ووافقتي والا للحين
نوف : بعد مايبي لها كلام ولد عمي
أبرار بنفسها : تمنيت انج تكونين من نصيب مشعل
أبرار : مبروك
نوف : شفيج أحس انج مو على بعضج
أبرار متوهقه : شفيني مافيني شي
نوف : أوكي
...
طلعوا خالد وحنان من المطار .. وركبوا تاكسي
سايق التاكسي : وين بتروحون
خالد : البارك ويست
سايق التاكسي : اوكي
خالد : قولي ان شاء الله نلقى شقه
حنان دايخه : ان شاء الله
...
ساره : زين انها انخطبت أحسن
أبرار : ليش شفيها البنت
ساره : مافيها شي تهبل .. تينن تنحط على الجرح يبرى .. بس آنا كنت أتمنى له أخت ريلي منيره مشاء الله عليها تهبل كامله والكامل الله .. أدب وذوق وجمال وآخر سنه لها بالثانوي ناويه على طب .. بعد شيبي
أم خالد : وليش مو مشاعل
ساره : ويييييييييع .. لاجسم ولاويه استغفر الله ولا اسلوب دفشه ولاشهاده شيبي فيها
أبرار : بسج حش بخلق الله استغفري وراج بنت
ساره : استغفر الله
...
بعد ما راحوا حنان وخالد لشقتهم وارتاحوا .. طبعا خذو لهم قيلوله
خالد : نطلع نتمشى
حنان : أوكي
خالد : وين حابه تروحين
حنان : عادي
خالد : زين يالله بدلي ملابسج
طلعوا تمشوا بشارع اكسفورد بعدين راح خالد يحجز موعد للمستشفى
مرت الايام سريعه مر أسبوع وصار موعد حنان
الدكتور : راح نبدي أول شي بالكيماوي
خالد : دكتور بس قالوا لنا لازم نسوي العمليه بأسرع وقت
الدكتور : لازم نبتدي بالكيماوي على شان يمنع انتشار المرض لأنه اذا سوينا العمليه احتمال المرض ينتشر
خالد : زين ما يأثر على صحتها
الدكتور : لا ما يأثر ويمكن يروح وماتحتاج لعمليه
حنان : صج دكتور
الدكتور : طبعا .. بس أنتي أهم شي نفسيتج تكون مرتاحه ولازم يكون عندج أمل
...
الدكتور يكلم خالد : ترى المريضه محتاجه لعمليه بس قلت لها جذي على شان اعطيها امل لو بسيط ان تتعالج وارد اعيد كلامي اهم شي نفسية المريض لاتزعلها
...
حنان : شفيك طولت
خالد : هــا .. لا بس كان يقولي متى الموعد
حنان : اها
خالد بنفسه : الحين شلون بغير نفسيتها .. اذا انا بروحي ابي الي يغير نفسيتي
...
مشعل : من صجج
أبرار : اي
مشعل : شسمها ...؟
أبرار : منيره مادري مشاعل وحده فيهم
مشعل : لا انا ابي مشاعل نفس اسمي
أبرار : ماتضحك
مشعل : انا قلت لج ضحكي
أبرار : ويعه
مشعل : زين .. تصدقين مادري شفيني على الزواج الحمدالله والشكر
أبرار : عادي .. الكل يحلم بالاستقرار
مشعل : تكلمت الفيلسوفه
أبرار : طبعا فيلسوفه
مشعل : زين شخبار خالد وحنان .. ومتى عمليتها
أبرار : بخير وحنان احتمال ماتسوي عمليه
مشعل : زين خوش خبر
أبرار : بس يضل احتمال مو أكيد
مشعل : ان شاء الله ماتحتاج لعمليه
أبرار : ان شاء الله
...
الهايد بارك
حنان : يحلو الجو
خالد : اي والله مو مثل جونا
حنان : ديرتنا حلوه بحرها وبردها
خالد : مستانسه
حنان تبتسم : عادي
خالد : زين .. بقولج كلمتين ونسي روحج ترى الدنيا ماتسوى وبالنهايه كلنا بنموت محد بيبقى
حنان : خالد قلت لي كلمه حزت بخاطري واايد
خالد مستغرب ورافع حاجبه : شنو ..؟ شقلت ..؟
حنان : العمره .. ودي أروح العمره
خالد : ان شاء الله بتروحين
حنان : بس أنا خايفه أموت قبل ما أروح
خالد : حنان وعد مني مو أوديج العمره أوديج الحج بس لاتييبين طاري الموت
حنان : شسوي هالشي الوحيد الي ابيه من الدنيا
خالد : وانا فكري فيني
حنان : بالحالتين احنا بنتطلق
خالد : هذاك أول
حنان تبتسم : خالد جد ترى انا مو محتاجه أحد يعطف علي
خالد : خلاص .. زين قوليلي الي بقلبج فضفضي
حنان : خلاص انسى
خالد : انا ابي اسمعج
حنان : ما أبيك تكرهني أكثر من ما أنت كارهني انسى
خالد : زين واذا اصريت اني أسمع سالفتج
حنان : وليش توك تبي تسمعها ..؟
خالد : بس أبي أسمع بدون ليش ..؟
حنان : بقولك السالفه بس أوعدني أنك ماتحتقرني .. أوعدني أنك ماتكرهني
خالد منصدم : أووله كل هذا
حنان : أنا أعترف أني غلطت بس تبت والله تبت
خالد عصب بس ماسك نفسه : خلاص مصدقج
حنان : والحين قولي .. راح تسمعني والا هونت
طالعها ونظرات الاصرار مبينه من عيونه .. اتخذ قراره ومرح يرد فيه .. راح يعرف سالفة البنت الي حبها وتزوجها .. راح يسمعها يمكن يقدر يصدقها اذا كانت مظلومه ويمكن يسامحها اذا كانت غلطانه
خالد : ابي أسمعج لي النهايه
...
أنتهى البارت .. أبي آرائكم وانتقاداتكم .. وآسفه قلت لكم بنزل لكم بارتين اليوم بس ماقدرت لأن باجر ان شاء الله وراي قعده من الصبح
