البارت الثاني عشر
...
حنان ماسكه روحها لأنها شوي وتبجي كانت تبي تصير قويه وماتنزل منها دمعه وحده .. يمكن تكون غلطت لكن مو عيب لمن الواحد يغلط العيب لمن الواحد يكرر الغلط .. الانسان لازم يكون مسؤول عن أي غلط يسويه ويراجع نفسه ألف مره قبل لايرتكب غلط يمكن يكون نقطه سوده بحياته أو يدمر له حياته لانه مو كل غلط بسرعه يتصلح في أغلاط صعبه تتصلح لأنه الي ينكسر عمره مايتصلح وحتى اذا تصلح مايرد مثل ماكان ..~
حنان لفت ويهها عن خالد .. ماتبي تطالعه .. أو بالأصح مالها ويه .. ترددت وايد قبل ماتقول هالكلام .. لكن شي كان يقولها قولي وطلعي الي بقلبج .. طالعت السما كانت بحزة المغرب الساعه تقريبا تسع بالليل الحديقه بدت تفضى .. الهدوء بدى يعم بالمكان .. لدرجة انها كانت تسمع صوت نسمها
حنان : كان وقتها عمري 17 سنه .. يعني قبل أربع سنين تقريبا .. كان حلمي مثل أي بنت كانت تحلم انها تلقى فارس أحلامها .. الي يحسسها انها أحلى وحده بالدنيا .. يقولها كلام حلو .. يحرص عليها ويهتم فيها .. يمكن مو كل البنات يفكرون مثلي .. لكن أنا فعلا كنت محتاجه شخص يحبني ويفضلني على نفسه .. وفعلا ماترددت اني أكلم أول شخص رقمني .. أدري اني غبيه .. لكن كنت أشوف بعض رفيجاتي كل وحده عندها حبيب وكنت أقول بيني وبين نفسي أهم بشنو أحسن مني .. شجعوني اني أكلم .. أطلع جذابه اذا قلت لك كل رفيجاتي شجعوني .. في وايد نصحوني .. ياليتني سمعت كلامهم .... لكن صج الندم مايفيد .. تعرفت عليه وصار جزء مهم بحياتي .. كنت لازم أكلمه كل يوم واذا مر يوم وماكلمني كنت أشعر بشيء ناقصني .. حبيته .. كان يقول لي كلام حلو يحسسني اني طايره بالهواء .. كان كل يوم ينطرني عند باب المدرسه ويظل وراي لين ما أوصل للبيت .. كنت أشوف صورتي بعيونه .. عمره ماطلب أن يطلع معاي بروحنا بالعكس يمكن آنا الي كنت أطلب منه .. بس أهو كان يقولي لا .. أخاف أحد من أهلج يشوفج ..
أبتسمت باستهزاء وقالت : المفروض أنا الي أخاف مو أهو ..المهم اني أحبه كنت عميه بحبه .. وعلى بالي صج يحبني وخايف علي ماكنت أدري عن نيته الشينه مره وأنا أكلمه قال لي شرايج أشوفج اليوم .. أجذب عليك اذا قلت اني ما استانست .. كنت طايره من الفرحه وأخيرا .. قالي اني خايف عليج وما أبي نطلع بمكان عام .. شرايج تيين عندي بالشقه وحلف لي أنه مرح يجيسني بس نقعد مع بعض وناخذ راحتنا سوى .. اقتنعت بكلامه .. وفعلا طاوعته ورحت وصار مثل ماقال بس قعدنا مع بعض وتعودت على هالشي .. كنت كل يوم أروح له .. ظليت شهر معاه وبعد هالشهر بدينا نتمادى .. شوي شوي
لين ماصار الي صار .. قعدت ابجي .. وكان يهديني ويقول لي راح اتزوجج لاتخافين ارتحت من كلامه .. بس كان كل مايقول لي امشي الشقه كنت اتعذر بأي شي .. بعدين شكله مل مني وتركني
دمعت عينها وقالت : دق علي وقالي احنا مو لبعض .. زين ليش ..؟ شسويت ..؟ حرام عليك عقب الي سويته تتركني
قال لي : أنا ماجبرتج على شي كل شي صار برضاج
مسحت دمعتها : صرت بحاله مايعلم فيها الا الله .. من بعد الي صار لي الي انا السبب فيه انا الي يبت كل هذا لنفسي أنا الغبيه .. بس كان في شي حلو من كل الي صار .. اني تعلمت من غلطتي .. تعلمت ان فعلا ماكو حب قبل الزواج .. تعلمت ان حتى لو كان في حب قبل الزواج مرح يستمر .. صرت قريبه من ربي .. صرت احافظ على صلاتي .. وأحرص على قيام الليل .. حسيت براحه مو طبيعيه .. لكن كنت أخاف من باجر .. كنت أخاف شنو راح يصير
لفت ويهها تناديه : خالد
قامت واهي خايفه ومصدومه : وين راح ..؟
ياربي أنا الحين شلون أرد ما أدل .. لايكون صار له شي ياربي .. أنا ليش قلت له ليش ..؟
...
بدت تبجي المكان كان هادي .. وهدوء .. قعدت تتلفت يمين .. يسار .. ماكو أثر .. وينه .. وين راح .. شلون ماحسيت فيه .. وينك ياخالد ..؟
الحين شنو بسوي .. أفكار توديها وتييبها ماتدري وين تروح .. ماكو عربي أسأله ويدليني .. كلهم أجانب .. ياربي ساعدني .. لفت تدوره .. بلى كاهو ياي صوبها .. راحت تركض ناحيته .. وينك .. وين رحت ..؟
خالد ابتسم : تبين الصراحه أنا ماكنت أبي أسمعج .. بس كنت أبيج تطلعين الي بقلبج يمكن ترتاحين .. وهاج << يمد ايده .. يبت لج آيس كريم على شان يبرد على قلبج وامشي نرد الشقه لأنه الوقت تأخر
حنان تبجي : ليش ..؟ انت ماسمعتني
خالد طالعها وحط ايده على حلجها : لا أنا أبنسى كل شي وببدي معاج صفحه يديده .. ما أبي أسمعج وأعور قلبي .. حنون لاتبجين
حنان : خالد انت صج تبيني .. ترى اذا طلع كل الي قاعد تسوي عطف والله راح أموت
خالد : اسم الله عليج من الموت .. حنان أنا بقولج شغله
حط ايده ورى ظهرها وقعدو يمشون
خالد : أنا من تزوجتج وأنا عمري ماشفتج تطوفين فرض .. أو تطلعين من البيت أو تكسرين كلامي .. كبرتي بعيني .. وانا أبيج الحين وشاريج
حنان تبتسم : وأنا والله العظيم .. عمري مافكرت أخونك .. خالد أنا يمكن غلطت بس تبت والله تبت
خالد ابتسم : يعني يمكن تفكرين انج تخونيني
حنان تطقه مع جتفه : حقير
خالد ابتسم لها .. لكن بقلبه نار يغلي .. مو بسهوله يحبها .. مو بسهوله يسامحها.. بس ماندري شنو بيصير
مشعل خطب منال أخت ريل ساره .. عجبته وخطبها .. وتمت الخطبه وحددوا موعد الملجه
...
حنان ماسكه روحها لأنها شوي وتبجي كانت تبي تصير قويه وماتنزل منها دمعه وحده .. يمكن تكون غلطت لكن مو عيب لمن الواحد يغلط العيب لمن الواحد يكرر الغلط .. الانسان لازم يكون مسؤول عن أي غلط يسويه ويراجع نفسه ألف مره قبل لايرتكب غلط يمكن يكون نقطه سوده بحياته أو يدمر له حياته لانه مو كل غلط بسرعه يتصلح في أغلاط صعبه تتصلح لأنه الي ينكسر عمره مايتصلح وحتى اذا تصلح مايرد مثل ماكان ..~
حنان لفت ويهها عن خالد .. ماتبي تطالعه .. أو بالأصح مالها ويه .. ترددت وايد قبل ماتقول هالكلام .. لكن شي كان يقولها قولي وطلعي الي بقلبج .. طالعت السما كانت بحزة المغرب الساعه تقريبا تسع بالليل الحديقه بدت تفضى .. الهدوء بدى يعم بالمكان .. لدرجة انها كانت تسمع صوت نسمها
حنان : كان وقتها عمري 17 سنه .. يعني قبل أربع سنين تقريبا .. كان حلمي مثل أي بنت كانت تحلم انها تلقى فارس أحلامها .. الي يحسسها انها أحلى وحده بالدنيا .. يقولها كلام حلو .. يحرص عليها ويهتم فيها .. يمكن مو كل البنات يفكرون مثلي .. لكن أنا فعلا كنت محتاجه شخص يحبني ويفضلني على نفسه .. وفعلا ماترددت اني أكلم أول شخص رقمني .. أدري اني غبيه .. لكن كنت أشوف بعض رفيجاتي كل وحده عندها حبيب وكنت أقول بيني وبين نفسي أهم بشنو أحسن مني .. شجعوني اني أكلم .. أطلع جذابه اذا قلت لك كل رفيجاتي شجعوني .. في وايد نصحوني .. ياليتني سمعت كلامهم .... لكن صج الندم مايفيد .. تعرفت عليه وصار جزء مهم بحياتي .. كنت لازم أكلمه كل يوم واذا مر يوم وماكلمني كنت أشعر بشيء ناقصني .. حبيته .. كان يقول لي كلام حلو يحسسني اني طايره بالهواء .. كان كل يوم ينطرني عند باب المدرسه ويظل وراي لين ما أوصل للبيت .. كنت أشوف صورتي بعيونه .. عمره ماطلب أن يطلع معاي بروحنا بالعكس يمكن آنا الي كنت أطلب منه .. بس أهو كان يقولي لا .. أخاف أحد من أهلج يشوفج ..
أبتسمت باستهزاء وقالت : المفروض أنا الي أخاف مو أهو ..المهم اني أحبه كنت عميه بحبه .. وعلى بالي صج يحبني وخايف علي ماكنت أدري عن نيته الشينه مره وأنا أكلمه قال لي شرايج أشوفج اليوم .. أجذب عليك اذا قلت اني ما استانست .. كنت طايره من الفرحه وأخيرا .. قالي اني خايف عليج وما أبي نطلع بمكان عام .. شرايج تيين عندي بالشقه وحلف لي أنه مرح يجيسني بس نقعد مع بعض وناخذ راحتنا سوى .. اقتنعت بكلامه .. وفعلا طاوعته ورحت وصار مثل ماقال بس قعدنا مع بعض وتعودت على هالشي .. كنت كل يوم أروح له .. ظليت شهر معاه وبعد هالشهر بدينا نتمادى .. شوي شوي
لين ماصار الي صار .. قعدت ابجي .. وكان يهديني ويقول لي راح اتزوجج لاتخافين ارتحت من كلامه .. بس كان كل مايقول لي امشي الشقه كنت اتعذر بأي شي .. بعدين شكله مل مني وتركني
دمعت عينها وقالت : دق علي وقالي احنا مو لبعض .. زين ليش ..؟ شسويت ..؟ حرام عليك عقب الي سويته تتركني
قال لي : أنا ماجبرتج على شي كل شي صار برضاج
مسحت دمعتها : صرت بحاله مايعلم فيها الا الله .. من بعد الي صار لي الي انا السبب فيه انا الي يبت كل هذا لنفسي أنا الغبيه .. بس كان في شي حلو من كل الي صار .. اني تعلمت من غلطتي .. تعلمت ان فعلا ماكو حب قبل الزواج .. تعلمت ان حتى لو كان في حب قبل الزواج مرح يستمر .. صرت قريبه من ربي .. صرت احافظ على صلاتي .. وأحرص على قيام الليل .. حسيت براحه مو طبيعيه .. لكن كنت أخاف من باجر .. كنت أخاف شنو راح يصير
لفت ويهها تناديه : خالد
قامت واهي خايفه ومصدومه : وين راح ..؟
ياربي أنا الحين شلون أرد ما أدل .. لايكون صار له شي ياربي .. أنا ليش قلت له ليش ..؟
...
بدت تبجي المكان كان هادي .. وهدوء .. قعدت تتلفت يمين .. يسار .. ماكو أثر .. وينه .. وين راح .. شلون ماحسيت فيه .. وينك ياخالد ..؟
الحين شنو بسوي .. أفكار توديها وتييبها ماتدري وين تروح .. ماكو عربي أسأله ويدليني .. كلهم أجانب .. ياربي ساعدني .. لفت تدوره .. بلى كاهو ياي صوبها .. راحت تركض ناحيته .. وينك .. وين رحت ..؟
خالد ابتسم : تبين الصراحه أنا ماكنت أبي أسمعج .. بس كنت أبيج تطلعين الي بقلبج يمكن ترتاحين .. وهاج << يمد ايده .. يبت لج آيس كريم على شان يبرد على قلبج وامشي نرد الشقه لأنه الوقت تأخر
حنان تبجي : ليش ..؟ انت ماسمعتني
خالد طالعها وحط ايده على حلجها : لا أنا أبنسى كل شي وببدي معاج صفحه يديده .. ما أبي أسمعج وأعور قلبي .. حنون لاتبجين
حنان : خالد انت صج تبيني .. ترى اذا طلع كل الي قاعد تسوي عطف والله راح أموت
خالد : اسم الله عليج من الموت .. حنان أنا بقولج شغله
حط ايده ورى ظهرها وقعدو يمشون
خالد : أنا من تزوجتج وأنا عمري ماشفتج تطوفين فرض .. أو تطلعين من البيت أو تكسرين كلامي .. كبرتي بعيني .. وانا أبيج الحين وشاريج
حنان تبتسم : وأنا والله العظيم .. عمري مافكرت أخونك .. خالد أنا يمكن غلطت بس تبت والله تبت
خالد ابتسم : يعني يمكن تفكرين انج تخونيني
حنان تطقه مع جتفه : حقير
خالد ابتسم لها .. لكن بقلبه نار يغلي .. مو بسهوله يحبها .. مو بسهوله يسامحها.. بس ماندري شنو بيصير
مشعل خطب منال أخت ريل ساره .. عجبته وخطبها .. وتمت الخطبه وحددوا موعد الملجه
...
الساعه تقريبا 11 بالليل وصل له برودكاست من دلال
DloOoOoOoOoL : مبروك الخطبه ماتوقعت انك تبيعني بهالسهوله .. الله يوفقك معاها
مشعل عيونه بغت تطلع
مشعل بنفسه : الحين أنا الي بعتها والا اهي الي باعتني والله مادري شلون صايره هالانسانه
رد لها : الله يبارك فيج .. الفال لج ان شاء الله .. بس حبيت أقولج شغله أنتي الي بعتيني مو أنا
DloOoOoOoOoL : على الاقل أنا مو من أول زعل قلت لك ما أبيك
مشعل : دلال تبين شي لأني بنام
DloOoOoOoOoL : لا ما أبي شي منك بس حبيت أبارك لك بالخطبه .. زين اهي حلوه
مشعل : استغفر الله صاجه أبرار لمن قالت ان هالانسانه مريضه
مشعل : حسافه
DloOoOoOoOoL : شنو الي حسافه << وحاطع فيس يعني مستغربه
مشعل : حسافه اني ما أعرفها من زمان
DloOoOoOoOoL ماردت عليه
مشعل سكر تلفونه وقال : الحمدالله انها يت منها وقالت انها ماتبيني لاني فعلا ماعدت اتحملها
...
مر شهرين .. بدى شعر حنان يطيح .. صارت ضعيفه .. والسواد الي تحت عيونها زاد .. مرضها فعلا كبرها 20 سنه جدام
حنان : خالد
خالد : عيونه
حنان : ترى مليت الكيماوي تعبني .. لي متى
خالد نزل راسه بالارض بعدين طالعها : حبيبتي صبري ترى الصبر زين .. بس في خبر حلو
حنان متشجعه : شنو
خالد يبتسم : أنا كلمت الطبيب وسمح لنا نسافر هالشهر .. وراح نحظر ملجة مشعل .. بعدين نروح العمره بعدين نرجع
حنان لفت ويهها : لا ما أبي .. ماني رايحه
خالد رافع حاجبه : الحين مو انتي تبين العمره
حنان تدمع عينها : أنا أبي أروح العمره .. بس ماني راده الكويت
خالد : ليش ..؟
حنان : خالد أنت شايف شكلي
خالد : وشفيج تهبلين
حنان تبجي : لاتجذب علي .. خالد أنا ما أبي أحد يشوفني بهالشكل
خالد : يعني أخوي ما أحظر ملجته على شان حظرتج ماتبين أحد يشوفج
حنان تمسح دموعها : خلاص روح أنت
خالد : لا والله وأخليج بروحج .. مينون أنا مو صاحي
حنان : الله يخليك احترم رغبتي
خالد : خلاص .. راح أقول لأهلي ان الدكتور ماسمح لنا نسافر
حنان : أوكي
خالد طلع واهو معصب
حنان : هذا طبعك ماتغير
...
أم خالد : الدكتور ماسمح لحنان انها تسافر لأنه راح يأثر على صحتها
مشعل : لا حسافه تمنيت انهم يحظرون ملجتي
أم خالد : الله يردهم بالسلامه
مشعل : ان شاء الله
أفراح : يمه الحين انتوا بتسوون العرس والملجه مع بعض
أبرار : هههههه .. أفراح لا أمبي .. أنتي مو صج .. جنه مو أهلج .. الناس من متى محددين موعد الملجه وانتي توج أمس تدرين .. والحين يايه تقولين
أفراح تقاطعها : وأنا شدراني .. مو انتوا مافيكم خير ماتقولون لي
مشعل : يحليلج يا أفراح .. على نياتج
أفراح : زين خلصوني لأني للحين ماشريت بدله للعرس
أم خالد : العرس والملجه مع بعض ان شاء الله
...
أم ناصر : دلال الخميس الياي عرس مشعل
دلال : واهو متى ملج على شان الاسبوع الياي عرسه
أم ناصر : بيسوون العرس والملجه مع بعض
دلال : مشاء الله وليش مستعيلين
أم ناصر : بعد الريال بيتزوج
دلال : اي .. أشوفه لمن كان خاطبني ماكان يتكلم عن الزواج
أم ناصر : الله يعوضج باللي أحسن منه
دلال : ان شاء الله
أم ناصر : أمس دقت علي أم علي
دلال : منو أم علي ..؟
أم ناصر : أم علي ييران بيت أهلي
دلال : شفيها .. شتبي
أم ناصر : تخطبج .. بعد شتبي
دلال : ويع .. أصوم أصوم وأفطر على بصله .. وبتخطبني لأي ولد فيهم علي والا عثمان
أم ناصر : علي متزوج من زمان .. وبعدين تعالي انتي شعرفج فيهم
دلال : اعرف مرت بباي أختهم .. المهم مابيه
أم ناصر : زين أنتي شوفيه .. قعدي معاه يمكن يعجبج وتتزوجون
دلال : ما أبيه .. ويع
أم ناصر : شفيه الولد .. شنو عيبه
دلال : زين هالعثمان شنو يشتغل
أم ناصر : محامي .. عمره 26
دلال بدت تقتنع : زين خلاص .. أشوفه بس اذا ماعجبني ما أبيه
أم ناصر : دلوله ترى مو كل يوم بيطق بابج واحد زين .. البنات الحين تدور الرياييل دواره
دلال : أووهووو
أم ناصر : رفيجاتج كلهم تزوجوا
دلال : أنتي شعرفج بكل رفيجاتي
أم ناصر : قصدي بنات عمج وبنات خالاتج الي بعمرج
دلال تستهزء : عاد من خذوا الامير ويليام ... كل وحده ريلها اجكر من الثاني
أم ناصر : الجمال جمال الروح
دلال : هذا مثل جياكر .. يمه خلاص لاتحسسيني أني بصير عانس
أم ناصر : يعني أنا جيكره تدرين شلون كيفج بس اذا عنستي لاتبجين
دلال : يمه انا قلت لج بشوف عثمانوو هذا يمكن يعجبني
أم ناصر : يعني أحدد معاهم موعد
دلال : أيه
أم ناصر بس مو تفشليني مع الناس
دلال : يعني أنا أفشل
أم ناصر قامت وخلتها
...
انتهى البارت آرائكم وانتقاداتكم
