كثير من العنا فيني ..! وأقول أخفيه وأكابر .. بقلمي : ρeαrℓ

[rawnaq]

اوكي عيل قلبو بانتظارج صباحي اليوم ماكو شغل

 

[ρeαrℓ]

البارت الرابع عشر​

...​

بعد مرور شهرين .. لندن بشقة خالد وحنان ​

خالد يعدل شكله بالمنظره : يالله أنا طالع تبين شي ​

حنان بصدمه : وين رايح ..؟​

خالد طالعها : بروح اتمشى ​

حنان بابتسامه : خلاص عيل أنا بروح معاك << وقامت ​

خالد مرتبك : ها .. لا أنتي تعبانه قعدي أرتاحي ​

حنان : شدعوه خالد أنت سمعت الدكتور قال لازم أغير جو بعدين احنا كل يوم نطلع يت على اليوم​

خالد : حنان أنا تذكرت اليوم واحد من الربع دق علي عاد بروح اسلم عليه​

حنان : خلاص عيل دام جذي أنا بدق على أم عبدالله أطلع معاها ​

خالد : ها .. يمكن مشغوله ليش تدقين عليها بعدين الوقت تأخر لاتطلعين ​

حنان شاكه بالموضوع : أنت شفيك ليش ماتبيني أطلع ​

خالد : اوهو تدرين شلون سوي الي تبينه ​

....​

الكويت .. بالمطعم ​

منال بدلع : مشعل شرايك نسافر من تزوجنا ماسافرنا ​

مشعل بابتسامه : غاليه والطلب رخيص .. بس الدوام شـ...​

منال تقاطعه : حياتي نروح بالويك اند .. يعني ماقلت أوربا .. نروح دبي .. قطر​

مشعل : ولا يهمج .. نروح جم منوله عندي ​

منال تبتسم : الله لايحرمني منك حبيبي ​

...​

بصوب ثاني بالمطعم ​

دلال منقهره : شفتيه شلون يضحك معاها​

جنى : دلول بسج انتي الحين مخطوبه لي متى بتظلين تلحقينهم خلاص انسيه​

دلال بحقد : مرح أخليهم .. جذي يسوي فيني هين يامشيعل ​

جنى : دلول انا بسألج مو أنتي الي ماتبينه ​

دلال بعصبيه : تخيلي كنت أحن عليه متى نتزوج متى نتزوج واهو والا على البال واول ماتركني تزوج جنه ماصدق على الله اتركه وماتبيني ازعل ​

جنى : وانتي تزوجتي خلاص ​

دلال : ويع لاتذكريني فيه .. من أول ماشفته وانا لايعه جبدي .. امي غصب تبيني آخذه​

جنى : دلول هذا زواج مافيه غصب ​

دلال : والله صراحه بديت أفكر بكلام أمي أخاف أعنس ​

...​

منال : حياتي أنا رايحه الحمام << عزكم الله​

مشعل : اخذي راحتج قلبي ​

...​

دلال متشجعه : قومي قومي ​

جنى : ويين ..؟​

دلال تمسك ايدها : قومي ​

...​

لندن الساعه 8 ونص بالليل ​

خالد : ألو ​

أم عبدالله : ألو ​

خالد : شلونج أم عبدالله وشلون العيال ​

أم عبدالله : الحمدالله بخير ​

خالد بتردد : حنان دقت عليج​

أم عبدالله : لا والله عسى ماشر ​

خالد : زين ممكن طلب ​

أم عبدالله : تفضل ​

خالد : ممكن أشوفج الحين ​

أم عبدالله : الحين ​

خالد : اذا مافي مانع​

أم عبدالله : أوكي .. الحين آنا والعيال بصبواي تيي والا تنطرنا لمن نيي للشقه​

خالد : لا لا خلاص بييكم .. بس امانه حنان لاتدري ​

أم عبدالله بشك : ان شاء الله​

خالد : وعندي طلب ثاني ​

أم عبدالله : تفضل ​

خالد : اذا دقت لاتردين زين ​

أم عبدالله بخوف : خالد ترى خوفتني شسالفه​

خالد : أنتي سويي الي قلت لج عليه .. وان شاء الله بتعرفين كل شي ​

أم عبدالله : أنزين آنا ناطرتك​

...​

بالحمام << عزكم الله ​

دلال تحط حمره وتكلم جنى قاصده ان منال تسمع ​

دلال : شرايج بشكلي ​

جنى فاهمتها : تيننين ​

دلال تشوف منال : أنا وين شايفتج​

منال تتذكر : مادري والله وانا بعد شايفتج​

دلال بنفسها : يجذبج يعني تسوين روحج ماتعرفيني << صج كلن يرى الناس بعين طبعه​

دلال تطالع الجنطه مالت منال : واو جنطتج حلوه من وين ​

منال تبتسم : يايتني هديه زواجي​

دلال : واي عاد آنا ما أحب ألبس شي مادري من وين حتى لو كان هديه .. وأنا شدراني يمكن تقليد ماركه​

منال تطالعها : كافي انها يايتني من ناس غاليين علي مايهمني اذا كانت ماركه والا تقليد​

دلال بقهر : اي صح ​

منال طلعت ​

دلال : شفتي الحيو**** شسوت ​

جنى : زين تسوي شكو تتليقفين ​

دلال : هين يامنال ​

جنى بنفسها : والله بديت أخاف منج يادلال ​

...​

لندن .. المطعم​

اليهال يركظون عمي خالد ياه .. خالد يبوسهم ​

محمد : نبي نلعب كره مثل أمس​

عبدالله : اي عمي الله يخليك ​

أم عبدالله تطالعهم وتبتسم​

خالد : ولا يهمكم .. الحين أوديكم​

أم عبدالله : شصاير عسى حنان مافيها شي ​

خالد بتردد : صراحه الموضوع ماله علاقه فيها الموضوع خاص فيني ​

أم عبدالله : خاص فيك .. عفوا بس آنا شكو​

خالد يأشر على اليهال يعني مايبيهم يسمعون ​

أم عبدالله : عبدالله روح أشتر لمحمد عصير عمك خالد يبيني بموضوع ​

عبدالله : ان شاء الله يمه .. حمود تعال معاي ​

أم عبدالله : شنو​

خالد يأشر لها تقعد : قعدي ​

أم عبدالله واهي تقعد : نعم​

خالد بتردد : بصراحه أنا أدري أن المكان مو مناسب والا الوقت مناسب بس أنا صج تعبت​

أم عبدالله : شسالفه خرعتني​

خالد : بصراحه أنا مليت من حنان .. بالفتره الاخيره موقاعده تهتم فيني كلش .. حتى بنفسها ماتهتم .. أوكي قلنا مريضه بسـ **​

أم عبدالله قامت وقفت : خالد انا آسفه هذي أمور بينك وبين زوجتك أنا مالي شغل ​

خالد : انتي قعدي خليني أخلص كلامي بعدين روحي​

أم عبدالله ردت قعدت ​

خالد : صراحه أنا أبيج على سنة الله ورسوله شقلتي ​

...

​

انتهى البارت بانتظار آرائكم وانتقاداتكم الحين بكتب لكم البارت الـ 15 وبنزله نطروني :eh_s(7):​

 

[ρeαrℓ]

صفحات البارتات


1- 2 - 4 - 5 - 8 - 10 - 13 - 17 - 21 - 22 - 24 - 30 - 39


​

 

[ρeαrℓ]

اوكي عيل قلبو بانتظارج صباحي اليوم ماكو شغل

أهم شي .. عطله :eh_s(9):

نزلت البارت ان شاء الله يعجبج .. نورتي ولاتحرميني من مرورج

 

[ρeαrℓ]

بنات راح انزل بارت بس أكتبه .. تستاهلون

 

[rawnaq]

امبيييييييييييييييييييييييييييي لا لا خلوووود مو من صجك قبل شوي مادحتك يالسخييف شنو هذا يعني ليش ما يقدر المره فيها الشين يعني مو انفلونزا وتروح قلبو مشكووورة وايد بس البارت وايد قصيييير ,,,دلالو ويييييع وييع مستحيله الله يعينها على نفسها مسكينة طايحة بجبد نفسها المينونه ,,,,مشكورررة بانتظارج قلبوووو

 

[ρeαrℓ]

امبيييييييييييييييييييييييييييي لا لا خلوووود مو من صجك قبل شوي مادحتك يالسخييف شنو هذا يعني ليش ما يقدر المره فيها الشين يعني مو انفلونزا وتروح قلبو مشكووورة وايد بس البارت وايد قصيييير ,,,دلالو ويييييع وييع مستحيله الله يعينها على نفسها مسكينة طايحة بجبد نفسها المينونه ,,,,مشكورررة بانتظارج قلبوووو

تسسلمين على المتابعه حياتي .. الحين بنزل بارت ثاني :eh_s(7):
نورتي ولاتحرميني من مرورج

 

[Sara.M]

يعطيج العافيه .. روايتج روعه الصراحه بس خالد بط جبدي !! حرام عليه مسكينه حنان وين فاضيه تهتم حق روحها !!

واتمنى ان ام عبدالله هاذي ما توافق @@

ناطرررررررررينج حبيبتي ​

 

[ρeαrℓ]

يعطيج العافيه .. روايتج روعه الصراحه بس خالد بط جبدي !! حرام عليه مسكينه حنان وين فاضيه تهتم حق روحها !! ​

واتمنى ان ام عبدالله هاذي ما توافق @@ ​

ناطرررررررررينج حبيبتي ​

الله يعافيج ياقلبي .. نورتي .. لاتحرميني من مرورج :eh_s(7):

 

[ρeαrℓ]

البارت الخامس عشر​

...​

خالد : صراحه أنا أبيج على سنة الله ورسوله شقلتي​

أم عبدالله منصدمه : شنو​

خالد : أنا ما أبي أسمع رايج الحين أبيج تفكرين على راحتج​

عبدالله : يمه خلصتوا يالله نبي نلعب كره ​

...​

حنان تدق على أم عبدالله ​

حنان : شفيها هاذي مو من عوايدها ​

...​

الكويت .. بالسياره ​

منال : حبيبي خلينا نروح السوق ​

مشعل : الحين ​

منال : أي .. اذا ماعندك مانع ​

مشعل : ولا يهمج حياتي نروح السوق شتبين بعد​

...​

خالد : السلام عليكم ​

حنان : وعليكم السلام .. شفت رفيجك​

خالد : أي شفته​

حنان : أمك زعلانه​

خالد : أفا .. ليش ..؟​

حنان : أسأل نفسك ​

خالد : حنان خلصيني ليش ​

حنان : صارلك أسبوع مو داق عليها​

خالد : أستغفر الله انا شلون نسيت ​

حنان : الي ماخذ عقلك​

خالد : أوهووو << وراح الغرفه​

حنان : شفيه هذا مايتحمل غشمره ​

...​

ساره (( أم عبدالله )) تطل من الدريشه : المفروض أوافق أنا محتاجه لريال .. صج اني أشتغل وماعلي قاصر بس همن لازم أشوف حياتي .. بس حنان حرام جذي أخونها .. أي أهي الغلطانه المفروض تهتم فيه .. البنت مريضه وأخاف أتسبب بتعاستها مايصير أبني سعادتي على حساب غيري .. أهم شي سعادتي احنا شماخذين من الدنيا خالد شاب وسيم وولد ناس باجر يعزني ويرزني أحسن من الوحده الي أنا عايشه فيها .. لاتغلطين غلطه ممكن تندمين عليها .. عيالي يحبونه وتعلقوا فيه واهو وايد زين معاهم .. انا شفيني أسأل عيالي وآخذ رايهم وايد أحسن لي ​

ساره بتردد : عبدالله ​

عبدالله : نعم يمه ​

ساره : تبي عمك خالد يعيش معانا ونصير ببيت واحد​

عبدالله : يعني بتتزوجينه ​

ساره : أي​

عبدالله بابتسامه : ويصير أبونا ​

ساره خانقتها العبره وتلمه : أي يمه​

عبدالله : أي وناسه .. يلعب معانا كره .. أنا أحب عمي خالد​

ساره : يعني اذا تزوجته ماتزعل ​

عبدالله : لا يمه ما أزعل ​

ساره : زين يمه خالتك حنان لاتدري بسالفه​

عبدالله : ليش ..؟​

ساره : بعدين نقولها نسوي لها مفاجأه وعمك خالد مايبيها تدري ​

ساره : وانت حمود شرايك ​

محمد لاهي بالعبه : شنو ماما ​

ساره : تبي عمك خالد يعيش معانا بنفس البيت ​

محمد : أي يمه عمي خالد كله ييبلي ألعاب ​

ساره بنفسها : وأنا شناطره دامني مقتنعه وعيالي يبونه ليش اخرب حياتي .. وبعدين أنا مرح أدمر لها حياتها والشرع حلل أربع ​

...​

خالد : شفيها هاذي جهازها مغلق .. أدق على أبرار أحسن ​

...​

أبرار بنفسها : هذا منو رقمه ياربي رقم خارجي .. معقوله هذي حنان .. أن شاء الله تطلع حنان مو الي ببالي ​

أبرار بخوف : ألو ​

خالد بابتسامه : هلا والله أشتقت لج ياقلبي ​

أبرار تزيد دقات قلبها : منو​

خالد : أفا والله ماهقيتها منج نسيتي صوتي بهالسرعه​

أبرار : شتبي​

خالد : أقولج أشتقت لج يالمينونه​

أبرار تبجي : خلاص ياولد الناس أنا تزوجت شتبي .. الله يخليك لاتسبب لي مشاكل ​

خالد عصب : شنووو​

أبرار صكت التلفون بويهه​

خالد يطالع التلفون واهو معصب كان وده بهالحظه ان أبرار تكون يمه على شان يطقها .. رد يدق ويدق واهي ماترد .. لمن يأس دز لها ​

ياحيـ*** أنا أخوج خالد ياللي ماتسحين .. حظج أني مو عندج بس حسابج معاي بعدين وين بتروحين مني .. تكلمين شباب ​

...​

أبرار تبجي : أبي أنا شسويت شسويت ياربي ساعدني طلع خالد ​

أبرار دقت على ساره أختها ​

ساره : ألو ​

أبرار تبجي : تعالي البيت بسرعه​

ساره بخوف : شفيج أبرار شصاير ​

أبرار تزيد البجي : تعالي بسرعه ​

ساره : أمي فيها شي ​

أبرار : أنا الي فيني ​

ساره : شفيج ​

أبرار : تعبانه ومخنوقه ​

...​

خالد ماسك التلفون شوي وينكسر من أعصابه ​

حنان واقفه عند الباب : خالد شفيج​

خالد معصب وساكت​

حنان : شفيك​

خالد حذف التلفون على السرير ومسكها مع جتفها : الحين تقولين لي شسم الجلـ*** الي أختي تكلمه​

حنان خايفه : أي أخت ​

خالد زادت عصبيته وصلت للينون : لا والله أي أخت بعد يعني كلهم يكلمون وأنا الغبي ​

حنان بخوف : لا حرام عليك ولا وحده فيهم تكلم لاتظلهم​

خالد عطاها طراق ويصرخ بقوه : قولي الصج ​

حنان تبجي وحاطه ايدها على خدها وخشمها طلع منه دم من قوة الطراق : والله العظيم مادري عن شي ​

خالد معصب : عيل ليش تقولين أي أخت ​

حنان تبجي : خالد حرام عليك والله خواتك خوش بنات ​

خالد : ماتبين تحجين .. زين بس خليني أعرف انج تعرفين شي مرح تلومين الا نفسج .. << وقال بصوت خفيف هين يا أبرار ​

...​

اليوم الثاني الساعه تسع الصبح .. الكويت ​

ساره : آسفه حياتي ماقدرت أيي أمس .. شفيج قولي لي ​

أبرار : في واحد كله يدق علي .. والله ياسارة ما أعرفه ومالي علاقه فيه .. يعرف أسمي وكل شي عني وأمس دق علي رقم << وتبجي​

ساره بخوف : كملي خوفتيني ​

أبرار : واحد يقولي أنا مشتاقلج والله ماعرفت صوته لاتقولين لي شلون اهو رقم خارجي على بالي الي يدق علي لانه أسلوبه غير أول مره يقولي مشتاق لج ويسأل عني من سافر ​

ساره تطالعه : لايكون​

أبرار تبجي : أي خالد .. فهم الموضوع غلط على باله اني أعرفه الله يستر​

ساره : وهاذا الي يدق عليج شعرفه فيج ​

أبرار : والله ياساره مدري والله​

ساره : خلاص أنا أكلم مشعل يتصرف ​

أبرار : لا فكيني أهو صارله شهر مادق ​

ساره : لا والله ماتدرين باجر يدق لي تزوجتي .. خليني أقول لمشعل ​

أبرار : وقولي له عن خالد​

ساره : خلاص انتي لاتزعلين عمرج وكل شي يتصلح دامج مو غلطانه لاتخافين ​

أبرار : انزين​

ساره : قومي صلي لج ركعتين وتعوذي من الشيطان ​

...​

مشعل بابتسامه ويوريها التذاكر : حجزت​

منال تلمه : حبيبي وين بنروح ​

مشعل : دبي ​

منال : مشكور ياقلبي الله لايحرمني منك​

مشعل : ولا منج​

وفجأه يدق تلفونه ​

مشعل : هلا بالحلوه شلونج ..؟ ​

ساره : زينه .. مشعل تعال تحت أبيك بموضوع بس منال لاتدري ​

مشعل : خير ان شاء الله فيكم شي ​

ساره : تعال وأنت تعرف كل شي ​

مشعل : ان شاء الله ​

منال : منو​

مشعل : حبيبتي ​

منال بدلع : مشعل ​

مشعل : هاذي ساره أختي تبيني بروح أشوفها شتبي ​

منال : أوكي عمري ​

...​

حنان : خالد ماتبي تاكل لك شي قبل لاتطلع ​

خالد : حنان لو سمحتي أنا الي فيني مكفيني ​

حنان : خلاص لاتزعل عمرك​

خالد طلع من الشقه واهو معصب ​

حنان دقت على أبرار ​

أبرار : ألو ​

حنان : شفيج .. شصاير ..؟​

أبرار : << قالت لها السالفه ​

حنان : وأنتي الله يهداج ماتعرفين صوت خالد​

أبرار : ماركزت على الصوت وواحد يدلعني وخالد الي أعرفه مايغشمر كله معصب ​

حنان : أمبي عاد حيل معصب ​

أبرار : حنون لاتخرعيني​

حنان : حياتي ولا يهمج آنا أكلمه وأفهمه أنتي لاتتضايقين ​

أبرار : ياريت حبيبتي .. يالله مشعل يناديني تبين شي ​

حنان : لا حبي أبي سلامتج​

أبرار : الله يسلمج​

...​

مشعل : أنتي شعرفج فيه​

أبرار : ما أعرفه والله ما أعرفه​

مشعل : زين عطيني رقمه ​

أبرار : << تنقله الرقم​

مشعل ينطره يرد بعدين سكره : مايرد ​

ساره : دق مره ثانيه ​

...​

حنان تدق على خالد​

خالد : خير ​

حنان : خالد تعال البيت بفهمك السالفه أبرار قالتلي ​

خالد صكه بويهها​

...​

أنتهى البارت بأنتظار آرائكم وانتقاداتكم .. أشوفكم بعد شوي لمن أقعد من النوم ان شاء الله :eh_s(8):​

 

[ρeαrℓ]

صفحات البارتات

1- 2 - 4 - 5 - 8 - 10 - 13 - 17 - 21 - 22 - 24 - 30 - 34 - 39 - 40​

​

 

[a77sas '3alee]

اكرهــك خاااااااااااااااااالد انت اكس اكس اكس حنون حرام طيبه وع نياتها المفروض مريضه يحن عليها يحسسها بالحب شي مني مناااك هذا كلششش اغسل اييدك اكرهه لوو جدااامي ذبحته وبيتزوووج بعد :s
يعطيييج العاافيه حبيبتي كمليي ناطرييينج

 

[D.A.S]

Ambii 5aled 6a7 mn 3ainii
W 7anan fdait'ha tksr al-5a6r fdait'ha
W hathii om-3bdalla tnrfz ufff

 

[D.A.S]

Waiting Ana w bnaat 5alatii ;**

 

[زهره الجلنار]

اصلا خالد لو يمي جان كافخته باكبر ماعندي ياغثك قطيييييعه

يعطيج العافيه حبيبتي خوش بارتات

 

[جفاكـ ضيع غلآكـ]

وااي خالدوو سخييف يعني فووق ما انه يبي يتزوج ع المسكينه حنون يمد ايده بعد ..!

 

[ريا&سكينة]

واااااااااااي لا لا خالد بذبحه ودلال تنرفز ما تيوز
ناطرينج :><<< ماتمل

 

[بشاريه طربانه]

وااااااااي خالد صدمني ليش يسوي جذيه بحنان باجر يزيد مرضها
ليش ما نبها على الي تسويه
ان شاء الله ما تتزوجه ام عبد الله

 

[a77sas '3alee]

المفرووض دلال تتزووج خالد

 

[Føzöø]

مشكوره ع البارت ناطربنج
و خااااااالد شنوو هذااا حًده صدمني