كذااااااااااااااااااااااااااااب !!!

[.،:"$الـعـوبــــة$":،.]

السلام عليكم ورحمة الله وبركاته ،، << دليل انها متأزمة استغفرالله ياربي !!

بنات عندي مشكلة ، هي حاليا صغيرة ! بس انا خايفة من بعدين !! انا لازم احاتي والا ماارتاح !!

ياناس !!!!

ولدي كذووووووووووووووووووووووووووووووووووووووووووووووووب !!:krkrkr:

عمره سنتين ونص ! بس تعالوا شوفوا التشلخ !! مصروخجي !! والمشكلة تأليف ! يعني مو كذبة عادية والسلام !!:krkrkr:

يعني مثلا ،،

اذا تهاوش هو واخته على شغله ، انا معودتهم اللعبة لمنو ؟ ياخذها ! مااحب اشجعهم يتجرأون على أغراض بعض ، وأقول ميخالف العبوا مع بعض ! او مثلا لبنتي خليه يلعب فيها شوية عشان بعدين تلعبين انتي بالعابه ، وهيك ،

بس مااحب اخذ منها شغله واعطيه على ابو انه الصغير !!

المهم ،،الحين لما يلقون شغلة معينة ، اقول حق منو ؟ لا ومن غبائي اقوله قولوا والله العظيم وحرااااام اللي يكذب!!

بنتي اذا صدق لها تقول انا ! واذا حلفتها تسكت !
هو شنو يقول !!!!
يقول مالتي والله العديييييييييييييييم انا لقيتها فوق ،أو والله العديييييييييم انا رحت شريتها امس مع ابوي ،أو والله العدييييييييم انا جبتها من بيت خوالي !:0bee2e8d89:

والله اتنح ! أصدقه ! بعدين استوعب ! هو أمس ماراح مع ابوه ! أو أهلي ماعندهم هالشي !

ومرات يطق اخته ، وصايرة والله تنحاش منه ! مع انها قبل تصرقعه ! بس انها الحين صاير غشاش ويعورها ! يعطيها بكسات ! او يعضها ! او يحذفها باي شي !!!
تكسر خاطري !!
ولما اهاوشه هو يقول هي دقتني على راسي !! هنيه ادري انه كذاب ! لأن كل الناس يطقونه على راسه !! واذا قلتله ليش طقتك ! طبعا وطبيعي يقول ( انا ماسويت شي ، انا بس قاعد ) !!!!!!!

الحين ميخالف نقول عادي وجاهل !:denya: بس كذبه قوي !! أخاف يتطور مع الوقت !!
شلون اعلمه مايكذب ؟ شسوي فيه !!​

 

[بنت اوسكو]

لا اتحلفينه لما تسإلينه بس دايم مو عند حزة الهوشه لما تقعدون م ع بعض دايم بيني الجذاب ايروح النار او اللي يحلف جذب الله ايحطه بالنار واللي ايقول الصج ايروح الجنه وقارني بين الجنه والنار وبعدين عوديه يحترم اخته من اللحين زفيه دايم هذي حبيبتيك اختك اتحبك وانت اتحبها ومن هالسوالف

ما عندي عيال بس اعتقد هذذي الطريقه الصح
والله يهديه

 

[جـــواهر]

يااااااااااااااااااااحلوه خشمه هالدقمه يجذب بعد ؟
انتي تعرفين ردي بقولج تكفييين خليه ع كيفه
ياليته عندي لامطق براطمه مطٌق :hjy5jewf:

 

[احلى الاسامي]

انا اعيالي اذا جذبوا اقول اللي يجذب الله يقص لسانه ويصير الشيطان رفيجه والناس تكرهه اخرعهم والله احس صايرين مايجذبون مثل اول عليهم جذب

 

[.،:"$الـعـوبــــة$":،.]

رد : كذااااااااااااااااااااااااااااب !!!

انا اللي خلاني حيل احاتي ، اني ابي ادخله حضانة مع اخته !!
بكرة ماراح يقولي الصدق !!
بيتبلى عليهم لين يقول بس ! حتى لو يقول الصدق ماراح اصدقه !!!!!!​

 

[ام زاكي]

العوبه انا عندي حل اسويه مع عيالي
اذا حسيت انهم جذبو اقولهم ادري انك تجذب تعرف شلون
مكتوب على جبهتك باللون الاحمر انك جذاب ولا احد يشوف الا انا
ماتشوفينهم الا ركض على المرايا يشوفون يقولون لي يما مانشوف
اقولهم لانه بس الامهات اهم الي يشوفون والله بعدها لقامو يجذبون يخشون جبهاتهم
وبعدين يعترفون بالي سووه
حتى يوم كبرو يقولون لي يما والله صج كنا نصدقج ونحاتي لجذبنا شلون بينكتب على جبهاتنا لوووووول

 

[ღ❤سـنــيـــڪـرز❤ღ]

الله يعينك انا بنتي 4سنين تحكي لي عن الناس الي طقوها ومدري شسوو
لما قول لاتكذبين تحلف ومدر شسوي

 

[آهات الليل]

رد : كذااااااااااااااااااااااااااااب !!!

يمممممممممه فديتهم والله
ربي يحفظهم لج من كل شر
انتي حاولي تقوليله اذا ماتجذب راح اعطيك هديه واشتريلج العاب بوميه وخشيهم عندج ولاصار شاطر او ماجذب عطيه وحده شجعيه ليما يتعود انا عودت بنتي على دخول الحمام تكرمين والسبه الهدايا من بوميه او ككاو وحلاو ومرات حمره هههههههه فخلاص تعودت

 

[.،:"$الـعـوبــــة$":،.]

رد : كذااااااااااااااااااااااااااااب !!!

والله يابنات اقوله ،،
قلتله ، اللي يكذب حرام بعدين الله يحطه بالنار ،
وانا وابوك ووسوم نروح الجنة وانت لا ! لأن حنا مانكذب !!
شفتوا اذا ماعجبه كلامي يقاطعني ! او يطالع شي ثاني !
وانا احتر !!
وكم مرة اعاقبه باني اخذ منه الشغلة واخشها عناد ، ومرة رحت الجمعية انا واخته وخليته ، وبكى لين قال بس !
اللي خلاني استنفر انه بكرة لادش الحضانة شلون بتطمن عليه اذا كل يوم بيكذب ويألف سالفة !!
مرات اقول بخليه فالبيت والسنة الجاية بدخله ! ومرات اقول لا بدخلهم اثنينهم عشان يتعلمون !​

 

[مشاعر خجوله]

دايم حسسيه انه كبير و رجال مو صغير وقولي له الكبار مايجذبون نفسي ونفس بابا واصلا اللي يجذب الله مايحبه و يدخله النار وحتى الناس ما يحبونه واللي مايجذب الله يوديه الجنه والجنه فيها كل شي ، وعقبها استدرجيه بالشي اللي يحبه مثل قوليله تبي العاب فيها تبي حلاو فيها تبي كاكاو اللي تحبه فيها وفيها كل شي حلوووو ..

وهم بعد مثل ماقالت وحده من الخوات اللي ردوا .. شجعيه بالالعاب و الحلويات وبالاشياء اللي يحبها ..


عسى الله يخليه لج ان شاءالله هو واخته ويبلغج فيهم ياااارب

 

[الأميرة جوري]

ياااااي يا حلاته .......شوفي انا عيالي بصراحه مايجذبون اعتقد لانهم اصلا يخافون منى ........بس اذا احد مسوي شيء مثلا واحد كاسر القلاص اسالهم طبعا يسكتون <<<ماعندهم جذب بس اقووووووول ياويله من الله اللي مايقول الله يحطه بنار يااااااااقلبي علي طول ولدي يقول لالالالا انا <<<مصدق انه خلاص بنار اخخخخخخخ اقوله خلاص ياربي لاتحطه بنام قال الصج وتعودي انتى قوليله الله يحطك بنار اذا جذبت يخاف ويقول ههههههههه يمكن ينفع فيه

 

[عيش و مرق]

شوفى اختى

ترا بهلعمر ماعنده مفهوم الصدق والكذب لان توه ابيض اقصد المخ واهو طفل ابيض مايعرف شنو انت جذاب
نصيحه لاتقولين له انت جذاب عشان لاتنطبع فى باله واذا كبر وفهمها يطبقها بدون شعور لان انتى برمجتى عقله الباطن عليها

وابشرج ترا ولدج ذكى هذه من علامات الذكاء الخيال واسع عنده ويالف ويتخيل اشياء مو صج ويقول اشياء ماصارت لان مداركه واسعه ماشاء الله وبقولج شغله بعد العوبه
اشترى حق عيالج العاب تركيب اتساعدهم على التركيز اكثر وتشغيل فصين المخ اليمين واليسار مع بعض واتحفز التفكير عندهم وحتى لو الله لايقول طفل بيصير فى بطأ تعلم هذه اللعبه زينه وكلام دكاتره ثقه ترا موكلامى عشان يساعد الطفل على ان يركب الاحرف ويقراها كامله

 

[sweet cake]

اقول بروحي صايمه وحددددي دايخه شلون بقعد اشرح بس جزاها الله خير عيش ومرق سبقتني

السالفه وما فيها خيال واسع وسرعة بديهه

لا كبر شوي يتغير ان شاء الله


>> مو اب بس اعرف بالتربيه وقاريه شكثر .. وشكثر من اهلنا ورفيجاتي انصحهم ويمشي معاهم صح

 

[ورديـــه]

الله يخليه لج حاولي تقولين له قصص عن ولد يكذب وشنو صار فيه ألفي لج قصص