كراآت البطاط + الدياي )) ..~ سلطه دسمه بالزهرا والبيديان .. يمي ..بالصور

[سارووه الاموره]

السلام عليكم ..​

اليوم يايبه لكم اكله عجيبه ريلي يحبها ودايما اسويها له ..​

اول شي .. ​

المقادير :​

--بطاطس حسب كميه الاشخاص ..​

--دياي محطوطا بماي حار ومستويه ..​

((( سوري بنات ترا ماعرف بعض كلمات المطبخ ف ان شاء الله تفهمون علي ))) ​

-- خضره الي اهيا (( بصل .. فلفل اخضر .. جزر .. ثوم .. )) مقصصه طوالي​

-- ذره + فطر معلبات ..​

-- 2 قشطه -- 1 كريمه -- جبن قلاص واحد كامل ..انا استخدمت كرافت .. جبنه موزريلا كيسه ..​

الطريقه ...​

-- نحط البطاطس بماي حار واذا تبين تخلصين بسرعه قصصيه دوائر شلون افهمكم مسكي البطاطا وحطيها وقصصيها سيدا 5 شرايح المهم ​

حطي بالماي ملح ..​

لمن تخلص البطاطس هرسيها وحطي ملح شويه وفلفل اسود ((حسب الرغبه))
وقشطه او جبن او ثنتينهم بس لاتكثرين ملعقتين .. كافي ..​

كوريهم وحطيهم بصينيه بروحهم وخليهم ع صوب ....​

---- الحين طلعي الديايه المستويه وقطعيها بشوكه او اي شي لصغار وخفاف مو متينه
ووخليها ع صوب​

اخذي قدر وحمسي البصل بعدين حطي الثوم وبهاراتج ووشويه كركم لاتكثرين ..
وحطي الفلفل وحمسي وكل الخضره الي حابه تضيفينها والذره والفطر ... وبعدين حطي الدياي معاهم وحمسي شويه تحسين تشرب السوائل الي بالحمسه​

وخليه 5 دقايق وبعدين حطي معاه قفشه جبن وقشطه ملعقتين خلي يصير فيه صوص ..​

--- اخذي البايركس حطي خلطه الدياي وحطي كور البطاطس فوقهم ​

-- الحين سوي الصوص ..(( شغلي النار وقدر صغير حطي قشطه و جبن قلاص عاد سوي كميه شويه لاتكثرين لان حاطين بالحمسه .. يعني 4 ملاعق جبن وقشطتين او زيدي الجبن بكيفج ))​

وحطيه فوق البطاط ورشي الموزريلا وحطي بالفرن ​

لوووووووووووووووووووووووووووول خلصت واخيرا صارلي ساعه اتخيل الطبخه شلون سويتها :krkrkr:​

وهاذي اهيا ..:rerrerek: والله الطعم لذيذ وعجيب ​

​

الحين نيي لسلطه ​

المقادير ...​

-- خيار​

-- بقدونس​

-- جرجير​

-- بيديان​

-- زهره​

-- ثوم​

-- بطاطه ​

-- بصل ​

الصوص ... << طحينيه ملعقه وشوي - روب علبتين - مايونيز ملعقتين ,>> ها ترا قلت حسب الي عندج انا مسويه وايد ليش اني عطيت اهل ريلي منه ..​

الطريقه ..​

قصصي الخيار والبصل والبقدونس والجرجير صغير حيل والخضره مربعات صغار :rerrerek:​

اقلي البيديان والزهره والبطاط ..​

ثوم هرسيه​

سوي صوصج وخلطيهم كلهم ​

وراح تشكريني :eh_s(7): والله را تولين دسم بس يحبونه الرياييل ..​

وصوره :ggdw:​

​

وشربي معاه الي تحبين ​

انا شربت ​

لووووووووووووووووووووووووووول​

و​

​

وشكرا للمتابعه حبايبي :eh_s(7):​

يلا ابي عاد تشجيع :ggdw: بنات ...​

علشان اسوي لكم الـ cup cake والله تذوبووون لمن تشوفونه طريقه يديدااا ....:ggdw::ggdw:​

 

[جارة القمر]

سارووه الاموره


مشكوووووووووووووووووره



حبيبتي

 

[هجير الريح]

مشكورة حبيبتى عجبنى حيل كرات البطاط ان شاء الله اجربها باجر .... تقبلى مرورى غاليتى

 

[wujud]

شكله لذيذ

 

[dnyay_mll]

مشكوره حبيبتـي
وتسلم ايـدج
ولاتتاخرين علينا بالكب كيك

 

[ريح الجنه]

يعطيج العافيه والله انا من زماان ادور طريقة كراات البطاط ,,,,, فديتج بااجر مسويتها عل غدا هههههههه

وهذي بوسه علي راسج اموااااااااااااااه

 

[صخر جلمود]

يسلمممموو

 

[دلووووعة نجد]

تشههههههههي ما شاء الله تبارك الرحمن

 

[زوجة عزيز]

تسلم يدج

 

[سارووه الاموره]

واااي فديتكم انا والله

حبايبي مشكورين ع التشجيع


..


وانتظروني مع اطباقي اليايه لوووووووووووووووولز
..

 

[MissAccord]

هالطبخه لذيذة ... شكرااا

 

[كريستال]

روعه ماشاء الله

وناطرين الكب كيك

 

[حلوة ومملوحة الكويت]

تسلم ايدج حبيبتي:eh_s(7):
وناطرين جديدج
مشكوووره،،،​

 

[Tom ♥ Jerry]

.


تسلم ايدج :******

 

[noo77noo]

تســلم ايــــدج​

 

[ABEER FLOWER]

ماشاء الله

تسلم إيدج حبوبه

: )​

 

[وردة الجنه]

روعه تسلم ايدج

 

[ام حموديNEW]

لذيييييييييييييييييييييييييذه تسلم ايدج غرامي هالاكله

 

[الفرفوشهـ]

تسلم ايدج
وعليكم بأأأأألف عافيه

 

[ام عزايز]

تسلم ايدينج جبتيها عالجرح غرامييييييي الاكلات اللي فيهاااااا قيمروجبن