<<**كرات البطاط بالكريمه و المشروم و الدجاج من مطبخ oum^zozo **>>

[oum^zozo]

قوه بنات بناء على طلب الجمهور اليوم يبلكم وصفه رفجيتي ذكرتني فيهه فا دقيت على امي و خذيت منهه الوصفه و سويتهه حق الفطور
انشاء الله يارب تعجبكم

بسم الله الرحمن الرحيم


المقادير

فصين ثوم
نص شدة بقدونس
علبة كريمه حمره كيديدي
صدور دجاج
بصله كبيره
بطاط كبير عدد ٥ حبات ( او على حسب الكميه اللي بتسووينهه)
حليب
ملح ، فلفل اسود
جبن مازارولا مبشوور
علبة مشرووم
شوية كموون
------------------------------------------------------------------
الطريقه
- او شي انشيل قشرة البطاط بعدين انفوح البطاط اب ماااي ليما يستوي
عدل عدل عدلل كل شوي قزوووه بالشوكه عشان تتأكدون

-بعدين انقصص الدجاج و البصل طوال طوال و انقص البقدونس و اندق الثوم
- الحين نحمس الثوم بعدين البصل بعدين الدجاج بعدين بعد مايستوي الدجاج بشوي نحط البقدونس و المشروم و شوية ملح و فلفل و كمون ليما يستوي الدجاج عدل مدل و انصفهم بالبايركس

- نطلع البطاط و نهرسه عدل و نحط فييه شوية حليب ( شويه مو وايد عشان لاييصير حيل لين) و انضيف ملح و فلفل

- انكور البطاط بيدنا و انصفف الكور فوق خلطة الدجاج

- انييب نفس المقلا اللي سوينه فيهه الدجاج و نحط الكريمه الحمره فوقهه ربع قلاص ماي و نخليه ليما يغلي بعدين انكت الكريمه على بايركس كور البطاط

- الحين انرش جبن المازارولا فووق كور البطاط

- و اخيرا انحط البايركس بالفرن و ننطر عليه شوي ليما تتحمر الكور و بالهنا و الشفا


و هاذي الصورة النهائيه للطبق



​

 

[الكيكة الأمورة]

يعطيج الف مليون عافية
سنعة طباخة التجمع تسلم ايدج

 

[oum^zozo]

الله يسلمج حبيبتي كيوووك

 

[ورود خذلتها العاصفه]

يعطيج العافيه هاذي اكلتي المفضله

 

[*الهوا الغايب*]

تـسلمــ ايـــدج

 

[ABEER FLOWER]

ما شاء الله تبارك الله
تسلم إيدج و إيد الوالدة
يعطيكم ألف عااااافية

 

[++The DuchesS++]

حيااااااتي مشكورره على الطبق الفلاااااوي
لووووول
امووووت على هالاكله رهيييبه والله
الصوره موووصج
يعطيج الف عافيه حبوبه ما قصرتي

 

[*قفشة عسل *]

تسلم ايدج >> هذي الاكله امووووت عليهاااا من رمضان الي فاات وانا مطيحه فيهااا لووووووووووووووووووووول

 

[ماكينتـ*زينة*ـوشة]

تسلم ايدج ..

 

[دلوعة بنتي]

ام زوزو تسلم ايدج
انشالله بجربه برمضان حق بيت حمولتي

 

[سعودية عسل]

يسلمو حببتي

بس شو هي الكريمة الحمراء مافهمت عليك شو قصدك

واذا في صورة ياليت يالغلا تحطينها

 

[lolo6688]

تسلم ايدج ام زوزو
يوعتيني من الصبح

 

[oum^zozo]

الله يسلمكم بالعافيه

سعوديه عسل
الكريمه الحمره ايهي نفسهه الكريم البيضا اللي نستخدمهه بالحلويات و الأكل و الباستا عندكم بالسعوديه نوع المراعي احنا نستخدم كي دي دي و اسمهه كريمه للخفق هههههههه بس نسميهه حمره لأن قبل بكويت كانت العلبه احمر لونهه

 

[نواااال]

روووعه وعذاااااااااااب في نفس الوقت
انشاء الله بسويها بس تعالي بسالج جم بطاطا ماكتبتي العدد فديتج

 

[ضحكة الدنيا]

تسلم ايدج وايد الوالده

ويعطيكم العافيه

 

[جارة القمر]

مشكووووووووره


حبيبتي

 

[oum^zozo]

بالافيه

انا حطيت ٥ بطاطات كبار بس انتي و على حسب ال كميه اللي بتسوينهه

 

[خاشووقه]

يعطيج العافيه

 

[whitish]

ماشاء الله تسلم ايدييج

 

[Haifona]

بصراحه ما اقدر اقرى هالموضوع اللذيذ بدون ما اتشكر منج ،، فعلا تسلم ايدج يا ام السنع كله