كرهتتتتتتته اهئ اهئ

[روحي تحبk]

السلام عليكم​

بنات انا حدي متضايقة وانتوا خواتي قولوا لي شسوي​

صارت بيني وبن ريلي سالفة واحسها كبرت ولوعت جبدي​

تخيلوا سخافة الموقف​

قاعد يتحرش فيني وانا اقوله مابي تتحرك مشاعري وتوخر عني والله مافشلته وقلتها بدلاعة​

لان عيالي صغار ومابي احد يخرب الجو​

انا بالعادة اصرفهم عشان يخلى الجو لنا​

تخيلو قلب ويهه انا قلته شفيك مومستاهله تسوي منها مشكله الا الاخ قاعد يتحلطم ويقول اي عشان جذي الشرع محلل اربع واذا ماكانت بالحرام اكيد بالحلال​

انا والله مارديته كان قصدي نصرف اليهال وناخذ راحتنا بس رفع ضغطي بكلامه​

ووالله ماعرفت انام والاخ نايم ولا ع باله​

الموووهم​

تهاوشنا ع الواتساب وبعدها رسلتله شعر عتاب وطابت الخواطر شوي​

لمن رد من العمل تكلمنا بالموضوع​

اقوله ليش تقول لي جذي​

الا يقول لي والله هذا الصج والمنطق جذي اما انج تيوعيني شهر اكيد بشوف غيرج يابالحرام او بالحلال والله مارديته من قبل​

يقولي انا اقولج ان هذا الشي الطبيعي​

وصار سب وصراخ :eh_s(2):​

وسالفة شطولها​

يبي يراضيني تخيلوا مايعرف شلون اقوله اصلا انا من فترة ياني هالاحساس احس انك ماتحبني الا عشان هالشي وبس​

الا يقولي مو صحيح​

اقول له ليش تحبني الا الاخ محتار مو عارف شيقول بعدها قالي لانج زوجتي وبيناعشرة​

اااااااخ يقلبي​

اي بوسط كلامنا اقوله انت الحين شغلك كله سفرات يعني هالموضوع(وحدة غيري)صار اسهل الا يقولي وهو مبتسم بخبث اممم لا​

بغيت اذبحه انا احبه وحيل اغار عليه​

بس انا ناقصني احساس من صوبه ابي احس ان يعشقني بنظراته بكلامه ابي يحب شخصيتي اسلوبي كلامي مو بس حزة الشسمه اسمع الغزل​

مابي احس اني بس للجنس اففففففف بس​

عاد انا قلته هالكلام تخيلوا ماسك جواله قلت له شتسوي انا اكلمك الا يقولي والله ماشفت الاخبار اليوم يعني انا بوادي وهو بوادي ثاني​

شلون اخليه يغرم فيني ولين فقدني يضيييع بدوني ومع سفراته الوضع مقررررررف مع اني اوفر له جو خاص بس مو مبين بعينه علطوول ينسى اللي اسويه له​

 

[بارشيكا]

اااااااااااااااااااااااب

يفيدونك البنات ان شاء الله

 

[شاربة بيبسي ومدلعة نفسي]

الله يعينج
مااالج الا الدعاء والله يسخره حقج يارب

 

[عتآق الخيل]

الله يعينك عليه غلآتي .~

 

[kingq8q8]

ودي اعلق بس مالي خلق افكر


لي رجعه لموضوعج

هالرجاجيل دعااااله الله يعينج

 

[كربون امها]

شاالعبو هذا اشكره يدور السوالف الشرع حلل اربعه يعني قايل شي الظاهر بخاطره يتزوج وقلب السالفه عليج خلاص بعد لا تردينه كلش لا يسويها يبه عذر ويتزوج ديري بالج

 

[كربون امها]

حلو العنوان اهئ اهي ههههه

 

[yoyo"s mam]

الله يهديه ياارب
مالك غيرالدعاء

 

[بنتي شبيهتي]

اول شي الله يصلح بينكم ويبعد المشاكل
ثاني شي احسه يبي يستفزج يمكن يبيج تعصبين وتغارين مادري احساسي جذي لانه يقولج ماشفت الاخبار اليوم وجذي يعني اتوقع يبيج تغارين اكثر وتعصبين صدقيني اهو يحبج والريال ترا يستانس ااااااخر وناسه لما مرته تغار عليه وتبين غيرتها حقه وتعصب ترا غرامهم هالشي
وانشالله يطيح الحطب

 

[بنتي شبيهتي]

اول شي الله يصلح بينكم ويبعد المشاكل
ثاني شي احسه يبي يستفزج يمكن يبيج تعصبين وتغارين مادري احساسي جذي لانه يقولج ماشفت الاخبار اليوم وجذي يعني اتوقع يبيج تغارين اكثر وتعصبين صدقيني اهو يحبج والريال ترا يستانس ااااااخر وناسه لما مرته تغار عليه وتبين غيرتها حقه وتعصب ترا غرامهم هالشي
وانشالله يطيح الحطب

 

[دلوعة صلوح]

الله يهدى لج يارب

 

[أم الأطفال]

الله يهديه ياارب
مالك غيرالدعاء

 

[أحلى البشر]

الله يعينج سوالج سالفه من ولا شي

 

[حلاه الكون]

اللي يقول ابي اتزوج
هذا ماينخاف منه
لان اللي يهدد مايسوي شي
ويعدين انتي مو كل شوي تقوليله انت تحبني ولا لا
خليه اهو يقولها من نفسه
وبعد موكل شوي تعاتبينه علا كلمه انك قلت تبي تتزوج علي
راح يتعود عليها
خلي هالكلمه ماتطلع بسهاله
واذا عن انه يتعود عليج
اغلب الرجاجيل يجذبهم مرح الزوجه وعدم تنكيدها عليه
صدقيني هذا اكثر شي كسبت فيه زوجي
وحتا لو تزعلين خلي زعلج يوضحله انج مسكينه واهو ظالمج
مو تعصبين وتزلزلين الدنيا
واهم شي الدعاااااااء لله انه يهديه لج
والاهم من هذا كله هو ارضاء ربج

 

[زوجة عزيز]

اذا كنتي مقصره معاه اشتبينه يقولج ترا الريال الزم ماعليه راحته ولا يهمه شي لو زوجته ملكة جمال ومقصره عليه توقعي يروح حتى حق خدامتها شبعي الريال تكسبينه

 

[انونا]

تبين الريال يعشقج

١- تفنني بالجنس ....> الريال يحب الجنس اما المرأه العكس العاطفه

فانتي تفنني بالجنس علشان يتفنن بالعاطفه معاج

٢- الاكل ويكون من ايدج (((( اقرب طريقه للرجل معدته )))
٣- ثقتج بنفسج واهتمامج بنفسج بيخليه يموت فيج
٤- استخدمي اسلوب الشد والرخي راح اين عليج
٥- كسر الروتين بمغامرات وبفاجئات
٦- كوني مرحه وانبسطي باللحظه الي انتي معاه
٧- كوني صديقته ...>>>>> بايقتها من موضوع شادن لوووول
٩- تقربي من رب العالمين ودايم ادعيله بالهدايه وان ربي يحفظه لج


بس لي عتب عليج
ما يصير ما تعطين ريلج حقه ديري بالج اهو ما قالج جذي الا ترا نغزه علشان تحسين باهميت هالشي عنده

 

[ديانا سبنسر]

انونا كفت ووفت

 

[قلب طفـــله]

اذا كنتي مقصره معاه اشتبينه يقولج ترا الريال الزم ماعليه راحته ولا يهمه شي لو زوجته ملكة جمال ومقصره عليه توقعي يروح حتى حق خدامتها شبعي الريال تكسبينه

صح لسانج انتي مقصره الريال ماينلام وشنو حب ماحب اللي تشوفينه بالتي في خرابيط الحب مو كلام بس الحب افعال واذا مايحبج جان ماتحرش وقال يبيج ^^ الله يهديج

 

[دلوعه ناعمه]

انا لاحظت انج كاتبه قاع يقولج (( اتيوعيني شهر ))

قصدج ان ريلج شهر ماقربلج ؟
شلون ماتبينه ياخذ بخاطره ويعصب شهر مو شوي حبيبتي واهو ريااال لما يطلع من البيت شوفي شنو يشوف وشنو يصادف بسفراته وانتي شهر حارمته هذا اهو قالج اشوف الشرع حلل اربع !!
خليتي الريال يوصل حق هالتفكير تالي تعالو ساعدوني!

 

[هيبة فتاه]

لوووول احسها مشكله تنحل بس انتي حابه تسولفين عنها عالفاضي