كرهتي اشخاص مع انهم من اعز الناس

[رنا 2012]

هلا
عندي سؤال ياليت يجابوني الي مروا في هالمرحله
هل في حملك كرهتي اشخاص مع انهم من اعز الناس عليكي يعني ماتحبي تشوفيهم اوتسمعي صوتهم وجيك لوعه منهم سواء خالتك اختك حماتك زوجك
ومتى تخلصي من هالكراهيه في اي شههر
شاكره لك م يرد

 

[احساس نادر]

كرهت زوجي مابي اسمع صوته ولا اشوفه ولا اشم ريحته طبعا في فتره الوحام ( النساه ) ورحت لاهلي قعدت لمده ٣ شهور لين دشيت الشهر الرابع ورديت له وراحت الكرتهيه ورديت معاه مثل ايام قبل واحلى بعد فتره وتعدي

 

[أأأميرة الورد]

انا كرهت بيت حمولتي كله واكره اي احد اشووفه منهم

وخاااصة زوجي

تعدبت حيييييييييييل لدرجة بس بجي وكآبه وكنت افكر بالطلاق

واستمريت على الحال للولاده

بس الحمدالله عقب ماولد خلاص يطيح اللي براسي

صج ماساة

الله لايعيدها من اياااام

 

[رنا 2012]

حلو اخت احساس نادر ان الوحام راح الشهر الثالث

 

[رنا 2012]

اخت اميرة الورد ان شاء الله مااصير زيك لانك طولتي وانتي تكرهينهم انا مثلك بس بالشهر الرابع والى الان اكرهم اتمنى يخلص هالشي لانه متعب
عندي سؤال اخت اميره الورد طفلك الي جبتيه طلع يشبهم

 

[tota77]

انا نساتي كانت بريلي مدة شهر

يا انا انام بالصاله او اهو المهم مايكون يمي واي شي ياكله ويحبه كرهته

بس الحين عادي الحمدلله .. بس اتحسس من اكله

 

[روعة خيال]

انا لي الحين مابي اشوف حمواتي و مابي اسمع اصوات عيالهم و مابي البيت بكبره

اتمنى تروح بعد الولاده

 

[رنا 2012]

اخت توتا 77 الحمدالله انه خلص الوحام بس كيف تتحسسي من اكله مافهمت

 

[رنا 2012]

الله يعينك اخت روعة الخيال كثير ابيت بكبره عليكي يلا ان شاء الله تولدي بالسلامه وترجعي لطبيعتك
مشكورين بنات طمنتوني ان مو بس انا الي اعاني من هالشي

 

[tota77]

للحين تلوع جبدي من اي شي ياكله

حتى لو بسكوت وحليب ... والحين ماقمت اشرب حليب منه :/

 

[أأأميرة الورد]

اخت رنا انا صارلي هالشي مرتين

مره ببنتي ومره بولدي

بنتي طلعت تشبه عمتها وابوها


وولدي طلع يشابهني

 

[الروح كالريحان]

الحمدلله ماكرهت اشخاص
كافي اكره الاكل هالدور اكره اوادم
الله المستعان
وان شاءالله تردون ع طبيعتكم

 

[Aloe Vera]

كرهت زوجي فترة النساة لمن حملت بالولد بس مو لي درجة اطلع من البيت مجرد اني اتجنبه و اتنرفز منه
في البنات ماكرهت احد

 

[نرجس 2]

اكرهت زوجي فترة الوحام
كنت عصبيه ومجنونه
واكسر بالبيت طول الوقت
بس ربي بحبني انه زوجي طويل بال ومش عصبي
واكرهت حماتي ولحد هلاء مش طايقه اسمع صوتها
بس طبعا في اسباب لكرهي الهااااا
كنت امشي غلاظتها قبل الحمل بس بفتره الحمل مش قادره يا ناااااس شو اعمل
الله يهونها يا رب علينا وعلى جميع الحوامل

 

[M!SS.LOBY]

شئ طبيعي تصير عند بعض الحوامل النساة

 

[رنا 2012]

الروح كالريحان شاكره لك وامين يارب نرد لطبيعتنا بسرعه
الو فيرا الله يعينك بس الحمدالله نوعا ما احسن من غيرك
نرجس الله يعينك على العصبيه ويهون عالجميع كل حمل تصيري عصبيه ولا اول حمل لكي
مزز لوبي شاكره لك بس اتوقع الكره غالبا الزوج بس انا ذي المره الوحام حقي نوع جديد فخفت هالشي طبيعي فيني ولا اشفيني بس الحمدالله البنات طمنوني ان موبس انا الحالي شاكره للجميع

 

[toofaa79]

أنا كرهت خالتي مع أنها المسكينة مسالمة ولا سوت لي شئ بس جد كنت النرفزة منها حيل وماحب أشوفها كنت حامل ببيتي وطلعت نسسسسسخه منها والحمد لله أنها حلوه loooooool

 

[{ الـ غ ـزال الـ ع ـنيـد ~]

الله يعينكم من الوحام

 

[زبــــــــدة]

انا الحين كااارهه زوجي واهله مو لوعة لا بس كاارهتهم وماتحمل منهم كلمة مع انهم طيبين لووووول

بس جذي اتنرفز بسرعه على اي شي

وخاصة زوجي اففففففف ودي اطقه

 

[August Night]

حبيبي ريلي مو طايقته
مستحيل يقرب صوبي
تلوع جبدي منه و من ريحته
و اصلا انا نايمة ببيت اهلي
طالعه من شقتي
لاني اقول ريحه الشقه كلها ريحه ريلي

مرات يسولف اقوله اسكت برجع مابي اسمع صوتك
و كله ينام بعيد و هم ارجع و زادت نساتي و انا يمه
لين قررت اروح بيت اهلي
الحين واايد اريح الحمدلله

طبعا بلشت معاي هالنساة من نهاية الاسبوع السادس
وانا الحين بالاسبوع العاشر
و مادري متى تعدي الايام وارد نفس قبل